| |
| |
14-12-2009, 10:57 PM
| |||||||||||
| |||||||||||
قصة ضياعي بالصمان "1"  الحمدلله والصلاة والسلام على رسول الله وعلى آله وصحبه أجمعين طابت أوقاتكم بكل خير هذه قصة ضياعي في الصمان الذي ترقب لها الكثير والكثير منكم فإليكم الجزء الأول منها .. حينما كنت صغيراً في عام 1416 من الهجرة كنت حين ذاك في صف ثالث أبتدائي بعد الإختبارات النهائية وإستلام النتائج وطبعاً ناجح ومستانس قررت العائلة الموقرة بالتخييم عند الحلال وتجمعت العائله الكريمه .. ويجي اخوي الكبير المهندس فراج من الدمام لأنه كان وقتها يدرس في جامعة الملك فهد للبترول والمعادن أنا آخذت الشهادة الصبح والمهندس فراج وصل الرياض على المغرب وحنا محملين عفشنا في اللوري "عكام" << أبوي جايبه من البر عشان نشيل عفشنا ويجي فراج ولايدري وش السالفة قال فراج : وش اللوري اللي عند الباب عليه خيام وعليه دنيا قال ابوي : هههه هذا عكام إن شاء الله أنك بتسوقة ياولدي للصمان قال فراج : هو ذا "عكام" قال أبوي : الله الله , العلم سلامتك حنا بنروح نخيم في البر عند الحلال ونقضي الإجازة هناك .. وهذي أعلومنا وأنت وأعلومك قال فراج : زانت علومكم آثاريكم بتروحون للبر وأنا اللي بسوق اللوري.. ياوالله اللي ماحصل لي سفرة قال أبوي : وين بتروح إن شاء الله قال فراج : مرتب على سفرة أنا والزملاء وأنتوا خربتوا الشغله علينا قال أبوي : والله ياولدي ماحنا ملزومين بك العيال واجد وبيسدون اللزوم .. دامك رايح رايح الله يستر عليك ياولدي قال فراج : انا ماني مطول أسبوعين وبجيكم على طول في الصمان قال أبوي : خلاص , ننتظرك للمعلومية : كنا في شهر رمضان المبارك وفي فصل الشتاء أيضاً الحاصل ابوي أعطانا التعليمات !! بإنه تنطلق القافلة بعد السحور والله وأنتسحر وطبعاً كل عفشنا في اللوري "عكام" وانا عاد ذابحني النوم أبي أرقد وأخواني مواصلين الحاصل طلعنا من الرياض الساعة 3 الفجر طبعاً كانت السيارات اللي أذكرها اللحين .. اللوري يسوقه أخوي محمد << طبعاً اللحين مدير قسم في أحدى الجامعات العربية ولامعه أحد << لأن حق هوبال وموالات .. مزعج مايخلي أحد في حاله الصالون "زريقين" موديله 82 لونه أزرق وفضي<< أييييييه يالصالون ذكرى والله و يسوقه أخوي حسن ومعه أهلي بخويطهم << اللحين ظابط . الجيب الشاص موديله 91 يسوقه أخوي ماجد ومحدثكم المعاون النايم << والله هو سامح لي يقول أرقد والددسن 89 غمارة يسوقه ابوي وطبعاً المعاونة حلوة اللبن " ماما " الحاصل وصلنا على الساعة 5الفجر وكان الجو ضبابي ماتشوف يدك لدرجة أن أبوي ضيع مكان الحلال ولكن على كلام أبوي أن حنا حول الحلال ماحنا بعيد وفعلاً أبوي خاطب عقله الداخلي ووصلنا للحلال بسلام عاد أنا توني أقوم من النوم من آثر المطبات والرقلات << من 3 إلى 5:30 يعني ساعتين ونصف فقط "معدل النوم" ولا في غمارة الشاص كمان نومة هادئة << ماهيب في الذمة أنتظرونا ..  جزء من الاحداث في الجزء الثاني ~ من اول مانزلت من الشاص وانا أركز كراعي ........ .. والحاصل اني أمشي وأسولف على عمري << لاتشرهون كان عمري 10 سنوات  ولا تذكرت أهلي إلى الساعة 4 العصر ............  .. طبعاً أنا لي آنين بس ماني أبكي ..  ............... جاني شي ما يعلم به إلا الله سبحانه وأوقف شوي ...........  .. سمعت اصوات أجراسها والله وتطقني الذله لأنني شفت معها الراعي سوداني شكله يخووف مرره طويل وعريض [ ضخم ]  ... قال : أشرب ماء اقل شي << رحمني يومن ظهري منعكف ......: ركزت كراعي من اهلي ما شفت لا دابة ولا مخلوق إلا ذا البيت الشعر .. والله وأكمل مسيرتي ويبدأ من هنا البكاء صدق والشمس غابت تقريباً ....  والباقي .... في وقت لاحق ~ انتظروني ~
 |
|
14-12-2009, 11:08 PM
| |||||||||||||
| |||||||||||||
|
رد: قصة ضياعي بالصمان "1" هههههههههههههه ذيبان الحمد لله على السلامة
|
|
15-12-2009, 05:58 AM
| |||||||||||||||||||||
| |||||||||||||||||||||
رد: قصة ضياعي بالصمان "1"
| |||||||||||||||||||||
|
14-12-2009, 11:12 PM
| |||||||||||
| |||||||||||
|
رد: قصة ضياعي بالصمان "1" الله يستر عيك يا ذيبان ومشكور على القصه الممتعه وتراني انتظرك على احر من الجمر
|
|
15-12-2009, 06:00 AM
| |||||||||||||||||||||
| |||||||||||||||||||||
رد: قصة ضياعي بالصمان "1"
| |||||||||||||||||||||
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| "الزعيم" و"العميد" و"فارس الدهناء" يبدأون مشوارهم الآسيوي | تركي عفيش | الرياضة والشباب | 3 | 26-01-2011 09:39 AM |
| قصة ضياعي بالصمان "4" والآخيرة | ذيبان | حكايات من الوجد | 17 | 13-01-2010 07:06 AM |
| [تنبيه] قصة ضياعي بالصمان "2" | ذيبان | حكايات من الوجد | 19 | 06-01-2010 11:23 PM |
| [تنبيه] قصة ضياعي بالصمان "3" | ذيبان | حكايات من الوجد | 21 | 22-12-2009 05:04 PM |
| شعبان عبد الرحيم "يتوسط بأغنية" للمصالحة بين "فتح" و"حماس" | محمد | افق تكنولوجي | 10 | 22-07-2007 04:57 AM |
 |  |
العرض المتطور
