|
يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ـو http://www.cat11.com/vb/images/smilies/mr7ba1.gif اخواني اخواتي الاعضـأء في ][®][^][®][يـــــوم فــــــي حياة عضـــــو][®][^][®][ موضوع جميل وخفيف وياريت الجميع يشارك فيه الفكره عجبتني وحبيت اطبقها في منتدانا المتألق... اي عضو حاب يحكي لنا يومه كيف ..يحكي لنا عن مسار يومه منذ ان يصحو صباحاً حتى يحل الليل وينام... متحدثاً بحريه تامة وبأسلوب..عفوي جداً وكم جميل لو كان به بعض المــرح والإنطلاق والتحرر من قيود المواضيع الرتيبه طبعاً حبذا لوكان التحدث عن يوم عادي وليس يوم إجازه او مثل ماانتو حابين وذكر التفاصيل ليكون الموضوع ممتع... . .اذا عجبكم الموضوع راح نبدا عاد لاتبخلون علي بالردود |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ فكرة رائعة تشكرين عليها بس ماحب اكون في الاول بانتظر احد يسبقني وانا بعده لكي شكري |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ فكره مررره حلوووه .. لي عوده ان شآء الله .. لكـ الشكر .. |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ لي عوده دمتم بود |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ هلابكم حياااكم اي عضو حيااااااااااااا ااااااااااااااا ااااكم |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ تسلم الايااادي موضوع حلوووو لي عوده ان شاء الله |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ فكرة حلوة.., وفي انتظار اول الاعضاء |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ وش فيكم كلكم خايفين ؟ ؟ ؟ انا اشجع واحد وراح ابدأ بس موب في صالحكم وبعدين اقولكم طيب عاد ابدأ وبما انه امس الجمعة ماصحيت الا الساعة 11.5 قمت ورحت وصليت الجمعة <<<< زمان ما صليت جمعة ومريت السوق وشريت تمر روثانا <<< يقولون من المدينة بس السطل بـ 25 ريال موب كنه مبالغ فيه بس يالله بداية الموسم ولامه نخلنا في مزرعتنا العامرة بالمديفع يتاخر على باله اوربي <<<< اشوى انها 450 نخلة وللاسف لم ينجح احد للسنة الثانية على التوالي مايستفاد منه شئ نهائيا بسبب شح المياه الجوفية عشان كذا معاد نتشوشر الا في الشهر مرة الله المستعان الموهم ارجع البيت انتظر الغداء والا الدب ابو هلا يطري علي قلت ورى ما اعزمه على هالتميرات الزينة <<<< ناوي يرفع السكر عنده واكلم الرجال اعزمه بعد العصر قال الا بنجيك الان ! ! قلت لا تجي الا وانت متغدي وداق ابرتين انسولين <<< ناويه ولا تجيب ولد اختك الراسي ترى الميزانية ما تتحمل والله ويجي الرجال الساعة 2 وربع <<< امحق وقت مسيار ونتقهوى ونعلق على ابو طارق لين اذن العصر بعد الصلاة وبما اني زمان عن الطلعات والرويضة قلت خلني اروح انقه نفسي ( جاية من النقاهة ) في البر ومير واحمل جميع انواع اسلحة الصيد والذخيرة والسلوقي والصقر الحر واتوكل على الله لاحدى الغابات القريبة من الرويضة قلت اول شئ يبي لي براد شاي سكر زيادة تحت هالشجرة اللي بجوار النهر والله ياعليها جو ومسوي نفسي رومانسي واجلس احلت في حصى في الماء واغني لو رمى طفل حجر عكر مواعيد الهنا ومادريت الا وصورة اسير الغربة تطلع لي في الماء وتروح ( شفافية ) هههههه الشاهد اعجبتني الجلسة وما حسيت حالي الا والشمس تدنو من الافول قلت الغابة موحشة ولو انتظرت شوي يمكن تهجم علي اسود وفهود الغابة وارجع الرويضة مع نفس الطريق لان الطريق الاخر مغلق بسبب وقوع الجسر فوق النهر بعد مرور ابو سيف الله يذكره بالخير طبعا بالليل السهرة ما تحلى الا في ( سنوات الضياع ) شفرة براد وقماري حتى ولو اخر الشهر بس السراحة كان فيه جدب من اعضاء الاستراحة حيث كان هناك زواج في الرويضة بس كان يكفي حضور الرسااااام بكاملة وابو هلا وابو سيف وابو شيهانة وحضور توديع عبدالله بن فيصل واستمر الجلسة الى الثانية صباحا وبعدها عدت للبيت وتابعت فلم امريكي على اكشن ثم فتحت النت الى صلاة الفجر وبعد كليت علاجي وخلدت في نوووووم عميق وحلمت اني اطيييييير واطارد الفراشات . . والا صح خلاص موب لازم اقول لكم حلمي وترى خلصت وكل اللي فوق صحيح مع بعض التمليح والبهارات |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ابو نواف الله يكفينا شر المرض بس., اثر له مواري فيك.! سوالفك سوالف واحد طالع من اصلاحية مهوب مستشفى ههههههههههههههه هههه |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ اقتباس:
عز الله صدقت يابقايا المرض شييييييييين ههههههههه وآثاره الظاهر بتبطي مع ابو نواف خخخخخخخخخخ اجل طلعت لك صورتي هاااااااهـ هذا اجل من حبك لي دائم وأنا على بالك امممممممووووووو هـ على خشتك |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ طيب هلابكم ابي اشوووف يومايتكم كلكم بدايه مساااكم خير وابو نوااف يومك كان شي ويزين طلعتك بس لي عووده اسدح يووومي |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ بسم الله ابداء طيب نمت بعد صلاه الفجر نومه عميقه مليئه با الكوابيس المزعجه(هذا امس يعني الجمعه) الزبده قمت 11 وبدون تفكير ببسي وكيك نحله هذولا صداقه حميمه بيننا لايمك لاستغنا عنهم المهم روقت نص ساااعه وطبعا جالسه اسؤالف وانا وخيتي في ها الوقت المهم وشوي تقووم نورالبيت فديتها واقوووم انقع الدجاج للغداء واجهز السلطه واركب لا ايداام قمت وصليت وع طووول على البيت ونظفته وخلصت على الساعه 1ونص وقمت ركبيت الغداء وجلست اتبرد الين 2 وربع وكبيت الرز وجهزت السفره وحطيت البن شنانه والببسي والزبادي والخبز (اسوي دعايه ) المهم بعد العصر تغدينا وانتيهنا كانت باخذ قيلوله بس حسااافه تذكرت الملابس وراي مانتهيت منها المهم دقيت ع البقااله وجبت عسكريم وحطيت الملابس با الغسااله وجلست العب با الجووال اللين المغرب تقريبا ودخلت شوياات نت ع العصر المهم المغرب جلست اكلام البنات شويات اذن العشاء صليت ورجعت ع النت الين 11 وقمت ركبت العشاء وانا وعلي فكره انا من عشااق الكبسه بجنون فا اشتهيتها وقمت طبختها انتهي العشاء 12 وانتظرت اهلي الين 1 وربع وحطيتها وضربت با الخمس مافيه كلام وبعدها كلمت صديقتي تعباانه فديتها الي 2 ووقمت ناظرت النت فااضي قالت يابنت قومي نتنتي شوياات دخلت هنيا وراحت هناااك وفريت بقوقول الين اذن وصليت ورجعت نمت مامداني اغمض الباب يدق ياويلا قلبي مين فتحت الى اخوي فرحان مستلم الراتب وجايب لي فطوور طبعبا اخواتي والله لو قنبله عندهم وانفجرت مايقومون فاقمت الين 7 ونمت الين 11 ونفس المؤال قمت ركبت الغداء ورتبت البيت وتغدينا وصليت العصر وشغلت النت وفتحت المنتديات وكلمت شوشو شويات وانا الحين معكم 5-22تماااام معااكم هذي يوومي مايتغير ابد طبعا انا مو من الناس الي يحب الطلعاات وللاغيره احب بيتنا فقط محدثتكم وهج السهوووول انتظر يوميااتكم |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ والله ياوهج فكره حلووووه يسلمو على الافكار الحلوه |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ وهج يومك كله صاير نوم وكبسة الله يسعدك ان شاء الله من اللي بعدك منتظرين |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ هههههههه انا ما يومي يبتدي من الليل خخخخخخخخ ممكن احكيلكون يومياتي؟؟؟ بس ببتدي بالليل هههههههه |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ فكرة حلوة بس يوميات بونواف عجيبه ،، تصلح مؤلف قصص ترى بتربح :) يومياتي ممله بإنتظار بصمة البقية لنتابع |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ حياااكم وفعلا يوميااتي كلها نووم وكبسه لا جديد انتظر البقيه انتظركم ايش يوميااتكم اسدحوها شوشو عارفه انها فكره حلو بس وين يومك يااااا نومه |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ << آبي من يطبطب على ظهري ههههههه بالنسبة لي اليوم عندي ظغط عمل وموقف أمامي يزيل الإرهاق أول مرره اكرف بهالشكل << السكرتير و واحد من المعقبين عندهم إجازة والمعقب الثاني مسوي حادث قبل امس << ناتج عن السرعة يحب السرعة الله يهديه مافي المكتب إلا أنا والمحاسب والقهوجي فقط !! طبعاً طلعت من البيت الساعة 7:45 ص وصلت المكتب على الساعة 8:45 ص الساعة 9:10 طلعت زيارة ولا رجعت إلا 4:00 م من عميل إلى عميل ..ليتهم قريبين من بعض كان زيـن الكذب خيبه جيت المكتب وتمغت حتى الساعة 4:50م ونزلت للمعهد عندي دورة لغه إنجليزية الوكاد طلعت من المعهد الساعة 6:10 أول ماطلعت من المعهد وأحصل شايب في ورطة عند باب المعهد <<إلا الآن ما أدري آيش السالفة نزل الشايب في البقالة ومعه طفل في السيارة [ يوكن ] اللي فهمته أن الشايب خلا السيارة شغالة ويوم جاء يركب ؟ الطفل قفل الأبواب صدفه << ضغط الزر ولا درى الشايب متنرفز والولد يبكي بصراحة أنا ماقدرت آتمالك أعصابي رحت للشايب بسرعة وحبيت راسه وقلت يابوي ثواني بجيب عامل المفاتيح يفتح لك السيارة والله الطفل ماله ذنب <<جاهل آثاري الشايب مــصرّ على أن الطفل يفتح الباب !! .. يمين يسار ياعم يابوي يا يا ولا يقتنع وأنا بصراحة ماقدرت اروح حتى ينحل الموضوع وفي الآخير جاء هندي بحسن نيه ويمسك عروه الباب الخلفية وينفتح الباب سبحان الله ويجيك الشايب ويطامر مع المراتب ويخــمّ الطفل ويضمه ويحبه ..آيه عاد انا دورني اللحين دمعت عيني من هذا الموقف ومن فرحة الشايب عطى الهندي مكافآة مالية والله يستاهل الحاصل صليت المغرب ورجعت للمكتب لأنه كان عندي إجتماع على الساعة 7:15 م الحاصل قضيت من الإجتماع على ساعة 9:40 م وأسحب عمري وأركب سيارتي وعلى البيت ويوم جيت البيت آلا وعندنا ضيوف ..ياليل وصب لهم قهوة لين قلطوا للعشاء وأزبن للغرفة والله ظهري صار دوبلكس ورجلي اليمنى تعورني ..وربك يعين ][ الله المستعان القلوب معلقة بالدنيا ][ هل تعلم أن القطاع الخاص يكفر بك ياخذ حقه وزيادة !! |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ذيبااان والله انك حاااله بصراحه وليون يومك كله كذا |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ابتكلم عن يومي كان من امس بقووله ببتدي من الساعه 12 بالليل ردينا من بيت خالتي وقعدنا بعدها بالصاله سوالف لي الساعه 2 وبعدها كل واحد راح غرفته وانا واصلت وقمت احوس بالنت لما اذن الفجر ورحت صليت ورجعت اكمل الحوسه واغلبه كانت بالمنتدى وعلى 6 حاولت انام عاد انا ازعاج اتقلب لما انام يمكن على 8 نمت المهم الا الساعه 12 طق على الباب يقوموني وانا مابي اقووم الا خواتي يلا مشينا برووح للالعاب بنستانس ومنها نتغدى وانا مابي ابي اكمل نومي وهم يلا يلا المهم استسلمت للامر الواقع ورحنا على الساعه 1 ونص الي مجك بلانت بمجمع الافنيوز طبعا اختي الكبيره كانت معانا ومعها عيالها فديت قلووبهم والله ولعبنا لما الساعه لما الساعه 2 ونص وجعنا ورحنا لفرايديز احنا الكبار والصغار لا راحوا مطعم ثاني والله نسيت شنو لان كل واحد وطلبه المهم قعدنا بالطاولات الخارجيه علشان نجتمع كلنا مع الصغار وعلى 3 وشووي ردينا لعبنا وطبعا الصغار قعدوا بالالعاب واحنا تمشينا شوي بالسوق على 6 طلعوا عيال اختي واحنا خلصنا فراره وقعدنا على كافيه وموكا ولاتيه وكابتشينو وسينبون وسوالف وحريم طبعا فيها حش اكيد ههههههههههه لا والله بس سوالف عامه وبعدها ردينا البيت على 7 المغرب وطبعا علشان ظرووف خالتي فاحنا يومينا عندها فرحنا لها ومعانا حلاا وللامانه ماكلنا منه للان كل واحد منا بيمووت من الاكل وبعدها قعدنا لي 12 ونص وانا اصلا النوم بعيني ولما ردينا البيت وحط راسي وبسابع نوومه لان اليوم كان مدووخ وسلامتكم |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ السنيوره تبين الصدق يومك فله كان مريتي علي مره وحده |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ فديت قلبج ولا يهمج اذا برووح امرج بالاول جم وهووج عندي تامرين امر |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ شكرا بس قولي لي قبل اجهز عفشي |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ذيبان الله يعينك على شغلك الا هذا تعقيد موب شغل السنيورة شكلك ما تحبين النوم يومك سعيد دوم بانتظار البقية على فكرة بقول لكم يوم ثاني بكرة ان شاء الله |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ و هج السهول الموضوع جميل و اشوف الكل متحمس و يوميات بس الله يعين بعض الناس على هذا الدوم على كذا بتقضى يا ذيبان !!! طبعا يومنا طويل الله يعينكم عليه في جمهورية التشيك و مدينة تبليتسيه على حدود المانيا يعني 16 كم و انت في المانيا انا ببدا يومي اللي هو يوم الثلاثاء 21 رجب 1430هـ بصلاة الفجر و كانت الساعة 2.45 دقيقة بعدها نومه حتى الساعة 8 صباحا ثم نزلت للمطعم الفندق و افطرت و بعدها على مصحة البتهوفن مع مريضنا الله يشفيه ( طبعا انا مرافق ) وفي المصحة حتى الساعة 2 ورجعنا و صلينا الظهر ثم نروح للمول ناخذ بعض الاغراض لانه النظام عندهم الساعة 8 مساء قبل المغرب بساعة تسكر جميع المحلات الا المقاهي و خاصة العربية تتأخر شوي ثم جلسه في الفندق و نزبط الغدا شغل بيت طبعا و بعد الغدا جلسه حتى وقت صلاة العصر اللي هي الساعة 5.25 دقيقة و بعد الصلاة مقيال حلوه مقيال بعد العصر بس عندهم عصرا طويل المهم المقيال حتى الساعة 7 و بعها تمشية العصرية على الرجلين في ها الحديقة و الحديقة من كثر العرب اللي فيها يسمونها حديقة العرب يعني كنك في حديقة السويدي ( اسمع بها و الا ما بعد جيتها ) يعني تمشية رجليه من الساعة 7 حتى الساعة 9 موعد صلاة المغرب طبعا يتخلل التمشية الجلسة في مقهى سمير اميس و شرب كاس شاهي عراقي و طبعا الجو في الغالب من الساعة 5 مساء يكون ممطر على خفيف المهم بعد المغرب الرجعه للفندق للصلاة و الراحه و طبعا العشاء حتى الساعة 11 مساء ثم النوم حتى صلاة الفجر 2.45 دقيقة يعني الليل عندهم من الساعة 9 حتى 4.30 تقريبا يعني اقل من 8 ساعات الله يعين اللي بيصوم عندهم النهار حول 17 ساعه و كذا خلصنا اليوم الله يعينكم بس على طول السالفه وهذي صورة طازجه بالجوال الساعة 7 صباح اليوم الاربعاء و الجو غائم مع بروده متوسطه و طبعا الصوره من شرفة الفندق بس تراها بالجوال الكاميره تبي لها حوسه http://www.rwwwr.com/upload//uploads...191b1bac25.jpg |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ابو نواااف حياك وننتظر يومك عبدالله بن فيصل حيااك اخوي والله على المنظر رووووعه والجو شكله واااااااااااااا ااااااو ويومك رهيب يعطيكم الف عافيه |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ اقتباس:
هلا بك وهج السهول و الجو دائما رائع في هذه المدينة لدرجة انهم عندما تطلع الشمس ينبسطون جدا |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ هلابك زوود اخوي سبحان الله حنا نتمني ها الجو وهم يبون الشمس شرفني اخوي تواجدك وعسااايومك كله راحه وسعااده |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ الله يعين الجميع على هالدنيا بالنسبة لي ليلة البارحة كان عندنا عشاء ويوم تعشوا الرياجيل محمد أخوي برز بي [كلمني بإنفراد] ومالكم بالطويلة قال شغالتي رحلتها الليلة الحضور الساعة 11:00م والإقلاع الساعة 2:00ص تكفى وصلها للمطار <<تعرف أنا في وقت الضيق موجود !! الوكاد آخذتها ورحنا للمطار وصلت على الساعة 11:04م وجوازها وتذكرتها وورقة المخالصة حاطها في ظرف كبير أشوي في وسط العربية مع الشنطة ... الله لا يعيدها من شنطة <<ثقيلة أمصعت ظهري يوم جيت على السير ( التفتيش ) قبل ما أشيل الشنطة فتحت الظرف وخذيت التذكرة وورقة المخالصة وعطيتها العسكري أبي أتأكد من الصالة ثم حملت الشنطة مع العمال وألتفت على العربية ولا حصلتها ..يمين يسار وأسال العسكر ياجماعة قالوا ماندري آثاري الشغالة أكتشفت إن الجواز ضاع وطقيها بكيه (تبكي) ياليل من انت ليله وادخلها داخل هي وعفشها وقلت أجلسي ولاتحركين وكل ما التفت ألا هي تتبعني وأرجعها وآخيراً جلست ولاعاد تحركت ولو تشوفني في وضع حرج جداً واستدعي مشرف العمال وأبلغه قال سبق أنه صار زي كذا وجابوه العمال يعني لا تخاف وأنا إلا الآن ما أرتاح ضميري وفي ذاك الوقت كانت الساعة 12:30ص و أطلب مشرف شركة العربات ..أكتشفت أن هناك ثلاث شركات أصحاب عربات وكل شركة لها شكل عربه معين الموهم جاني المشرف الله يجزاه خير اتعبته معي ويجمع العمال بمشرفهم ويبلغهم بفقدان الجواز داخل عربة ويأخذني على مستودع العربات الخاصة فيهم واتمقل فيها عربة عربة ولا حصلنا شئ وأرجع للعسكري مره ثانية قلت يابني آدم ماجاك خبر ولاشي قال ياعمي روح للعمليات[ شرطة المطار ] وبلغ تراك أشغلتنا ...أخلاق سيئة جداً وعدم تعاون مع الجمهور وأتصل على آخوي وقلت تعال فوراً وأعطيه الموضوع بالتفصيل الممل وأنا قاعد أتكلم طفى الجوال فجآه..مافيه بطآرية ..ويرتفع معي القولون ثم رحت لـ شرطة المطار وبلغتهم قالوا ماجانا شئ ولكن عطني رقم جوالك إذا جانا شئ أتصلنا عليك وضحكت ضحكة المقهور قلت جوالي طافي مافيه بطارية قال انت حالتك حاله قلت الشكوى لله والله يجزاه خير خذا جوالي وحطه في الشاحن وقلت آجل بروح أشيك على الصالة وبأجيك قال خير إن شاء الله والله وأروح وأرجع له بعد 10 دقايق وأشغل الجوال وأدق على محمد أخوي وقال أنا جاي في الطريق و الآن الساعة 1:30ص باقي على الرحلة نصف ساعة والشغالة دموعها أربع أربع والله ياجماعة رحمتها خصوصاً أن ولدها في العناية المركزة مسوي حادث وأنا اخوي ماجد يعمل ملاح جوي على الرحلات الأجنبية وأعوذ بالله من الشيطان ناسيه تماماً ويدق علي ويرسلني لشخص قال إذا جيته كلمني والله أروح له وأتفاجأ به صار هو نفس العسكري اللي يصارخ بوجهي ويكلمه ويطلع الظرف من الدرج وشوف أنا وش كان موقفي !!! <<يقول أنت تقول جواز ماقلت ظرف يوم ضمنت الجواز وأنا أروح أشتكيه عند مدير الشرطة وأرجع وأقابل أخوي محمد ومعه ثلاثة من زملاء أخوي ماجد مشرفين ملاحين ولاقصروا الله يجزاهم خير والآن الساعة 1:56ص باقي أربع دقايق على الإقلاع !! والله وأعطي محمد الأوراق وأروح للبيت وأسدحها نومه والله بنظاراتي نآيم يا ما عشنا ويا ما حنشوف ,, |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ذيبان الله يسعدك وانت ويومك رهيب والله رهيب هههههههههههههههه هه داقه الضحكه تشققت هههههههههههههههه هههههههههه ياربيه (هذا المستخدم فاااطس من الضحك) وربي كنت متضايقه حيل بس قريت يومك فطست ضحك الله يسعدك واهم شي سافرت الله يستر عليه لا تطووول اخوي نبي يوميااتك دووم وحيااك الله |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ملاحظه00 بسيطه اي عضو يشرف بعد ردي والملاحظه هذي يقول يومه ويتفضل يختار عضو بعده افضل عشان يترتب الموضوع وحياااكم وشرفتوني وعلي راسي كل الموجودين |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ جمعه مباركه للجميع وموضوع فرفوشي يبعدك عن الملل ------ يومي (الخميس ) أمس نمت بعد صلاة الفجر في الرويضة طبعا صليت بجنب ابوي علشان يرضى علي دائما يعصب علي يقول تراك مقصر في صلاة الجماعه وثوبك يسبل ههههههههه المهم كنت قبلها في زواج بن شليويح وبن حتيري جاي من الرياض لحضور الزواج وبعده صكت بلوت عند ابو هدب - نمت بعد صلاة الفجر والساعة 8صباحا اختي العوده تصحيني قم افطر قلت خير ان شاء الله ماابي فطور قبل الساعة 11 لا تصحوني راحت ورجعت لي الساعة 9صباحا ووقفت عند راسي محمد قم افطر ههههههههههههه لا حول ولا قوة الا بالله وانا اخوك انا مانمت الا بعد الفجر خلي اصفـــّر شوي قالت قم ماعاد جايك نوم وانا مااخذيت علومك ههههههه قمت وجابت القهوه وبعدها الفطرو وافرطت انا وياها وسولفت لها اهذر وهي تهذر والنوم ذابحني الين جاء اذان الظهر رحت صليت مع ابوي بالمسجد ورحنا عند ولد عمي سعد الدحملي زوج اختي تغدينا عنده انا وابوي وسعد اخوي وولد اختي محمد بن علي الدحملي والساعه 3 العصر حركت للرياض والساعه خمس العصر وصلت لطريق الملك عبد الله توجهت لمكتب استخراج التأشيرات لاوروبا (الشنقل ) وقدمت اوراقي وصور بطاقات الفيزا وتعريف من العمل باللغه الانجليزيه وصورتين بدون غتره وبطاقة التأمين مع بوليصة التأمين ناوي الحق عبد الله بن فيصل في التشيك لعلاج فقرات الرقبه عندي ومنها اروح لالمانيا للتشييك على القولون وارجع للبيت لقيت بنتي هلا معصبه خير ان شاء الله قالت التخصصات اللي ابيها في جامعة الملك سعود ما تقبل نسبتي تخيلوا نسبتها 99.5 ثالث ثانوي المعدل التراكمي 98 % القدرات 86 التحصيلي 79 وتبغى ادارة او محاسبه او نظم اداريه او لغة انجليزيه ولا تلقى هالتخصصات الا في جامعة الاميرة نوره وهي ماتبغى جامعة نوره والله البلشه . اتصلت باحدى العميدات في جامعة الاميرة نورة نبي فزعتك ومشورتك قالت خلها تسجل في كلية النظم السياسية قانون وبعدين تحول للكليه اللي تبيها وبعد محاولات تم التسجيل على وعد اني اتوسط لها واحط المشلح في السياره الين اجيب لها التخصص اللي تبيه . طلعت لصلاة المغرب ومنها للعمل حتى اذان العشاء رجعت للبيت اخذت ام هلا واستأذنا من البقية ورحنا نتمشى في التحلية والثلاثين ونتعشى عند العبد الوهاب ولا نطلع من عنده الين طفوا انوراهم ههههههههه رجعنا للبيت وجلسة مع شلة الانس لعبت معهم بليستيشن شوي وبعدين رحت لغرفة النوم اقرأ عدد من الكتب الين صلاة الفجر صليت بالمسجد وسحبتها نومه الين صلاة الجمعه وبعد الصلاة افطرت وام هلا وطلعت للدوام حتى المساء بمشيئة الرحمن وكتبت خبر عن شقيقتين انقذتا خادمه طاحت في مسبح احدى الاستراحات ليلة زواج شقيقهم اللي هو متزوج بنت اخت ام هلا (التفاصيل غدا ) بجريدة الرياض هههههههه وسلامتكم |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ياسلام على اليوم شي واحسن مافيه العشاء كان عزمتنا الله يسعدك اخوي وهلابك اوكيك دامك ما اخترت احد ختااااار سمو لاحسااس حيااك ننتظر يومك |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ سمو الإحساس نحن بإنتظار يومك السعيد اما أنا صار لي كارثة يوم الأحد الماضي ..حالتي صعبة |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ يوووه وش صار ذيبان قوول يومك الين سمو يحضر ننتظرك |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ خبر غير سار بصراحة نقول وعلى الله.... كنت يوم السبت مكروف كرف مايعلم به إلا الله والله ماجلست إلا الساعة 2:00ص وعليها بعد الحاصل وصلت البيت وانام ويالله لاتبلانا صلاة الفجر صليتها مع الظهر <<مرهق جداً طبعاً كان هناك تنسيق مسبق مابين فريق أنا جايبه من الرياض و فريق الرويضة كان عندنا مباراة وتم تحديدها يوم الأحد بعد صلاة العشاء على تمام الساعة 9:15م <<من عادتي الدقة في المواعيد طبعاً على حسب إتفاقي مع الفريق الخاص بي أنه يكون التجمع في مكان معين ومتعارف عليه معلومة : الفريق بإكمله كانوا متشائمين وكنا خائفين من اللي بنواجهه قدامنا على الطريق في المباراة اتفقنا على أن نجتمع الساعة 5:00م ومن ثم ننطلق وللإسف لم نجد آحد في الموقع وتحركنا أنا وكابتن الفريق على سيارة الكابتن نوع كورلا 2005 ومعنا ثلاثة لاعبين من الفريق وتم تحديد موعد خارج حدود الرياض تحديداً محطة النجمة الحاصل جانا لاعب واحد على سيارتة واصبح عدد اللاعبين 5 من أصل 13 وسيارتين لاعب وتقدمنا قليلاً وصلينا المغرب والعشاء في محطة أجزالا ووصل لاعبين اثنين أصبحنا 7 لاعبين وثلاث سيارات ومشينا على الخط بسرعة قليلة 80 كم ومشغلين الفليشر ننتظر البقية توهم طالعين من الرياض وأتصل بي أحد الزملاء وقال بيطوفكم سيارة كامري اللون أسود هذا فلان بن فلان (أحد أعضاء الفريق) طبعاً اللي في السيارة الكامري 3 لاعبين اصبح عدد اللاعبين 10لاعبين وأربع سيارات باقي اللحين 3لاعبين طبعاً انا من شفت كامري شطفتني يدق دق إشارات وأنا أجيك داعس طبعاً كان قدامي سيارة من أعضاء الفريق مولع الفليشر وتعديته بمسافة نص كيلو فقط ويضرب علي كفر عند خبيب الريم وتقعد تحوص بي يمين ويسار ويالله يالله مسكت الدركسون وتزحف من الخط ولا ردها إلا الشبك الفاصل مابين الخطين والحمد لله كلنا سالمين وننزل من السيارة ويوقفون زملانا وبعض المسافرين يهنئوننا على السلامة والحمد لله رب العالمين في الحديد ولا فينا نقلنا السيارة إلى الرياض على سطحة على الساعة 11:30م وسلامتكم |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ذيبان الحمد لله على السلامة هذا اللي بتحصل من السرعة والكورة يا خوي انت مطوع وش تبي بالكورة طيب وش صار ع المباراة اقيمت والا تاجلت |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ذيبان الحمد لله على السلامه و ماتشوف شر |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ابو نواف _-_ الله يسلمك من الشر مالي ومال الكورة يارجال بس القرادة تاكل وتشرب معي أما نكمل ونلعب كورة رايق انت ..سحبنا السيارة على محطة تبراك وواعدنا السطحة وشالت السيارة على الرياض واما المباراة لاتستعجلون على الهزيمة هع هع عبدالله بن فيصل _-_ الله يسلمك من الشر |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ الحمد لله على السلامه ذيباااااان... |
| الساعة الآن 09:27 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..