|
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ بقايا انا فيه انتظر شيكا رجتني ذاك اليوم بصور بصور وبازه في الجوال وفي النهايه مانزلته ؟ |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ خخخخخخخخخخخ ابك نسيت..و ولنتم وراكم ماتذكرووني.؟ بس ولا يهمك اليلة ان شاء الله |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ يسعدلي ممسااكم بكل خير راجعه اكتب يوومي الى يجيب الضغط والصدااع النصفي انتظرو مع وهج السهووول بس كم دوره في المنتدي وارجع |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ وهج بسرعة بس لايصيدك الرادار حق السرعة وانتي تفرين بالمنتدى ويعطونك مخالفة سرعة |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ بسم الله نبداء000 نمت الساعه 11 يقال اني غمضت الا الجوال يرن يرن يرن يرن الا اشووف مين تطلع وحده في المعهد وارجع ادق عليها هلا فلانه قالت اهلين وتجلس تسؤالف الين 12وختمتها بطلب الكتب وقمت جهزت الشنطه ورزت الكتب وطلعت عباتي وعطري ولوشني وادخل غرفتنا الا ولد اختي تعبااان الحراره ناااااااااااااا ااااااااااااااا ااااااااااااااا اااار افا وش الدبره الحين امه مو فيه واحط له كمادت واقول لشيكا دامها قايمه تنتبه والله احط راسي ع 1ويبداء الجووال رن رن اختي تسئل عن ورعانها قلت بالت حطي ا تدقوون قالت حطي الجوال عند راسك لا تحطين صاامت قلت طيب والله احط راسي ومامداني اغمض الا همتارو قاام يبكي ياليل مطوولك واشووف شيكا جعلها بالعافيه ازعجتني تطق طق بالكيبورد واقووم اسكت همتارو وهي قامت ع الثااني تحط كمادت وغيره كذا نام همتارو 1وربع والثاني يالبي قلبك تعبانه مو قاادر والله نجلس معه الين 2 قالت شيكا بتنام عشاان تدوم بكره لا نها بااقي مارحت ابد المعهد مرووقه تحسب معهد ابوي المهم نام الولد قلت بناام تخيلو غمضت بس وتدق اختي الكبيره تعباانه افتحو الباب والله كملت واروح اطلع افتح لها وارجع الا البنت اخس من عيالها يااسلام واحطيها حبوب وتشرب واشووف ولدها كيف صار الا الحراره ناار باقي ويقووم الثاني همتارو واعطيه حليب واجلس مع اختي توون من التعب الين اذن الفجر واصلت بدووم داام شيكا فيه قلت بحط راسي الين 5 واقووم ويجون اهلي بتروحون قالت شيكا لا ويسئلني اخوي هاه وانتي طبعا قلت لا وادق ع ابو رمزي واقوله لا تجي اليوم بكره تعال ومامداني استلذ بنوم الا البنات يدقوون جابو لي الصمرقع وارد علي ذي وذيك وياليل وماخلصو الا 7الصبح واقفل الجوال وقلت بخمد الا ولد اختي مسكين زااد حراره وقاام السيد همتارو رايق وراحت شيكا ودته المستشفي وانا قمت رتبت البيت وخلصت وبخرت وطلعت الغداء وطبخته بس باقي ماخلص وهذا يوومي الذي يرفع الضغط ليه؟ اول مره اتحمس لدواام وما ارووح وفاتت لي 6 محاضرات يعني بكره بكرف كرف هذا اذ عيال اختي طيبين انشاء الله وانتهي |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ في البداية .. للأسف كنت أعتقد ان شيكا خادمة ...! وأتمنى أن معهدك ذااللي تروحين له متخصص في القطاع الصحي لأن كذا والله معاناة من البزران لـ أمهم وأنتي والله جاك حقك من الإرهاق والتعب والسهر والإزعاج .. أحتسبي الآجر عند الله بالنية يتحول هذا العراك الجهدي إلى عبادة بإذن الله وأتمنى لكي نوماً هادئً في هذه الليلة بلا همتاروا بلا هم بصراحة عطيتيني إعاز حتى أكتب يومي..أنتظروا |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ هلابك اخوي ذيبان اما خدامه وتجلس علي الكيبورد تطق طق هذا ياطويل العمر اختي وموجوده كمان معنا في المنتدي اماعن المعهد ايه نعم هو معهد صحي والله الحمد مابقي شي وانتهي منه امين الله يكتب لاجر لنا ولهم شااكره لك اخويي وانتظر يوومك واياامكم |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ تحبون العلوم الطيبة << أحري بها هع هع طبعاً البارح كنت من بعد صلاة المغرب وأنا في حفل منتديات مجالس السهول لـ تكريم عضو مجالسنا الدكتور فهاد بن سعد بن هملان أنا ومديرنا ابوهلا طلعت من الحفل تقريباً 11:40م وكنت على موعد مع سواق جديد طبعاً أنا اخواني يالله لا تبلانا متشتتين في كل ديره تحصل واحد ..قولوا ماشاء الله *الكبير طبعاً مهندس عنده مؤتمر في المانيا وأبشركم جاء يوم الخميس الصبح والمغرب وهو يمشي للجبيل لإنجاز أعماله *اللي بعده طالع دراسة في بريطانيا << يوم شاب ودوه الكتاب عمره تقريباً 45 سنة ومن زين الطبوع موصيني على بيته *اللي بعده بخميس مشيط نقيب في الجيش *اللي بعده والله ياجماعة زين أن شفته في الشهر مره يعمل بالطيران ويصبح في ديره ويمسي في ديرة *اللي بعده ... الا أقول وش جاب طاري أخواني اللحين يوووه أيه أخوي اللي ببريطانيا وصاني على أعياله وأهله طبعاً السواق الدريول مسافر وتآخر ماجاء والمدارس بدت اليوم والكلام امس والله وقابلت رجال عاقل وسواقته موزونة الله يالدنيا << انا كنت غشيم وآعتقد إلا الآن هههههه الوكاد الرجال صلح لي وصلت له طبعاً لا يخفاكم أنه يماني متخلف يعني لا إقامة ولا رخصة يعني إذا كان سروق سرق السيارة زي السلام عليكم هذا إذا ماسرق السيارة بالبزران بعد..! عموماً أتفقت معه بالراتب وعطيته مفتاح غرفته وعطيته مفتاح السيارة وقلت انت اللحين نام وباكر 6:45ص تكون السيارة حامية وماشاء الله تبارك الله سألت عنه اليوم يمدحونه ويقولون أنه مغسل السيارة ومسقي المزرعة وأمورة تمام طبعاً البارح قابلت ولد عمي بالحفل جاي من الشرقية وكنت مستغرب مع أنه ماله ومال الشبكة العنكبوتية والله أجلس معاه أنا :هلا أبوناصر وش ذا المفاجآة الحلوة أبوناصر : سيبك من المفاجاآت أنا أبيك ضروري <<ماينتفاهم معه أنا : سم وش تامرني فيه طال عمرك أبوناصر :أبي وزارة المالية وين صايرة أنا : بس وزارة المالية سهالات أدلها وش عندك أبوناصر : عندي شغل فض نفسك باكر نروح لهم من الفجر انا : أبشر يابوناصر باللي تبي ابوناصر : يالله تبي شي أنا بمشي أدور لي سويت بنام وباكر بينا ألو لاتخلي الجوال سايلنت (صامت) أنتبة أنا : والله العضيم ماتاخذ سويت ولايحزنون البيت فاضي ولا به إلا أنا وأنت أبوناصر : وش حقه أبوبندر ذا الحلف أنا ابي أرتاح بروحي انا : وفي البيت منت مرتاح ياعيني أبوناصر : لا بس اخاف يكون فيه إحراج ولا شي أنا : أقول لا يكثر بس ألحقني عـ البيت أبوناصر : ههههه صآآر واللحين جينا لهذا اليوم قمت على الفجر وعليها إلا اللحين بعد الصلاة شيكت على عده مواقع على عجالة أخذت غيار ورحت أسبح على الساعة 6:10ص وأنا بغرفتي قلت ورى ما آخذ غفوة على ماتجي الساعة 7:30ص والله قمت و ادق على أبوناصر ولا يرد قلت أوريك والله وألبس وأدخل عليه وأصحيه قال يامعود توني نايم وش حقه تصحيني << الرجال دآيخ يتوقع الساعة 2:00 الفجر قلت شف الساعة يالحبيب 7:35ص يالله خلنا نلحق على الوزراة قال مايحتاج وزارة خلني انام بس والله ما خذيت لـ هو ينقز من فراشة تأخرت يالله خلنا نمشي تآخرت << ذا وش يحس به هههه وأروح أجيب الفطور على مايغسل وادخل المجلس لا هو واقف ومعطيني ظهره قلت يالله أن تخلف عليك وش تصلي أنت << مصلي انا وياه بالمسجد بس انا نسيت ويلتفت علي قال أنا ما أصلي بس قاعد أقول اسبح ولا ما اسبح ولا أقولك خلنا نمشي حتى فطورك مانبيه تآخرنا وينقزز ويشغل السيارة وآطلع له ولا هو يسلم على أبوي توه يشوفه ثم مشينا يوم وصلنا الشارع الرئيسي ولا ذا ولد جارنا ولد ماشاء الله تبارك الله قمة في الأخلاق والأدب ومواظب على الصلوات وفيه خير مايعلمه إلا اللي خلقه قلت لـ أبوناصر خلنا نشيل الرجال نوديه على طريقنا قال متأخرين متأخرين قلت انت صاحي أنت تدري وين يبي ولا وين وزارة المالية عشان تحكم على الطريق قال أنت دليلتي وعسى ماتضيع بي قلت وقف عند الرجال ولا يكثر طبعاً أنا عارف وين هو رايح يدرس في معهد الإدارة تخصص إدارة مالية يقلدني ولا عندي إلا قوة حلف والله أن تركب والله ويركب معنا ونوصله للمعهد وإشارتين وحنا عند وزارة المالية وقفنا السيارة ونزلنا ويوم جينا عند المبنى ويوقف قال يوووووه نسيت تلفوني الثاني بالديوانية رقم الرجال فيه قلت قومك والله مطفوق وتنثر الغبوق قال وش قاعد تسولف انت ماني فاضي لك قلت خلاص أنا بتكي بالبراد وأتقهوى على ماتخلص قال أنزين أنت أجلس و أنا بتصرف ماخذى له دقيقتين ويجيني راجع قال أنا آخاف أضيع قلت على كبرك وضخامة جرمك تضيع ياكبرها قال يالله بسرعة أشرب قهوتك ومشينا قلت وين قال وين بعد بنروح بيتكم نجيب التلفون قلت والله ماتروح ..أنت صاحي قال أصحى منك قلت لو أنت صاحي كان مانسيت جوالك وآناظر في الرجال مو يمي يناظر في سيارة موقفه قال هذي سيارة وهذي لوحتها خلنا نقرب منها قلت رح أقرب منها ماني رايح معك بتقهوى قال والله أن تروح معي والله واروح معه وحصلنا لوحة في مكان سيارتة مكتوب عليها مدير إدارة ؟؟ مشفرة قلت خلاص تعال نروح نسأل عنه داخل المبنى ويحصل شخص موظف ويخش بعينه أبوناصر : ابي مدير إدارة ؟؟ الموظف: وش تبي فيه أبوناصر : أنا أبيه وبس الموظف:وش اسمك أنت وش موضوعك أبوناصر : تحقيق هي اخلص علينا تبي تعلمني وين مكتبه ولا سألت غيرك الموظف:وراك معصب كذا أنت تعرف المدير وش اسمه وقد قابلته أبوناصر : لا ماقابلته الموظف: أنا فلان الفلاني ومدير إدارة ؟؟ أبوناصر : والله آسف والله مادريت عنك اللي مايعرفك مايثمنك و قعد يرفع فيه شوي ويعطيه موعد في بداية السنة الجاية ويوم ركبنا السيارة أشب لكم عليه ماتعرف تتعامل مع الناس إلى متى وأنت أخلاقك تجارية واللي اعجبني فيه أنه أقر بالخطأ ويقول طبعتي كذا وساعة طلعنا من بوابة الوزارة قال الأحوال وين صايرة قلت أقول ماني رايق لك انت ومشاويرك قال والله مجرد استفسار عن معاملة بشوف وش صار عليها وافكر أوصف له ولا نروح نفطر ولا وش السوات ويطري علي واحد من أخوياي بالأحوال قلت يالله بنروح للأحوال وتكفى لاتلطعني ماني رايق للرياض وزحمته قال أبد ماعليك قلت ماعلي بس أنت عطني ورقتك وفهمني الموضوع ووشو بس وأقول له فيه رجال أعرفه قال يارجال مانبي منّة أحد قلت بكيفك أجل انا بتكي وأنت أمسك سرى ويدخل على الصادر و الوارد وياخذ منهم رقم ويجي رقمه 129 والرقم اللحين 103 ويجيني قال هاااه وين رفيقك << يبي الواسطة قلت أشوى أنك قضبت العلم وأروح لرجال ويرسلني على المدير وآجي مدير الإتصالات الإدارية ويخدمني دايرك ويرسلنا لـ صالة 4 ونعطيهم المعاملة وننتظر حول 10دقايق وينادون على أسم أبوناصر ويجيهم وياخذ معاملته وأنتهينا من الأحوال قلت الرقم معك قال ايه ليش قلت هاته العلم عندي وحنا طالعين آناظر في الرقم ولا هو توه 116 واحصل شايب ينتظر رقمه قلت ياعم كم رقمك << ابي اللي عند الله قال 240 تخيلو ياجماعة << متى يخلص قلت عطنيه قال امعصي..! قلت ابعطيك واحد أقرب منه قال لا لا تعطيني شي فكني منك بس..وعنده ولده ويفهمه وش أقصد قال الا عطنية وجزاك الله خير ..أحسبك تلعب علي وآخذ الرقم اللي معه وآروح لواحد أطرم وبالإشارة أنا وياه << ترى أعرف لغه الإشارة وفهم وش قصدي ويقمز ويحب راسي هو رقمه 249 يعني قدمته عن 9مراجعين ونطلع لـ البيت ونفطر ونعين من الله خير طبعاً اللحين الساعة 11:40 وقال انا بروح اسلم على عمتي وأسمح لي بتغدى عندهم قلت الله وياك الله يسمح دربك...آثاري التعبان تغدى عند عمته ومشى الشرقية مادريت عنه وأنتهينا بحمد الله وآسف إذا طولت عليكم |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ذيبان بدايه مشاء الله عليهم اخواني طبعاوالله يحفضكم والله يسعدك يوومك بنسبه لي شي صحيح مشااوير بس انك نشمي والله يشهد وراعي واجب واشيا كثيره يسعد اياامك بكل خير والله يكثر من امثالك |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ يسعد صباحكم بكل ووود طبعا اليوم فكرت وخططنا انا وووشيكا بخطه جديده توفر علي الجميع الراحه الا وهي نطبخ اليوم ونجهز امورنا وبكره باذن الله اذ رجعنا دفيناه لانه والمعرووف مانحب المطااعم واختي تعبانه وطبعا واكيد رتبنا البيت وبخرنا وخلصنا هذا خطه مبدايه تريح هاليومين غلانا والله يعين |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ مساء الخير عـ الجميع قبل أن أبدأ بيومي الجديد أحب أن أشكر المشرفة وهج على إطراءها لي ولأخوانها لأننا أخوة عامةً بالنسبة لـ يومي اليوم صحصحت على الساعة 7:30ص طقطقت في المنتدى شويات وإيميل شويات حتى الساعة 8:10ص وتمر من عند غرفتي جيانتي الخادمة << وبصراحة نخاف منها ...تهاوشنا إذا زعلت علينا بخ بخ ويبدأ الحوار: جيهان : You are only now did not come out here الترجمة : أنت هنا ماطلعت إلا اللحين..! أنا : Where to go الترجمة : وين أروح..! جيهان :You usually go out early in the morning الترجمة : انت بالعادة تطلع مبكر أنا : No, no, I would come out shortly after الترجمة : لا لا بطلع اللحين بصراحة ذا الخادمة غير شكل تساعدني في إستخدام اللغة الوكاد طلعت لـ كلية الملك فهد الأمنية عندي مقابلة هناك وطلعت و كنت على موعد مع الشاعر يوسف الهذلي عمه فارس الصحراء الشاعر صالح الهذلي طبعاً هو جاي من مكه إلى الرياض عنده مراجعة بوكالة الإبتعاث طبعاً هو مبتعث في بريطانيا ويبي يحول إلى أمريكا والحمد لله رحت أنا وياه وخلصنا وبغيته للغداء قال : والله ما أذوق العيش عندك قلت : وشو له الحلف أنتم يا اهل الحجاز ماتنقربون قال : والله أنك وافي سعيت معي بالوكالة وتعبتك معي والعذر والسموحة قلت : والله مالي طيب وإن كانك تبي الطيب تغد عندي قال : مكة يامكة أنا ماشي لاتوقف بطريقي قلت : الله يسمح دربك آجل وحنا راجعين أتصلت أحدى أخواتي طريحة الفراش بالبيت الله يشفيها ويقومها بالسلامة ويكون بعونها وبعون أطفالها ولدها الكبير أول يوم يدرس امس ولا هو عندها عند أبوه وشايلتن همه والثاني مريض من البارح معه تقيئ وحرارة والثالث (رضيع) يدووور الشيل واللعب وأمه ماهي بصوبه [ العين بصيرة واليد قصيرة ] وإلى هنا أنتهى يومي والغدى برد ماكليته هههههه |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ الله يعينك ياذيباااااااان. . ويقوم اختك بالسلامه.. |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ آمين...آمين |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ذيبان 00الله يحفظك ويقوم اختك بالف سلامه راجعه اسدح لكم ربع يوومي |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ أسعد الله صباحكم وين أيامكم الحلوة اللي عهدناها منكم ننتظر يومياتكم |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ يسعدلي صبااااااااحكم بكل خير صح وين ايامكم الحلوه طبعا لي رجعه احكي يووووميات الشرقيه الممتعه لكم ودي |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ لالا لو تدرون الوقت كله اكتب يومي وفي النهايه مدري كيف راااااااااح تحطيمه بصراااااحه |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ والله حاس الإحباط << سبق انه صار معي |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ عسى ايامكم كلها افراح وبالزفه نهنيكم .. تسلمون حبايبي متى مافضيت او ضبط وضعي بطحت يومي هنا لعيونكم .. دمتم بصحه وعافيه .. |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ الله يعيك وهج... ذيبا.. اذا كتبت وخلص احف الكلام على مستند عشا مايطير |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ هلابكم مروركم ووجودكم اسعدني وبقايا زماااااان عن ايامك ابك وينها ؟ زورو حيااااااااك تشرف وننتظر سدحت يووومك وذيبان حيااك اخوي ساني فاضي باكره سدحت يوومي تحيااتي |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ مسااااااااااء الخير مجرد تسجيل حضور ههههههههههههه |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ مجرد مرورك من هنا بحد ذاته حظور حبذا تطرح يومك السعيد هنا |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ حتا انا مجرد حضور بعد ..:) بس ان الوكاد اني ابشركم درست امس واليوم يومين ورا بعض <<يعني انجاز قسم ..هع |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ السلام حياكم الله كل من مر هنيا تشرفوون في اي وقت اسدح يوومي المعكر بسم الله 000000 نمت امس الساعه 12 وبطقاق مع شيكا فقعت راسي وهي تطقطق با الكيبورد وبعد عناخمدنا ويدق المنبه الساعه 5 ويا اليل بااقي فيني نووم ويجلس الشيطان خذيلك غطه بس والله اقفله واارجع اخمد شوياات وتذكرت الصلاه وافز اضرب شيكا واقوم اختي وعيالها واقوم بسرعه اصلي واروح اشووف شعري واطلع ملابسي وانتظر شيكا تنتهي من لاستشوار واختي تنادي وهج تعالي واجيها واسوي لهم الشاهي واحطه واروح اقووم اخوي وراه جامعه اثره بسم الله عليه صااحي من قبل الفجر راح اذن واصلي فيهم ورجع سوى له نسكفيه والولد يتجهز طالع والله نعطيه توصيات يوميه ويروووووووح الله يستر عليه وابقي انا وولد اختي طردي اطلع ملابسه ويفطر واروح واجي الين ما نتهت شيكا واستشور شعري والبس والا البااص يدق رنه ماسمعته ثاااااااااانيه استوعبت انه جاء وبسرعه انادى شيكا وتلبس عبيتها واطلع ونركب ونمر فلانه وناخذها ونرووح الانيه وناخذها ونمسك الخط الا هو زحمه ونوصل المعلمه ونمسك ام الحمام ياكاافي ونوصل المعهد الساعه 7 ونودع البنات وانزل للمعهد واروح سيده احط العبايه وامسك الكتاب ونسؤالف مع البنات وشوي جت وحده بدون اختها وين اختس ؟ قالت تعبانه ومنومه واخذ رقمها وادق واسلم واسكر وشوي الا دكتوره جايه وادخل المحاضره وخلصت وجاء بريك اول وانزل انا والبنات ونطلب فلافل ونفطر واجلس ساعه ونستوعب عندنا امتحان واطلع لقاعه والقاها موجوده وندخل واشووف البنات يتركضوون وش بلاكم قالو نكتب علي الطااوله تعالي جنينا نعلمس والله اني ماكنت مذاكره ذااك الزوود وقام الشيطان يوز قالت لا بجلس بجنب شيكا واجلس جنب اوخيتي والي عرفته كتبته والباقي تبخر ونخلص منها ونخلص من المحاضره الثالثه والرابعه واشوف الساعه 1 وانزل نصلي وانتظر الباص وماجاء الا1ونص وفي طريق طلعتي جات وحده من صديقاتي وهج زعلانه قالت لا ماصار شي وتجلس زعلانه والله فيك شي والرجال يدق وبعط عنا شديد اقتنعت اني مو زعلانه منها وبسرعه امسك العبايه وركض للباااااااااص وادق علي اختي طلعنا واسكر منها وامسك زويتي المعتاده في البااااااااص واوصل وانزل للبيت واحط الغداء ونتغدي ونسوالف شويات وجيت بناااااااام والا اختي الكبيره تبي تزور بنت خالي في المستشفي الله يشفيها ويقومها بالف سلامه ويخليها العيالها ويحفظها طبعا عيالها ماراح تاخذهم معها قلت اوكيه روحي وانااجلس عندهم وبس انا حاليا معكم ومع ورعان اختي والنووم يغمرني بس ورعانها سبحان الله هدووووو يسبق العاصفه مااسمع لهم صوووت وانتهي يومممممممممممي |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ مساء الورد على الجميع .. يومي باختصار ..هو بعد صلاة العشاء امس معزوم عند اصدقاءي لبى قلوبهم تعشيت معهم وناظرت المباراه ريال مدريد يكسر الخاطر ... بعدها على الساعه 12 ..قالوا بنطلع للمقهى .. قلت اوكي .. ونطلع ونلعب بلياردو ونفلها .. وعلى الساعه 1 وشوي .. واودعهم واروح انام ..الساعه 9 وشوي .. صاحي من النوم وعلى طول اطلع للبوفيه اشتري فطور والله واشتري كاس حليب مع ساندويش بيش وساندويش جبن بالمربى. واروح وافطر وعلى طول ع النت واتصفح واتصفح ويذن الظهر واصلي وارجع واكمل التصفح ويذبحني الجوووع عاد انتم تعرفون ان الجوع يوحش ..واكابر على نفسي ولا كليت شي ويذن الظهر اقصد العصر << اثار الجوع خخخخ واصلي واعود وشوي واطلع لاقرب وجبات سريعه وش اسوي لازم آآكل علشان اعيش .. المهم واطلب وجبه برجر دجاج تشيييز بدون مايونيز طبعا واطلع وآآكلهن وانا امشي 400 من آآثار الجوع اكيد وشوي اللا يوم اذن المغرب واصلي واعود وعلى النت اللا الحين يعني مجمل يومي كله على النت .. لاتلوموني من الملل .. |
يــوم من حيــاة ذيـــبان طاب يومك يازورو .. فأما عن يومي فهو كالتالي اتصل علي أمس اسطورة المستقبل و اصغر هداف في الدورة الرمضانية واصغر لاعب أيضاً ..عبودي قال : يابوفلان أنا أبي فزعتك قلت : عيوني لك ..آمرني بس قال : أبي مدرس انا عندي إختبار إنجليزي في الجامعة ولا فهمت شي قلت : أنا ما أكفي عن المدرس << الساعة بـ 150طبعاً قال : لا لا أبي مدرس تكفى << تكفى سوت لي ضجيج في طبله الآذن قلت : والله مافي راسي أحد بعينه ولكن أزهل الموضوع علي قال : متى ترد لي قلت : أنت بالأول متى تبي المدرس قال : انا توني طالع من الجامعة وأبي انوم إلى الساعة 9:00م يعني ابي أقوم وأحصل المدرس موجود قلت : الا ورى ما أمرك ونروح للمدرس << انا لي قصد ابيه يذاكر في بيتنا قال : خلاص آجل الساعة 9 وانت عندي قلت أوكيه << طبعاً كلمت احد المدرسين اللي أعتبره اخ لي بصراحة وقال أبشر ولا يهمك كم فيه نايف بالدنيا قلت : خلاص الساعة 9:30م وعــدنا وبعدين أنا كان عندي زيارة طلعت على الساعة 6:45م وطلعت منهم في حدود الساعة 8:00م طبعاً طلعت دايركت للحبيب عبودي وصلته على الساعة 8:34م ولاعندي وقت سيده على بيتنا... طبعاً هو تفاجئ قال : مالك داعي مستحيل افهم في بيتكم << بدينا بالأعذار اللي مالها سنع " مستحي " قلت : والله ياعبود أن مافي البيت إلا أنا وانت << من الرجال طبعاً قال : طيب << أدري انه مستحي مني "يجامل الولد" والله وآمر الأستاذ شريف حميدو وناخذه من المعهد << طبعاً هو يدرس بمعهد ونروح للبيت وأكرمهم وبعد كذا حسيت أن مالي محل بينهم قلت : أروح اصرف نفسي على مايخلصون وينط عبود قال : والله ماتروح أجلس عندنا قلت : بروح وبجيكم اللحين الحاصل جبت الكمبيوتر << ماي نيت بوك وقعدت أطقطق على ما أنتهى الدرس << طبعاً بدأ الدرس على الساعة 9:45م وأنتهى على الساعة 11:11م أي ساعة ونصف تقريباً بعد كذا نزلت الأستاذ شريف في بيته ورحت أنا وحبيبي عبودي للتخصصي قلت : وش تحب ناكل عشاء قال : والله شف ماكدونالدز ولا مشاوي قلت : اللي تبي .. انت فصل وانا ألبس قال : خيـّـره ...حيـّــره والله محتار شف أقرب مطعم بس << طبعاً هو توه باقي مايدل بالرياض زين وحنا ماشين بالسيارة على شارع التخصصي قال : صفط بالمواقف هذه قلت : عادي والله اللي تبي << طبعاً هو وقفني عند مطعم اللولوة على شارع التخصصي الحاصل نزلنا عنده وتعشينا << وتوسخ ثوبي على طاري ثوبي انا ساكن بشرق الرياض وعبودي ساكن بشمال الرياض وفكرة بموضوع الدوام باكر اللي هو اليوم << لأنني من الناس اللي يناومون من الساعة 10:00م ويصحى على الفجر وعليها ولا يقيل بعد!! قلت ورى ما أنوم عند عبودي لقربه من دوامي وأنا اللحين ذابحني النوم وكم يبي لي أوصل البيت بصراحة الموضوع تضخم براسي قلت : عبود ضبط لي فراش عندك قال : يامرحبا بك والله والله انا من وصلت بيت عبودي وسيده على الفراش ونومه وأصحى على الساعة 4:00ص صليت الفجر وطار النوم والله ما أرتحت في نومي متقطع داخل واحد طالع واحد <<يازين غرفتي وبس لايزعجك أحد ولاتزعج أحد "مسالم" والله ويقوم العضو لدينا سابقاً :: العود الأزرق :: وسيده على النت << ماعنده وقت واسولف عليه حتى الساعة 7:00ص وطلعت أفطر وبعدها رحت للدوام وانا والله باقي أبي أنوم طبعاً دوامي من 7:30ص إلى 2:00م ويجيني واحد من الزملاء قال : انا ماشي بعد أذنك قلت : ترى إن مشيت الدرب واحد قال : والله انا بمر محل وبعدها بمسك الخط << من أهل الخرج قلت : الله يستر عليك انا ودي أطلع بس ما يآنبني ضميري << يحب الإنظباط كثير..يجامل على حساب غيره والله وأضغط نفسي لما وصلت الساعة 1:08م والله عجزت أكمل ..دايخ ابي النوم << أدري والله لو ابي النوم ماجاني وفعلاً طلعت الساعة 1:08م وينشب لي واحد من الزملاء وصلني على طريقك قلت يالله أركب والله ياجماعة ماوصلته مجامله بس.. تقديراً لضروفه الصحية << الرجال معاق .. ومحدثكم يشفق على ذوي التربية الخاصة والمعاقين والله وأوصله لبيته وأروح للبيت وسيده على غرفتي ابي أنوم مرهق جداً خاصةً عندنا كشته الليله ابي أخزن نوم وانا الحين عندي نقص نوم والله نمت وصحيت على الساعة 4:30م واحصل جوالي في حول 10 مكالمات محلية ومكالمتين دولية ومن قمت وانا في البيت ماطلعت لا منا ولا منا من المسجد إلى البيت وسلامتكم |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ 8 8 8 ياليت الكل منظبط في دوامه زيك كان الدنيا بخير ... طاب يومك وطبت لنا |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ مرحبا بك يازورو شكراً لك على مرورك اللطيف هاااا بشر كيف الدورة معاك ماشي |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ بيني وبينك ذيبان انا خارج التغطيه في هالدوره عجزت استوعبها !! مغرز الطلاب في الدرس الثالث مدري الرابع وانا لساتني في الاول .. بس الحمد لله عرفت اشياء ...يعني استفدت من التسجيل بعض الشي |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ زورو 0000 الله سندويش بيش روعه بصراحه طاااااااااااااا ااااااااااااااا ااااااااااااااا اااااب يووومك ذيبان يسعد ايامك بكل خير وطاااب يومك حياااااااااكم |
يــــــــــــوم من حيــــــــــــا ه ذيـــبـــــآن دامكم مستحين من طرح أيامكم آجل تحبون العلوم الطيبة << آحري بها طبعاً نمت البارح الساعة 1:05ص وقمت على صلاة الفجر وصليت وجيت وغطيت بعد صلاة الفجر حتى الساعة 7:20ص النية اني بروح اخلص لي شغله وعاد انا مخلي كمبيوتري شغال عشان مايجيني هجوم على قريتي المحنكة وبالتأكيد يوم قمت قبل ما أغسل وجهي شيكت على الوضع الحمد لله الأمور تمام التمام وأغسل وجهي واطلب فطوري وقلت بجلس أطق طق حتى يجي الفطور وبعدين بروح وانا العادة الفطور يجيني لـ حد غرفتي بس عندنا شغالة تبي من يخدمها عجووووز تشتكي من رجليها وظهرها << بس خل عنك أطلق شغال شفتها تعرف عربي و كح كمان يعني من خلال خدمتها 16سنة مابين لبنان ودبي والرياض والدمام , تعرف شي مانعرفه ولا يغرها شي أبد نرجع لمحور حديثنا اليوم تأخر الفطور واناظر في الساعة وهي 8:55ص ماصار فطور مع العلم أنه جاهز وأروح للمطبخ ولاحصلت أحد واقعد أفطر بالمطبخ ويوم خلصت بالعافية وامر على غرفتي النية اني بفصخ بجامة النوم و بلبس وأطلع ويوم جيت الغرفة ولا ذا صديقي المنتدب الدكتور محمد الحربي يطلبني صوتي << طبعاً تخصصة أعصاب ... محد أسألك هع والله وسوالف انا وياه ولا أنتبهت للساعة وبصراحة الدكتور أهم عندي من شغلي لأني أحبه واعتبره بمثابة أخوي الكبير وبصراحة أستفيد منه الشي الكثير آقلها نصائحة لي بمجال التحصيل العلمي هو بعد الله اللي يشجعني على الإكمال الحاصل أستأذن هو والساعة اللحين 10:35ص طبعاً جاني إتصال من الوالدة تفيد فيه انها قامت << افهمها تعال سولف معي والله جلست معها وسواليف ولاخلصنا إلا على آذان الظهر وبشرتني بخبر تقول أخوك حسن بيجي اليوم الظهر وبيروح على طول << هذا واحد من اخواني ظابط عمله في خميس مشيط وكتيبته في الجبهة وكان جاي بياخذ اهله وبيرجع على طول عاد انا رحت اصلي الظهر ثم رجعت وتكيت على الجهاز حتى جاني إتصال من حلوة اللبن أمي تقول تعال تغدى وسلم على أخوك تراه بيمشي اللحين << هو متى جاء عشان يروح والآن الساعة 1:39م والله وانقز لهم وأتغدى معهم << مهيب عادة أتغدى بس عشان أجلس وأسولف مع اخوي فقط وبعدها رحت لغرفتي أطق طق على النت ويوم جت الساعة 2:25م ويدق علي أخوي وقال شغل السيارة بسرعة ودني المطار رحلتي تقلع الساعة 3:30م << عاد أخوي ذا دمه حآآآر عكس شخصيتي تماماً وأطلع أبي أشغل السيارة ولا ذا هو قدامي وهو واهله وعفشهم مايمديني امشي كيلو واحد فقط قال وقف على جنب , والله وأوقف وآثارية يبي يسوق << اقولكم الولد دمه حآآآر قلت مريحني من زحمه الرياض ههههههه ويخم الموتر ومافيه إلا قوة تكبيس للعالم , الحاصل وصلنا بسلام وأودعهم عل الساعة 3:10م وعاد أستلم الطارة وأرجع للبيت وأنا داخل مع الحارة ولا ذا ولد جيراننا سلطان <<معاق , قعدت أسولف عليه وانا في موتري وهو على عربيته حتى الساعة 4:05م وتوني حاط رجلي على الباب وأتذكر شغلي اللي الصبح وارجع أركب سيارتي وأروح له ويوم وصلته لاهو توه طالع من المكتب ويقفل الباب واسلم عليه وأعرف بنفسي ويطير بي ويفتح المكتب وأطرح له موضوعي ولا خلصنا إلا وهو يأذن المغرب وألحق على البيت وأوقف سيارتي عند البيت وأروح سيده عالمسجد وأصلي وانا راجع ولا ذا ولد الجيران فواز مواعده قبل كم يوم واخلف الموعد واليوم عاد قابلني يتأسف ويتعذر << لطعني في الشارع وبس وأرجع للبيت ولا ذا أخوي سليمان << توه جاي هو وطيره وقاد من مقناص طيور وحباري وأبشركم جانا وشاربه في الدسم معه الصيد والفيد وأروح لغرفتي لأن جوالي بطاريته فاضية ويوم حطيته في الشاحن قلت ورى ما أطق طق شوي حتى يشحن الجوال والله واقعد ذيك القعده حتى أذن العشاء وأروح أصلي وأرجع وإلا اللحين وانا على قعدتي والساعة اللحين 9:17م وسلامتكم |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ يسعد ايامكم بكل خير ---- ذيبان مو سالفه مستحين ابك وانا اختك مافيه جديد تخبر البنات اما المطبخ او مرتزه قدام التلفزيون او المرايه خبرك العيد جاء نبي نقص ونرفع وغييره المهم خلنا بيومك 00 سم الله عليك حركي ربي يحفظك -- اما يومك فيه تعب وفيه متعه 00000 ربي يحفظك ويخليك لميمتك |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ آمين من قال جزاكِ الله ألف خير يا أخت وهج |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ حي الله كل من مر هنيا وودي ونفسي ابو طارق يسدح لنا احد ايامه وبقايا وكنق وسمو والشباب كلهم والبنات جعلكم بالعافيه لا تقوولون هاالايام ماعندكم شي اكييييييد طلعه سووق مشغل شي قولو لا تسكتون انا بنط لم السووق وبطلع للمشغل لان سموي قررت قص شعري رغم معاارضه تااااااااامه بس على وعلي اعدائي الزبده ارجع باذن الله واسدح لكم يووووووووومي الجميل واكيد بيكون فيه اكشن دام شيكا نازله معي عزالله ضعنا اليوم بسووق |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ بسم الله اطرح لكم يووم امس طبعا الصبح قمت بدري اووي كله بسبب ورعان اختي الله يرج ابليسهم والله اطمر من فراشي واسوي لهمتارو واشوف الثاني وش يبي واخلص له واشغل له الكبيوتر وقام يطقطق فيه وافتح المنتدي واجلس هنا وهناك الين الظهر واطلع اروح اصلي واقوم البنات وارتب البيت واشووف شغلي واخلص وافتح المنتدي وتتصل خالتي الوه 00 هلا000 هلا خاله كيفك وكيف البنات كلهم تمام ايه الحمدالله انتو كيفكم وكيف اخوانك الحمداالحمدالله كلهم بخير قالت 00 اسمعي سمي000 العيد الصبح انتو عندي والله000 قالت لالا تحلفين بنجي باذن الله متي قالت00 الساعه 8 وشو00 الصبح والله واخذ هم يووووه مشووار بس بقولها بتزعل قلت طيب يصير خير قالت00 انا قلت لمك (امي يعني اختي الكبيره قالت طيب قلت اوكيه بنجيكم تامرين بشي اجيبه 00 قالت ايه سوين مكرونتك (يوووه مكرونه الصبح قلت طيب تامرين وسكرت والحمدالله وافكر السووق اروح اجيب لي اغراض لاني حاطه في بالي ماراح اطلع في بيت احد واجي عند اختي بروح السوق قالت طيب وتنط شيكا وانااااا بروح معك اتمشي واروح اساذن من اخوي قال روحي ورحت شفت اخوي للي بيوديني واضبط وضعي واذن العصر وصليت ونقزت لم السووق ولا سااعه ورجعت بسرعه خلصت اسرع من البرق واجي لم اخوي انا وشيكا وهمتارو خلصت 000ويطلع في خشته تعجب اما عااااااد قلت ايه مشينا قال00لا تستهبلين والله ما ارجعك فلت والله خلصت وش فيك قال00وش ذا توني لقي موقف ماني فاضي تستهبلين واني اعصب عليه وصدق اخيرا ورجعت البيت وتقبلني ام همتارو هااه مالقيتو شي صح ؟ قلت لا خلصنا واجلس انا واوريها وش جبت وادخل المنتدي الين اذن المغرب وانقز اصلي والبس عبيتي وانروح انا واخواتي المشغل ركبنا السياره قال اخوي مشغل محدد كلنا بروسنا لااااا قال 00اجل قلت امش من ذا الشارع نشووف وفي طريفنا لفت انتباهي مشغل قلت وقف قالت امي00 انزل شووفي اسعارهم ونزلت اسئل عجبني السعر ورجعت انزلوو نزلنا وقمنا علي طوول نسؤالف حريم ماعندنا وقت من وين ؟متزوجات ؟طلعو مغربيات متزوجين سعوودييين يا انهم علموني اشياء تهووس الشعر ذكروني يابنات اقولكم عليها يا انها تطول وتنعم الشعر المهم قصيت وقصت شيكا وامي صبغت وجلسنا الي بعد العشاء وخذنا عشان ورجعنا البيت كلمت شوشو وجلست شوي ودخلت النت الين 1 وخمدنا وبس انتهي يوومي السعيد واليوم نفس الشي قمنا بدري وجلست مع امي اسوالف وادخلت النت الين الظهر وصلينا وقومت شكا تسوي الغدا ورتبنا البيت وقلبناه قلب وتوني مخلصين ودخلت وبس |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ طـــاب يــــومــــــــ ـك وهج:36_1_7: |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ طاابت ايااااااااامك بق حيااك |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ طـــاب يــــومــــــــ ـك وهج:36_1_7: |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ يوم شيق وهج .. بارك الله في باقي ايامك |^!^| |
| الساعة الآن 06:16 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..