|
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ جعل الله ايامكم كلها خير وبركه آمين |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ الله الله ... وش هالموضوع الزين اللي ماجى الا يومني سافرت عنكم؟؟ ابروح اتوله واسدح لكم يومي الكويس جدا.. احتروني ولاحد يروح قفلو البيبان وسكرو الدرايش.. |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ بقايا جرووووح اسرد لنا ايامك وانت مسافر يعني وش صار لك :: مفاجات مغامرات من هالعلوم نورت المنتدى برجعتك :: سلامت الاسفااااار :: |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ بسم الله الرحمن الرحيم قمت من النوم الساعه 5 الفجر.., ودخلت النت لي ربع ساعه الا والله لاحطني الجوع لحطتن شينة , والله واشغل كحيلان واروح دايركت لفوال الطايف , واضرب لي من الجوع شكشوكة عدني وفول طاوة مدري وش اسمة حفيد يعرفة لأن كل مادخلت الينة طالع يتاغر وينقب سنونة خخخخخخخخخخخ.. المووهم.. وافطر واعين من الله خير ,واتمشى لي شوياااات واخذ فطور للبيت وانا واضبط لبوي القهوة والشاهي المر طبعا , واتقوهى انا وياه ونتجاذب مجاذب طبعاً نتجاذب اطراف الحديث والسوالف الكايفة , الموهم يوم خلصنا وهو يروح لمدري وين وانا اروح للنت واطقطق لي نص ساعه واطلع واروح للمستشفى لي مراجعه عندهم , واخذ علاجي وانا اروح للمزرعه واقعد فيها حول الساعتين يتخلخلها مدري يخللها اطعام البهم والسباحة في البرتسة وطرد الدجاج , وارجع للبيت وامر المستشفى مرة اخرى معي كر مراجعه لكبيرات السن خخخخخخخخخ وادخل على الدكتور بهجة بهج الله وجه بالخير والعافية. , واخذ من عندة زنتات وحبوب قلب وحركات , وارجع للبيت واصلي الظهر وشوي الا ابو سيف 049 توة جاي القصيم وجايب لنا انواع الكليجا والبساكيت الزينة , ويالله من فضلك وناكل لين جتنا تخمة خخخخخخخخخخ بس هو ماشاء الله علية ماجاه تخمة لأنة متعود علية , ههههههههههههههه ههه والله ويجينا الغدى بعد شويااات ونتغدة وانا اروح اتسدح والا ماجاني نوم., واروح انا واخواني الصغار وافكك واربط سياكلهم لين اذن العصر , واتقهوى مع الاسرة المالكة للبيت خخخخخخخخخ واروح للمقبرة واخذ لي كم صورة تلقونها في قسم الرويضة الخاص << يعلمكم. , المووهم وانا اروح لرجال عازمني العصر على قهوة الشياب , واروح واتقهوى واصلي المغرب عنده , وانا اعود للبيت واشتغل على النت وهذا انا مرتز قدامكم كني القمر خخخخخخخخخ مع السلامات |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ^ ^ ^ اموووووت انا على القمر |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ كنق 000 ياشيخ علي اليوم شي امش ياقمر هع هع يومك وناسه تشكراااااااات وجودك |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ بقايا كلك حركات لاعدمناك |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ اقتباس:
الله يهديتس.. هذا يومي انا وش دخلك كنق.! بس فعلا يومه وناسة<<< يسلك هع هع |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ بقااياااا ماودك تسدح يوومك حيااكم |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ههههههههههههههه ههههههههههه والله مدري وانا اخوتس وش تحسين به خخخخخخخخخخخخخخخ خخ واللي مالي الصفحة من اليوم منهو؟؟ الظاهر انتس متعشية من فوال الطايف ههههههههههههههه ههههههههههههههه ههه انا ماخليت ولا بقيت شي الا سدحته |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ههههههههههههههه هههههههههههه ههههههههههههههه ههههههههههههههه ههه ههههههههههههههه ههههههههههههههه ههههههههه معليش اليو مشوشه ههههههههههههههه ههههههههههههههه ههه بس واااااااااااو موتني ضحك طيب طيب ذاك الثاني اسدح يومك فطستني ضحك ياربي |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ والله ودي اسدح لكم يومي بس تعبان حبتين , |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ السلام عليكم ورحمة الله وبركاته مساكم الله بالخير اليوم فيه مبارات ودية دولية بين منتخب التشيك و منتخب بلجيكا عندنا هنا في تبليتسه و قال المدير ابوهلا لازم نروح نحظرها و يوم صارت الساعة 5 العصر و نروح انا و ابو هلا و رحال الغربيه للملعب و اللي يزينه قريب من الشقة يعني كلها 10 دقائق سيرا على الاقدام و الله و نلقى الزحمه و ندخل بينهم و نشري الاعلام و الشعار على القبوع طبعا شعار التشيك لاننا من اهل البلد و من المتحمسين بعد المهم وصلنا الملعب و قطعنا التذاكر التذكره بـ 100 كرونا يعني 20 ريال تقريبا و شجعنا التشيك المهم انتهى الشوط الاول بالتعادل 1 / 1 وكان المنتخب البلجيكي هو البادي بالتسجيل و زعلنا معهم يوم جا الهدف شوي و يجي التعادل و يجي الشوط الثاني و نسجل !!! هدفين و تنتهي المبارات 3 / 1 لصالح منتخب التشيك و نفرح معهم خارج الملعب و نروح للفندق اللي ساكنين فيه اللاعبين بس قبل يجون لانه قريب جنب الشقه طبعا المبارات انتهت قبل المغرب بساعتين لان الشمس ما تغرب عندهم الا الساعة 9 و كملنا باقي العصرية في حديقة العرب وهكذا كانت عصريتنا اليوم عسى بس ما طولت عليكم |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ يومكم سعيد وحلو كله رياضي وتشجيع عاد التشجيع عندكم يختلف عنا |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ حلو اهم شي تعادلو عشان مايقومون ع بعض وانتو فيه يومكم سعيد ننتظر الاعضاء الباقي وايامهم |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ بسدح لكم يومي اليوم وعساه ينال استحسانكم من وين ابدأ من الصبح اقصد من يوم قمت من النوم صحينا حوالي الساعة الثانية ظهرا والى صقيقي مولم المهيلة على السخان مدري كيف قطعت المهم تقهوينا وافطرنا دخلت النت شوي الا الجوال يرن الووو الاستاز ابو نواف اي نعم تفضل قال انا عمر ممكن اقابلك انت تبحث عن فني صيانة قلت نعم قال وينك قلت في الماريوت قال اتغدى واجيك قلت اوك المهم ما امداني اتروش والبس الا وهو يدق انا في الريسبشن يا فندم انت فين قلت شوي البس واجيك وانزل له واقابله ذيك المقابلة اللي على كيفك الموهم فشل المشروع بعد ان خسرني خمسين جنيه عصير ودونات وحركات رجعت الغرفة وصلينا العصر وتغدينا وطلعنا نتمشى شوي وين نروح وين نروح قلت ما بدهاش ع سيتي ستارز اكبر مول في مصر وشيات الا انا في المول ونلف فيه يمكن عشرة كيلوا بين طلوع ونزول ومطاردات منيه مناك شوي ونرجع للفندق حوالي الساعة التاسعة ونتابع مباراة مصر وغينيا لين انتهت وننزل في مقهى الحديقة وعند الساعة الواحد صباحا ذهبنا للعشاء في قدورة ثم رجعنا للفندق وهذا انا امامكم ترى ما فيه شئ مشفر جايب كل شئ بالتفصيل تصبحون على خير |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ابونواف قول آمين ..;) جعل أيامك سعادة إن شاء الله .. تبي الصدق ماعندك سالفة.. رايح مصر عشان فني صيانة ياعمي البلد مليان فنيين سباكة ياباشة :36_1_19: << والله نصيحة مني قيمتها غلاك عندي إذا تبي فني مضبوط مو في مصر ..أسأل مجرب وصاحب إختصاص الـ it بشكل عام لاتقرب منه إلا هندي وإن جاك من يوبي فـ خير وبركة وأنت صاحب القرار الأول والآخير تحياتي |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ابو نواف لا يغشونك ويعطونك معلم طعمية هههههههههههههه |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ههههههههههههههه ههههههههههههااي الله وكبر الروحه كلها عشان فني الله يستر عليبك يبونواف..وترا ارمضان اقبل تعال بسرعه |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ بالخير يالربع.. انا بسدح لكم نصف يومي مدري ربعه بما اننا في القايلة هالحين.. بسم الله.. قمت الساعه 7 الصباح ورحت اغسل وجهي طبعاً وشغلت النت على طول وقعدت يمكن 7 دقايق ورحت واركبت القهوة ورجعت للنت لييييين قطعت القهوة واصبها في الزمزمية واروح للرويضة بجيب فطور , وادخل فوال الطايف لاحطني الجوع والقى واحد من الشباب فيه ويحلف علي ولاماصدقت خبر واقلط عندة ونضرب بالفطور لين قامت تصفر اذاني من الشبعه , واخذ للبيت فطور وجيكم معود للبيت والا ابوي زد قام والله واضبط الفطور والحركات والدونات والحلا<< نصااااب ونتقهوى وتنتيف لبعض الشباب , بعدين قال لي رح للبيطري واشتر جرة وابرتين للطليان الصغيرات لبى عيوونهم الزهرية , والله واروح للبيطري وادخل علية الا عنده حاله مستعصية , فيه شات تولد والولادة متعسرة الله يدفع البلا وهذا الدكتور شاطٍ الله علية , ويالله خلص من واحد من الاطفال هههههههههه ويبقى الثاني قلت يابن الحلال عطني علاج وخلني اروح قال شوي , واقعد لي حول نص ساعه ويالله يطلع الولد عقب القصى , واخذ منه علاج واروح للمزرعه ويوم وصلت الا الرشاش حق الجرة ضايع واقعد ادورة نص ساعه انا والهندي , ويالله نلقاه بس مع الاسف الشديد منكسر ! واروح ارجع للرويضة يوم وصلت الحراج بتاع الابل والبنزيم ينقطع لاحووول واكلم واحد من العيال عشان يجيني , قال انا في الرياض وهو يمرني فاعل خير قال اسعفك.؟ قت لا مشكور اخوي جايني وانا العب علية , يوم راح وانا ادق على اخوي صدق والجوال يطفى مافية بطارية.!! انا لله وانا اليه راجعون وش السالفة.؟ واقعد اشر على الخط ويرزقني الله بموزع الخبز حق الرسام واركب معه ويوديني للمحطة اجيب بنزيم وانا احول معي بجيك موية فاضي عشان اعبية بنزيم والعامل يروح يوم جيت بعبي الا البوك ناسية في السيارة. والفلوس فيه.!! وش هالمصيبة يادافع البلا.! واروح اتمشى في السوق من الفراغ ومن القهر واحصل واحد من الشباب وكنت اطلبة 60 ريال , قلت بسامحك بس بشرط ! قال وشهو قلت عب لي بنزيم بخمسة, والرجال يعبي لي ولا قصر قلت ودني لموتري بعد ويوديني ولا قصر عزالله معي , واعبي الموتر , وادق سلف ولا اشتغل وادق مرة ثانية الا يوم اشتعل زييييييين , واروح للرويضة واعبي المتر بنزيم ب40 ريال<< خايف , واروح لبيطري واشتري منه الرشاش حق العلاج , وارجع للمزرعه وارش الغنم الوجعانة وارش العنة حقت الغنم كل ابوها , واصلي في مسجدنا اللي في المزرعه الظهر واجي معود للبيت معاد اشوف دربي ويالله اوصل واتروش واعين من الله خير وهذا نصف يومي بس.! |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ الله يخارجنا منك يابدوي أقصد بقايا جروح لابد تواكب العصور يالحبيب وسيبك من العصور الحجرية طليان وجرة وعنه ومدري وش بعد والزين أن أسم البخاخ في مصطلحك البسيط رشاش وين يابوي في حرب هههههههه أتمنى لك يوم في العمر سعيد وأنت تعلم مدى حبي لك |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ بقايا جروح و الله يومك هذا كله حوسه حلوه تنتيف في الشباب ! بس الله يهديك ابوك مو راعي تنتيف الا اذا قصدك بالتنتيف التعليق ممكن جدا ولا يهون ابوو فهد |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ههههههههههههههه ياحليلك ياذيبان قل الله حلى العدو خخخخخخخخخ ارحب يابو فيصل.. انت خابر ابوي وابوفهد على قولتك ماعندهم الا التعليق ولا الغيبة لا ان شاء الله.. كل واحد يسدح لنا يومة يامال الشحم.. |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ لاتعليق ابو نواااف بقايا جروح ستمتعت بيومكم وفطست من الضحك عسي يومكم كلها اسعد ننتظر الباااااااااقي نبي البنوتات ابك مالكم ايام |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ يسعد ممساكم بكل خير بدون مقدمات يومي يجيب الغثا نمت الساعه 5 والساعه 7 قمت للمعهد وساعه ع من اخوي قام وحمى السياره وعباها موايه واركب الساعه 8 ونمسك الخط واوصل المعهد الساعه 8 ونص وانطق عند الباب الين 10مو عند الباب باب لا يعني جوه وهذي الفتره اخذت فره عليه لاني كنت مشتاقه لجدران المعهد وبلاطه المهم يوم جو السيدات وحضرو وانا رايحه عند الوكيله تقابلنا دكتوره لانتومي هلا يابنت وانا طبعا مو رايقه فيني نوووم والله ابتسم لها واسلام عليها هلابك قامت تسئل علومك وعلوم اختك هاه عملتي ايه ورديت عليها والسان حالي يقول ابي اناام واستاذنت منها اني ابي اطلع ورح عند الوكيله ادخل سلام ردت قلت لها اني ابي ملفي بطلع قامت ليه وليه قلت الها السبب قالت من قال حياك والمعهد تعدل ووووووو وكاني اقتنعت قالت طيب خذو فلوسكم حق الترم الجاي لاني عارفه نفسي ما امسك شي قالت طيب هاتي نصها والباقي بعدين قلت طيب وراعطيها واخذ السند وارجع ملفي عند الثانيه وانزل وما القى اخوي يالبلاشه جوالي في السياره وشلون واجلس افكر الا وحده من صديقاتي داخله عندها امتحان قلت بس جاك الفرج ياعبيد واخذ جوالها وادق عليه وينك قال اتمشي قلت تعال فيك حيل تتمشي بعد شويات ويرجع واوصل البيت الساعه 12 صليت قلت بنام قالت اختي وش رايك نتقضي للبيت قلت الحين الو ايه مافيه زحمه قلت ايه قدام والقط عباتي واروح معاهم وادق ع اختي ركبي الغداء ورتبي البت بنتاخر قلت تامرين المهم رجعت للبيت بعد تفحيطه كامله ي السوبر ماركت000 رجعت ياطولين العمر اختي نايمه والغداء ع النار ياويلا حالي المهم 2 وش اسوس رحت ع طوول كملت الغداء وانتهي ع الصلاه العصر تغدينا وسيده البيت وخلصته وقلت جا النوم وطالع لي اخوي بيك تساعديني في ها البرنامج وقمت معه وخلصت الحين قبل شويات قلت ادخلي النت الين اذن المغرب وصلي واخمدي وها انا معكم لان واودعكم بخمد ولنا لقي ونتهي يومي وببداء يوم جديد بعد 5 ساعات لكم مني ارقي التحيات وكل عاااااااااااااا اام وانتو بخير |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ابدد نمت الصبح وتوني قايم ...الا اللهم اني تصفقت الصبح ..وثث |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ مريت هنا قلت في نفسي اليوم كا فيه يوم اصلا ما حسيت با اليوم ابد الحين بس يبداء يوومي قبل من 1 الين الساعه 8 كرف ما تلقي وقت تتنفس فيه الحين خلصت شغلي وجلست وحسيت انه فيه يووم وسلامتكم وينكم يا الربع نبي ايامكم |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ انا ماقمت الا 12 الظهر , وشغلت النت شوي , وقريت الجرايد شوي وافطرت كذلك شوي , وقمت وصليت , ورجعت للنت لين جت الساعه 1 ونص وتغديت غدى خفيف , والى عندنا مكيف خربان ونروح ننزلة وننظفه وهو يطلع علينا منه ذاك الضعروط اللي كبر الجنط خخخخخخخخخخخخخ ونقعد لنا ساعه انتحادة يالله عقب القصى نذبحة.! ونتعاون علية ويالله نطلعة برا , ونرجع ونظفه ونفككة ويالله يزين عقب الشين ونركبة ةنشغلة , وارجع للنت وشوي وهو يذن العصر , واروح للمسيد << على قولة الشيبان , واصلي وارجع للبيت., واتقهوى مع اهلي واطلع حول الساعه 5 ونص واروح ادجج لي في السوق لين جت الساعه 6 , واركب معي 2 من الشباب ونروح لواحد من الربع نشرب حليب نياق وناخذ الباقي ونروح لشعيب ابو الهوشات ونشرب باقي حليبتنا لين جى حول العشاء , واروح للرويضة وانزلهم لمواترهم , اروح اصلي في الجامع الجنوبي واطلع واروح محيل قريب واخلص لي شغلوارجع لللبيت وهذا انا هالحين بووة.. وشكرا |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ بقايا والله يعجبني يومك احس فعلا بدو مو حنا بس وشو ذاالضعروط يعني الظاطور صح |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ خخخخخخخخخخخخخ وفيه احد مايعرف الضعروط؟ ايه الضاطور والوزغة على قولة الناس الثانيين |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ايه توني اعرف تشكرااااااااااا اااااااااااات |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ننتظر يوم جديد |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ مساكم خير ننتظر يوم جديد بفارغ الصبر البنواتات وينكم مالكم ايام |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ اولاً مشكورين على الموضوع ومعليه جيت متأخرهـ بس وربي اني بعض المنتديات اضيع فيها وانتم تلاحظون اني دايم متواجدهـ بس مشاركاتي قليله لاني والله اضيع الاقسام ههههههههههههههه ههههههههههههه يله بروح اكتب لكم يوم في حياتي |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ أنا بإنتظار اليوم السعيد إن شاء الله <<عسى مايغطني النوم |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ حياك وحنا ننتظرك هههه حلوه تضيعين اي شي تبينه ققولي ترين ماخذه كورس في المنتدي فار قسم قسم لا لا يغطك انتظر فتح عيونك اخوي اخيرا فيه بنوته فتحت يومها |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ يله ابدا بس اليوم هذا في بداية العطله لانو هو اللي فيه احداث اول شي صحيت على اذان الفجر اخذت شاور سريع بعدين مسكت شعري كله ولميته بشكل عشوائي بسكلبه ورحت اصلي بعد ما خلصت مصليه لبست لبس رسمي وشربت شاهي <<<مدمنة شاهي بعدين فكيت السكلبه على الساعه 5:00 وطلعت لغرفة اخوي ولاقيته صاحي قلت تراني خلصت اللحين قام قال يله توكلنا على الله ركبنا السيارهـ وتوجهنا للجامعه اللي يجرى فيها اختبار القدرات مع العلم انو موعدي سبع ونص بس انو فيني انا عجله مدري وش تبي طلعنا نمشي على اقل من مهلنا وصلنا هيناك خمس وزياده المهم نزلت وجلست اطالع الساعه قلت ياليييييييييييي ل باقي لي واجد ووقفت على بالي عند الباب مافيه الا انا بلحالي وانا اقول :هذي فايدة العجله الله ياخذ بليس جلست جلست اخر شي زهقت قلت اللحين بجلس لين سبع ونص؟؟؟ لا احسن هذا جزاي.. مادريت الا يوم جاوا الناس قلت :يؤ يؤ يؤ اثر في ناس مزيي اثاري موعدهم قبلي قلت يو يويويو عسا مايقولون انتي موعدك بعدين ماراح تدخلين معاهم شوي دخلونا وانا داخله ومنسرقه حاسه بيقولون وش جابك بهالوقت لدرجة اني امشي وانا مغمضه مدري ليه احس اني اذا غمضت محد يشوفني ههههههههههههههه المهم فسخت عباتي وطويتها وحطيتها وجلست بعد ماجلسوا كل البنات قالوا يله عشرين طالبه يدخلون وانا اللي قمت بسرعه ورحت شوي وقفوني قلت :انا موعدي ترا اللحين<<<اللي على راسه بطحى يتحسسها ...مدري وش يبي هالمثل قالت:طيب احد قال انه بعدين؟ ضحكت وقلت اجل وش السالفه قالت :معك كرت العائله وبطاقتك.؟ قلت ايه قالت:يله ادخلي وانا اللي دخلت بسرعه حاسه انهم بينادوني وكل من وقفني قلت انا موعدي الحين.. لدرجة انهم شكوا فيني اخر شي طلعوا ينسقون المواعيد عشان مايجي زحمه ههههههههههههههه هه طلعت مع الباب على الساحه اللي ترد الروح. ومشيت الحق البنات مدري وش السالفه المهم لاقيتهم يطالعون غي اوراق معلقه ورحت اطالع معهم مدري وش السالفه وانا اللي لقيت اسمي قل وانا اللي جلست اضحك بصوت عالي اسمي مكتوب ههههههههههههههه ههههههههههههههه ههههههه <<<<ارتحت من هم الطردهـ واروح والحق البنت اللي من دخلت وانا الحقها<<<وش اسوي انا اختي تروح معي وتسنعني بس هالمرهـ ميب معي واطالعها وش تسوي واسوي مزيها مادريت الا يوم راحت وانا مابعد خلصوا اوراقي وناديتها بدون شعور قلت هيه هييييييييييه انتي يا بنت البنت تطالع يمكن طايح منها شي والاش قلت ماطاح شي. قالت تحاكيني.. قلت وانا طايح وجهي.. :اصبري لي الله يعافيكـ البنت تطالعني بإستغراب المهم خلصت اوراقي قالت نعم قلت لا بس ماعرف شي انا جلست تضحك ومشت وانا الحقها ليييييييييييييي ين وصلنا القاعه المشكله انهم ماقصروا كل شوي ناطه بوجهك وحدهـ تدللك ع المكان بس انا اول مرهـ اروح بلحالي المهم اني وصلت القاعه بسلام وجلست بأقرب كرسي طبعا على كل طاوله فيه قلم قالوا معليش اختي روحي اول كرسي قلت انا طيب وقمت وجلست بأول كرسي يوم ناظرت الاني لاقطه القلم معي ههههههههههههههه هههههه وصار عندي قلمين لاني اللي اقدر ارجعه ولاني اللي اقدر اخليه عندي <<بيقولون مشفوحه هذي المهم قبل يبدا الاختبار جتني وحدهـ قالت عندك قلمين<<مستغربه لانهم توهم موزعين الاقلام قلت انا بإرتباك:لا معي قلم واحد هذا مو حقي مدري منهو حقه قالت :اها المهم ساعد مسكت ورقت الاجوبه بظلل ويطقني النعاس ^____^ ههههههههههههههه ههههههه واقاوم واحل واقاوم واحل واقاااااااااااا اااوم وخلصت الـ30 دقيقه الاولى وعدت على خير والورقه الثانيه نفس الشي والثالثه نفسه يوم جيت عن الورقه اللي قبل الاخير صرت اظلل دائرتين <<طقتني الحوله من كثر ماقاومت النعاس قلت لااااااااااااا بتركها وانام انا معاد اقدر واقوم واحط راسي على الطاوله اللي مدري وش تحس فيه<<متعوده على طاولات المدرسه هههههههه احسب محد سأل عني مادريت الا يوم جاني العصير والبنادول والمويه وش فيك انتي تعبانه عسا ماشر انا تورطت قلت وش السالفه.؟ قالوا انتي تعبانه:قلت :لا ...الا ايه تعبانه تو <<<نايمه هههههههههههه قالوا عيونك مب طبيعيه .. قلت طيب؟؟ قالوا ::خذي بنادول قلت لا لا مابيها قالوا:طيب وش فيك .......وانا اللي متفشله وش اقولهم مادريت انهم بيتجمعون علي عشاني نايمه. قلت انا دايخه قالوا اشربي عصير.. واقوم واشرب عصير..وربي اني مصحصه قبل اشربه من الروعه اللي جتني بسببهم ورجعت للورقه وجلست اطاله التظليل. تخيلوا موب فوسط الدائرهـ.....جن ب الدائرهـ واقوم وامسح ههههههههههههههه ههههه ويوم طلعت واضيع الطريق..تعرفون انا ما احفظ بسرعه وادور خويتي<<<صداقه من طرف واحد وادورها وادورها مالاقيتها وانا اللي خنقتني العبرهـ وعيوني امتلت دموع واوقف..افكر وش اسوي شوي وتمر قدامي كني معادنيب ميته والحقها وراها وراها ورها ليييييييين رجعنا وطلعت الحمدلله واتصلت على اخوي قلت وينك.؟ قال خلصتي قلت ايه قال خلاص وقفي عند نفس المكان اللي نزلتك فيه شوفينه عنده قلت طيب سكرت واجلس اتذكر وين وقفني؟؟ ياربييييييييييي يييييييييه انا ماني من اللي يدل ابد حتى لو مريت المكان مليون مره اتصلت عليه قلت انا مدري وين وقفنا فيه قال خلاص انتي وينك فيه.؟ وعلمته وقال خلاص وقفي انا جايك...حافظه شكل سيارتنا والا لا بع..<<حسيت انها بيصفقني بعد هالكلمه قلت:لا وش دعوه حافظتها قال يله.. وركبت معه ونييييييييييييي ييييييط خمدت علطول وصلنا للبيت ودخلت اخذ شاور بعد الحر والمويه حاااااااااااااا ااااره الله ينجينا من عذاب النار بس وطلعت وخمدت لين العصر لين صحيت قالوا بنروح للسوق قلت فله اشوا انا في بداية الاجازهـ والفلوس واجد قمت طلعت الشنطه حقت اختي وخذي نص فلوسي <<طبعاً لاني منيب راعية شناط بس اموووووووووت في شي اسمه بوكـ واحوس واحوووووووووووو ووووووووووس واحووووووووووس ياناس وين بوكي.؟ ونقوم ونحوس فالبيت كله عاد بيتنا مبطين مادخلناهـ وتونا ماضفيناهـ ياناس بوكي معي في يدي وين طار له وندور وندور وندور امي :تذكري وينك حاطته فيه. واجل واتذكر من صحيت ليييييييييييييي ييييييييييييين فصخت عباتي فالجامعه واتذكر اني فتحت من الغباء الزايد وطلعت البطاقه ياربي وين حطيته.؟ يوماااااااااااا ااااهـ بوكي نسيته فالكليه امي احسن.. حتى بوكك قمتي تنسينه؟ كم فيه.؟ انا بزعل ميه ومدري كم امي امي :عسا مافيه صور والاش. انا لا امي :خلاص وانا امك خيره الجدا ميه ماتسوي شي... انا طيب ماعلي تعطوني يعني تعطوني امي :كل ماضيعتي فلوسك نعطيك..انتي الحين معك كثرها مية مرهـ انا يمه لو اني مضيعه فلوس نا بتعوضينهم.؟ امي :اكيد انا خلاص:عوضيني امي:عشانكم بتروحون للسوق بعطيكـ بس ترا لاتاخذينها عادهـ واحفظي اغراضك انتي لو انها هامتكـ كان مانسيتيها انا يومه والله اني كنت نايمه ترا انتم السبب يومين مانمت وامس اقولكم خلوني انام وماخيتوني انام الا الساعه ثلاث المهم طلعنا وتوجهنا للسوق طبعاً انا كنت ورانزلوا كلهم ونزلت انا اخر وحدهـ قال اخوي الصغير:فيه بوك اسود هينا من هو له قلت بدهشه:كذاب.؟ قال والله قلت وريني.؟ قال:هه قلت اي والله بوكي ^____^ وخذيته ورحت قلت يومه لقيت بوكي قالت امي :اني خابرهـ انه موب ضايع.. رحنا تسوقنا ورجعنا والاني داااااااااااااا ااااااايخه انتظرت لين اذن العشا ونممممممممممممم ممممممممممممممم ممممممممممت وانتهى يومي ..^____^ |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ السـلام عليـكـم ورحمـــة اللـه مسـاااااء الخــــــــير.. كيفـكـم... ان شـاء اللـه بخــــــير ياللـــه ابـدا يـومـي علـى بـركـة اللـــــــــــه .. صليت الفجـر ونمـت ..وعليهااالمـاا ا اذن الظـهر ..وقمـت وصليت وطبعـاً رجعـت انووووم..وعليها اا لمـااا اذن العصـر..وقمت وصليت ونزلت وجلست اتقهوى مع اهلي.. وجلست شوي ورحت اتغـدى ..وبعدهااا رجعت لغرفتي وفتحت المنتدى والمسن وجلست اسولف مع خالديه كوووول فديتهاااا..لماا ا اذن المغرب..ورحت اصلي وبعدهااا رحت البس وطلعت اسلـم على جدي وجدتي ..وتووووني راجعـه..وفتحت المسن وجلست اسولف انا وخالديه ماتهاااب..وفتحت المنتدى ونزلت مواضيع ..وبسسسسسسسس |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ههههههههههههههه ههه والله انه جاني النوم الكسل اللي جاك في الاختبار يوم قريت يومك ههههههههههههههه ههههههههههههههه هههههههههه يوم صراحة محيوس بقووووة.. الله يسعد ايامنا وايامك وايام المسلمين اجمعين.. |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ صديقه القلم ههههههههههههههه ههههههههههههههه ه يومك حوووووووووووووس ه اما صديقتك طرف وااحد فطستيني ههههههههههه كانك انا فر با الجامعه الين دخت بس اشو اختي معي وصدقااتي وحلوهههههه اسمك خخخخخخخ والله كذا اليوم ولا فلا هلابس بنت كوول 000 الله على اليوم ياليتني اخذه يوم واحد(بصكك عين هههههههه هلابس غلاي نورتي والله |
| الساعة الآن 02:40 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..