|
مقتطفات من حيـــــــــــاه ذيبانـ بعد التحية والسلام طابت اوقاتكم بالخير والمسرات أما أنا فيومي مواقف مضحكة للغاية راح أورد لكم أطرف موقفين امس بعد صلاة المغرب طلعت للخياط انا وزميلي الذي هو بمثابة أخوي الملازم سعود أبوثنين << والله من موقف حصل معنا وحنا راجعين من الخياط وقفنا عند الإشارة وعلى زاوية الإشارة كودو << فرع الروضة شارع الكهرب طبعاً في الرياض قال سعود : انا جايع ودي آسير على كودو .. وش رايك أنت مثلي ياصديقي<< كلمته الفريدة قلت أنا : دام ودك وش يردك ياسنايدي قال : والعشاء الي عندكم << عندنا عشاء وصول أخوي محمد من لندن قلت : أقول لك وقف عند كودو .. ذبحتنا المفاطيح يا أخوي قال : نوقف نوقف ... وش ورانا الحاصل وقفنا عند المطعم وطلبت Chicken meal وسعود طلب A meal of hamburger cheese الوكاد جاب لنا الطلب الأخ المبتسم دائماً ماجد الخطاب << waiter ..تبطون تعرفون معناها... يعني النادل ولا ذي بعد يعني القرصون طبعاً سعود آكل بسرعة << ذابحة الجوع رحمته قلت : كمل على النصف اللي معي Chicken meal قال : لا قلت : بكيفك والله ما اخذت إلا ذاك الولد اللي في فئة عمري ماعليه حذاء << حافي ياكافي اللي جلس على الكرسي اللي جنبي ورصني بكل هدوء على الجدار ويسرعة لقط النصف من الساندويش حقتي بيده اليمنى ويحطها بيده اليسرى وياخذ علبة الكاتشب بيده اليمنى ويعصر على البطاطا بأقوى ماعنده أنا طبعاً قلت بخاطري آحدى آمرين إما إنه مقلب قناة فضائية ولا إنه مجنون وهذا هو الصح طلع مختل عقلياً وآناظر في سعود آشوف الولد مفهي وعلى وجه الضحكة على الذله << وجهه يشكل آلوان وتجي عيني بعين سعود ونطخها ذيك الضحكة اللي يحبها قلبك لدرجة انا آلفتنا نظر جميع العاملين والزبائن والولد والله مايعنيه الموضع بتاتاً وبسرعة قمنا نغسل وبصوت واحد ماجد وينك ولا ذاك ماجد ميت من الضحك علينا مراقب الوضع من اليوم قال waiter ماجد : هذا دائماً يعزم نفسه على الناس يجيني هنا آعطيه Onion rings يعني حلقات بصل من جيبي الخاص قال سعود : طيب حنا وذنبنا تخليه يحرق جونا قال waiter ماجد : أنتظروا شوي آعطيكم طلب ثاني << طبعاً على حساب ماجد قلت انا : والله ماتصلح شي وحنا آصلاً عندنا عشاء الليلة الحاصل طلعنا من كودو ونزلني عند سيارتي وكنا على وعد بعد الساعة 10م نروح ننام في المخيم بالثمامة ورحت للبيت وشوي ويآذن العشاء ويجون الجماعة والربع وكنا على وعدنا أنا وسعود ننام في المخيم طبعاً آخذت طربالي Mattress وآمر سعود ونمشي للمخيم ونحصل مجموعة من الشباب ولاهم مصدقين أنا بنام في المخيم والله وننام ونقوم على الفجر ونرجع للرياض وآنزله والكذب خيبه آخذنا كذا تشيييز مع بزوغ الشمس << والله ياله رونق خاص التصوير مع طلوع الشمس وآروح للشيبان مجتمعين في بيت عمي وآجلس معهم حتى الساعة 9 وآتذكر عندي شغله بالربوة وآروح آخلصها وانا راجع على الساعة 10ونص وآبي لي محل وتعديته ودخلت حآرة عشان محلي ولا ذاك الشايب اللي يطق ولده في نصف الشارع وآنزل آفرقهم ومع اني واثق أن الولد هو المخطي بس موب بهالطريقة الطريفة جداً طبعاً هديت من روع الشايب وآخذت معه بلطف قال الشايب : آعيال اليوم مآآآرجين ..مافيهم قلب و.و.و قلت أنا : آذكر الله ياعم وآصبح وعيـّن خير قال الشايب : عقب ماضيع قروشي تقول عيـّن خير..رح عني خلني بآوريك شغله قلت أنا : الولد وشو مسوي بس عشآن تكبر الموضوع وتلاحقه بالشارع قال الشايب : وبدعسه بالسيارة بعد ..! قلت أنا : وش السالفة يابوي قال الشايب : رحت الصبح آشتري ضحايا وذا الخبل اللي وراك راقد << يقصد ولده وشريت لي ضحيتين بـ 2800 << يعني الوحده بـ 1400 وجيت البيت وهو راقد والضحايا في السيارة وآقومه من النوم آبيه يدخلها في البيت لاتسرق ولاخذيت ولا المهبول جايبهن في كراتين << راح بها عـ القصآآب وجآآب الضحايا بكراتين ..تقطيع ثلاجة ههههههه وبس << وش خليت وش خليت |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ذيبان عليك يوم ..حزين مع كوميدي مع مدري وش خخخخ طاب يومك |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ههههههه ذيبان من جد يووم طررفه مع حزين وتقطيع قلب طااب يوومك ويسعد حالك دوووم |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ << ودي احرك الموضوع لا أكثر ولا آقل قمت صليت الفجر وأفطرت وطلعت عالمعهد ولا جيت إلا الساعة 2 وتخبرون زحمه الرياض ماخذتن حقها وبقووه وأدخل البيت ولا حصلت أحد كلهم طالعين للبر " كاشتين" والله وأروح وأتغدى وأدخل غرفتي و أفتح النيت بوك وكنت مخطط أن الجزء الثالث من قصة ضياعي لازم ينزل قبل المغرب بأي طريقة والله والحمد لله ظغت على نفسي ووثقته ونسقته ونزلته وأتمنى أن ينال أستحسان الجميع , ولاخلصت من القصة إلا على وجه المغرب وطلعت أصلي المغرب ورجعت بسرعة لأنني تخبرون عزابي , وكنت على وعد مع زميلي وصديقي الدكتور محمد الحربي مواعدني بيجي يتقهوى وآخذ أعلومه وياخذ اعلومي >> توه جاي من أستراليا ..ما جابه إلا الكرسمس هههه والله وأفتح المجلس وأشب الضو وأروح للمطبخ كان أبي أسوي القهوة قبل مايجي صديقي محمد عفواً الدكتور محمد >> كم أني أحبه عشرت عمر أنا وياه والحمد لله ولا ذا باب الكراج ينفتح آثاريهم أهلي قلت جيتوا بوقتكم زينو القهوة والشاهي والحليب بالزنجبيل والله ويجي الدكتور محمد وسوالف انا وياه لما آذن العشاء بغيته يتعشى وحلف أنه معزوم وهو الضيف ويروح وأنا أروح اصلي العشاء وأرجع ولا ذولا أعيال عمي مبطي منهم << لي أسبوع منهم ونسولف على جال الوجار ولا ذا واحد من الجيران يتصل توه جاي من أمريكا مبتعث وبيسلم قلت حياك انا بالبيت جالس على جال الضوء قال آجل انا عند الباب وأطلع له ويقلط يتقهوى وسوالف ونتعشى سواء ولا راحوا إلا على الساعة 9:30م وهذا انا اللحين توني اتفضى لكم ولمده وجيزة لأن هذه حزة نومي << أنوم بكير وأصحى بكير وخلصت الفزورة بإنتظار أيامكم الحلوة |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ذيبان يسعد ايامك بكل خير شااكره لك ولوجودك العطر انتظركم يالربع ايااااااااااااا ااااااااااااااا ااامكم وين |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ بسم الله نبداء طبعا يووم امس صحينا بدري صليت وقومت شيكا وام همتارو وبسرررررررررررع ه سويت الفطور لولد اختي وحطيته بشنطه وشوي جاه الباص واتفضي لنفسي سريع طلعت التنوره وجهزت الشنطه وحطيت الجوااال عااااام عشان ابو فتحي وبسرعه بشووف شيكا وينها تستشور شعراها واجلس بسرعه وماخلصت قلت استغل الوقت البس الين يجي والا اسمع صوووت الجواااال اشووف ابو فتحي سلاماااااااااات الساعه 6 و11دقيقه بدري وش عنده قلت يمكن مضيع واروح اصلاح شعري وتخلص شيكا والا يدق هلا قال انا عند الباب يوووووووه بسررررعه القط العبايه وامسك الطرحه وسررررررريع نطلع مساكين ذبحه البرد وادخل اعتذر00 ونروح نجيب البيت الثانيه والمدرسه ونمسك الخط وياليل طريق الملك فهد زحمه الساعه 7 والمدرسه الزم تووصل بدري والطريق زحمه زحمه والله نجلس نضيع الوقت نسؤالف وافتح البببسي مرووقه واشووف شيكا الا هي خاااااااااااااا مده قلت اخليها الين نوووصل 7 ونص وش الدبره عندي اختبار بعد نص ساعه وشوي الا نووصل المدرسه داامها متاخره ماعليها تتحمل اليوم ونوصل 7 59واحط عباتي وواحد قهوتي واتقوى واجلس اذااكر الين جاء وقتي وااختبر والحمدالله تماااااااام وانتظر شيكا والبنات وننزل نفطر تحت وشوي يدقوون البنات عندنا محاظره ونقووم احظرها ونخلص االا الساعه 12ونقوووم نصلي وانتظر الباص وجاء 1ورجعت البيت مصدعه 2واحط الغداء ونتغدي واسولف مع اختي شوياات وافتح المنتدي الين اذن واصلي واخمد الين المغرب ويجي همتارو واخوه يقوموني يبون ارووح معاهم بابا سرحااان واعصب عليهم توني قاايمه علي وجيههكم ويجي همتارو ويجلس جنبي عطفت عليه وقلت طيب واروح المطبخ اشووف اختي تقطع ابطاطس واخذها منها وكملته وخلصت ووديتهم ورجعت بعد العشاء واحطيت العشاء وجهزت اغراض ولد اختي للمدرسه وادخل المنتدي وبعدها نمت نوومه قشره كلهااااااا كوابيس وذياب وعقارب تجيب الهم واقوم امن 2 جالسه اتذكر ايش متضايقه منه وجايب لي النكد وعرفته اخير الين اذن الفجر قمت صليت وقومت احلي واناظر شيكا بتدومين قالت مدري انتي بترووحين قلت لا قالت حتي انا وادق علي الباص لا تمرنا اليوم وافتح المنتدي والحين معااااااااكم واختي بجنبي تتحسر علي حال الناااااااااااا اااس وسلامتكم |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ~ طاب يومك ~ والله قمت عـ الفجر وصليت ورجعت وثم آخذت شوّر عـ هالصبح والبرد ورجعت آحمل مقطع صوتي << مسكّت على تحميل ثم لبست ورتبت غرفتي وطلعت آفطر وآطلع من البيت على الساعة 7:35ص وتخبرون خريص مزدحم إذا ما طلعت الساعة 7:00 ولا مايمديك توصل بدري لازم تتآخر وانا ما آحب التآخير بطبيعتي آحظر قبل الدوام بربع ساعة إلا مرة وحده تآخرت وجيت على الدوام بالضبط <<نرجع لمحور حديثنا وآحمي السيارة وآطلع مع الدائري الشمالي طبعاً نقطة الإنطلاق الشرق ونقطة الوصول الشمال وآمسك الدائري من كوبري المزاد حتى طريق التخصصي وسيده عـ المعهد وبفضل الله وتوفيقه آمشي على تعليمات الرائد أبراهيم بن محمد ابو شرارة مدير قيادة مركز التحكم والإشارة بالمرور الرياض عبر برنامج بك أصبحنا << من المتابعين وبعض المرات آشارك معهم ..إذا كان الموضوع يهمني وهذا آنا اللحين آراسلكم من اللاب بعد المحاظرة الآولى وحالياً بريك لمدة نص ساعة وطبعاً الدكتور يبي يحمل مباراة مصر وغانا وطبعاً أنا ما آفووت البريك طوااااالي مجالس الرويضة وبس وهذا يومي إلى الآن تحياتي الحارة لكم |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ اقتباس:
اول شي .. طاب يومك .. ثآآني شي اموووت على البرنامج تبع المرور برنامج رااائع سبحان الله البرنامج اللي انت تحبه هو البرنامج اللي آآآخذ اعجابي ومتابعتي مافيه احد قد الرائد ابراهيم ابو شرار ه انا من المعجبين في البرنامج علشانهم يسضيفونه الف شكر |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ طابت ايامكم بكل خير وتنور الموضوع ذيبان ولا يهنون الباقين بيامكم الحلوه راجعه اسدح اياامي بس اكب الرز |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ أنتظر اليوم على آحر من الجمر << أغسل الرز زيـــّن |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ بسم الله نبداء من يووم الاثنين اروح الصبح المعهد واجلس اذاكر الين الساعه 8وربع واطلع للقاعه واجلس شوياات وتجي اوراق الاختبار احل اول صفحه واخر صفحه وبجي الورقه الاخيره والا جوالي يرن ويهز ياليل وش السالفه واطنش والمره الثالثه والرابعه الا قلت اشووف مين الا تاج راسي اختي وش الموضوع وشوي تجي رساله وافتح (عظم الله اجركم واحسن الله عزاكم والله يصبركم ويصبر اهلها 000؟ طبعا تعجبت واستغربت وتشوشت الرساله من بنت عمو وش الموضوع مين ماات وليه اختي تدق وارسل لها وشو فيكم (طبعا هو ممنوع الجوال في القاعه بس الحاجه ام الاختراع وترسل اختي مو شي بس اخلصو واخوكم عند الباب المعهد انا رايحه لجدااااااااااان ي هنا عرفت الوضوع والله واخلص واطلع وامر ع شيكا خلصت وطلعنا والحال حاله الين 12 اليل ونرجع ابناااام ماقدرت واجلس الين 5 الفجر واخذ غطه الين 7واقوووم ونرووح لهم ومارجعت الا 7 العشاء مصدعه ومالي نفس اذاكر وروح اخذ دش بارد اواشرب شاهي وامسك الكتاي الين الفجر واصلي والبس واقم شيكا واروح المعهد وابسرعه اختبر طبعا جبت العيد اليوم وارجع للبيت ابي انام اشووف اختي وينها مالقيتها وتدق علي عند اهل امي وقت ركبت الغداء رغم انها رافضه تبي اناااااااام بس مااحب من براء وهذ انا معكم مواصله ودايخه انتظر الغداء ينتهي واحطه والبس واطلع وفقط الكل من توااجد هنا اتمني الدعاء لها ان يغفر لها ويجمعنا بها في الجنه ودي |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ وهج السهول اللي توفت بنت خالتك اللي مسويه لها دعاء في توقيعك ؟ الله يرحمها |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ الله يرحمها.. |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ اقتباس:
ايه نعم بنت خالي الله يرحمها |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ وهج السهول هذا اليوم جدا متعب وان شاء الله زاال البأس وصبرٌ جميل وغفر الله لميتكم والله لا يحرمك الأجر ويوفقك بالأختبارات |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ اقتباس:
اقتباس:
الله المستعان والله يصبر اهلها وعيالها اما الاختبارات لا تذكرووني شكلي جبت العيد 2 دقو علي بوسط الاختبار وماعرفت اكمل بس انشاء الله شاااااااااااكره لكم من القلب التوااجد والمواساه والله يحن خواتمنا انتظر ايااااااااااامك م |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ الله يرحـــمها |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ حياكم الله ... بالنسبة ليومي فهو .. طبعاً تخبرون أمس الربوع وتزين الطبوع صليت العصر وآروح للمشى يعني الساحة البلدية << من بعد صلاة العصر حتى قبل المغرب بـ 10 دقايق على شكل يومي طبعاً رجعت قبل المغرب وآخذت شوّر وطلعت آصلي المغرب ورجعت وتكيّت على النت حتى آذن العشاء وآطلع أصلي وآرجع وآجلس مع حلوة اللبن ماما وآستلمها بالخريط << قصدي السوالف هههه وآطلع آجيب مقاضي للبيت وآرجع على الساعة 9وعليها وآدخل غرفتي والله لا يوريكم مليااااانه نامس << والله ياهو لعب في بشرتي وآقعد آقرأ كتاب ولا قدرت آكمل من النامس قعدت تقريباً ساعة وطلعت << طردني النامس من غرفتي هههههه وآطلع من البيت والله ماعندي وجهه معينه وآحصل واحد من العيال قال عندك شي قلت لا قال آركب << عاد أنا آدور من يرد الصوت خخخخخ ويروح لمطعم ويتعشى وانا ما تعشيت طبعاً هو شبع وفسق ونطلع من المطعم و ويفقع راسي بالخريط والسوالف << كما تدين تدان آخرط على آمي ولقيت من يخرط علي وتدق علي أختي وتشتكي لي معاناتها وتقول أن زوجي راح للبر وانا لحالي في البيت ومقفلتن البيبان وقاعدة الحالي تكفى تعال قلت أفاا والله أبشري من بيجيك وينزلني خويي واركب موتري وأروح لأختي في بيتها ولا طلعت منها إلا على الساعة 11م و كأني دخت << ابي النوووم وعاد ودي أسهر << يعني أواصل للفجر ولا ادري وش أسوي قلت خلني اطلع أشوف الأجواء برى وألف الحارة وآحصل بيت آعيال عمي مفتوح وفيه ولد عمي الله يشفيه << جايه مرض الوجه وعنده أخوه ونسيبه , قلت أدخل ولا ما آدخل << خايف يكون عندهم برزة << موضوع خاص الحاصل قعدت عند الباب شوي وبعدين دخلت عليهم وآكتشفت فعلاً أن عندهم موضوع وانا داخل مايمديني أتم دقيقتين ويطلع ولد عمي الكبير وين يا فلان قال بروح ارقد ويوقف نسيب ولد عمي << مسوي انه بيطلع وهو يبي ولد عمي والله وأطلع أنا وآخليهم ويوم جيت اركب موتري وآحصل أعيال الجماعة الصغار مجتمعين في بيت آحد الجماعة وينادوني يبون آزين لهم الكمبيوتر والله وآضبط شغلتهم وآطلع منهم << تراي قعدت تقريباً نص ساعة ونسيب ولد عمي ماطلع يعني الموضوع مهم جداً والله يوم شفت الجوء هادئ ولا فيه آحد يرد الصوت قلت بروح أرقد << الآن الساعة 12:30ص وآنسدح ولا جاني نوم ولا خذيت إلا الجوال يدق هو ذا جوالي معقولة فيه أحد صاحي ولا هو المصلحجي أبوتركي - ولد ولد عمي << يدق علي له فترة طاير بي ولا آدري وش يبي بالضبط وآرد عليه يصجني شوي قال أنا ابي النوم ولا جاني نوم وآخواني رقدوا وانا عندي شغل الفجر وإن رقدت ماقمت ولا آدري وش أسوي , قلت طيب وش المطلوب مني اللحين قال مدري ههههههه ولا آقولك وش رايك نروح نمشي أنقطّع الوقت ولا نروح للأستراحة نسبح ولا وش رايك انا طفشان أبي أضيع وقتي قلت والله يافلان بالنسبة للمسبح آختيار غير موفق موب وقته وبالنسبة للممشى بصراحة رجولي متكسرة اليوم ولا فيني من مشى << من اليوم أبي من يرد الصوت واللحين قعدت اتغلى عليه قال طيب وش رايك نروح نرقد عند الأبل قلت منت مضبوط اليوم قال أنا طالبك أن تطلع عند الباب اللحين قلت يالله اللي تبي يا ذا المصلحجي عشان أبوك ولد عمي طبعاً الساعة 1:10ص وآقوم من الفراش وآلبس بدله قلت آصرف من الثوب وآسهل في اللبس بعد وافتح الباب ولا هو مرتز عند الباب << يعني واقف عند الباب تقول خفير وآتفقنا نروح نمشي في آستاذ الملك فهد الدولي وناخذ لنا لفة تقريباً 2 كيلو رايح و 2 كيلو جاي ونرجع للبيت وآنزله على الساعة 2:30ص وآروح للبيت وتمسك معي على تغسيل السيارة وفك وربط << أبي آضيع الوقت لأنه مابقى شي على الصلاة والحاصل جلست لما آذن الفجر وآصلي وآروح آخمد << قصدي آنوم .. ياعيني يا آهل الرياض وآقوم على الساعة 10ص وآفطر وآجلس مع حلوة اللبن ماما حتى آذن الظهر وآصلي الظهر وآرجع وآتكي على النت لما آذن العصر وآصلي وآرجع وآخذ أمي وآوديها تقهوي زوجة أخوي جايها مولود وأنزل أمي عندهم وآروح لولد عمي اللي جايه أبو وجه وآقعد عنده حتى قبل المغرب وآمر آمي ونرجع للبيت وآصلي المغرب وآرجع . وهذا أنا أكتب لكم اليومي اللي عجزت آخلصه وهاهو آذن العشاء وأنا طالع آصلي وطابت أيامكم |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ يووه يا ذيبان يوومك حوووسه وطلعات وجيت طاابت اياامك والله يخلي لك الماما |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ اقتباس:
والله يخليك لكل عين ترجيك |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ طابت ايامكم ياالغوالي ننتظر ايااااااااااااا مكم ودي من القلب |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ بسم الله رغم اني حابه اشووف اعضاء جدد ينورون الموضوع ويشرفوني0000 طبعا نمت كالعاده علي 12 بعد ماسمعت كم انشووده تقطع القلب وبعد معناه من صووت شيكا وام همتارو وهم يسولفون غمضت عيني وشوي علي الساعه 1 وربع افتح ذبحني الحر يكااااااافي والمكيف مسكر والمروحه مسكره وش بلاكم قالو بررررررررررد واقوم اشغل المكيف http://aqarcity.org/up08/images/arx1228665795i.JPG وارجع المكااني وتقوم اختي السبيره تخمد وتسكر المبه وتقووم الست شيكا وتجلس تثرثر عند راسي يامال الرجه ترجها وماسكتت الا 2ونص ونامت ويووم جاء الساعه 4وتقوم ام همتارو وترجنا معها وههههههههههج طبعا قمنا احتراما والمهم وقت صلاه يعني غصب بقووم واخبط شيكا وننقز نصلي بعد جهد من تفتيح العينين وبجي بخمد الا اختي قوووووومي سووي سندويش لولدها وجهزي شنطته وافتحو الباب نتسحب الي المطبخ واسووي السندويشه http://www.qatargallery.com/arabic/d...52sssssopy.jpg و http://up.arab-x.com/July09/m1V23744.jpg واحطهم بشنطه وتوني برجع مكاني تذكرت الباص ماقلت له لاتمر لنا هالاسبوع واقوم ادر للجوال وادق ومارد ياليل وانتظر الين مارد وجيت بحط راسي وتقووم شيكا وام همتارو يسوالفون وماسكتو الا بطلعت الروح علي الساعه 7 والله واحط راسي ويووم جت الساعه 10 ويدق اخوي الباب واسوي نفسي ماسمعت طبعا باب الشارع ناسي المفتاح الاخ ويدق جوال وتقوم ام همتارو وهج افنحي الباب واطلع معصبه مفقوووووووووع سبدي وفتح وابي انااااااااام ماقدرت قلت يابنت قوومي افتحي النت شووي ودخلت والا الساعه ونص وقمت جهزت الفطور وقمومت المزعجات وفطرنا وقمت رتبت البيت وطبخت الغداء ورجعت لنت الين خلص الغداء وحطيته ورجعت لنت الين لاذان وصليت وجيت لم اخوي فلان ابي اروح السوق 0000 قال---وش تبين ابي لاب كووت--- وشو؟ طبعا تورطت كيف افهمه حق المستشفي قال ايييييييييه ثوب ابيض قلت ايه قال00جاهز اشتري لالالا ابي افصل بمزاجي قال طيب واروح انا وشيكا وهمتارو مريت محل الحلي واشتريت حلي لختي ورحنا اشترينا جزم اكرمكم الله ورجعت راسي شيكا وهي ذا والا ذاك احلي وطلعت بعد ماطلعت رووحي ووصلنااااااا محل القمشه ويدق ولدخالي الووه هلاااااااارحب وينكم في السوق وانت في بيتكم ويطييييييير اخوي يالله مشينا الرجال في البيت ويطلعني واعصبب عليه ويقوم يحب راسي ويوعدني بعد المغرب يوديني وارفض واركب وانازعلانهوارجع واسوي قهوه واشرب الين ماتخدرت وياذن المغرب واجلس ع التلفزيون واسوالف شوياااااات بالجوال ويحطون العشاء ونتعشي وافتح النت وبس وسلامتكم |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ طاب يومك وهج بس على كذا وين اللي يدرسون واللي يطبقون << تراي ناشب |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ وايااااااامك بكل خييييييييير زكيف مافهمت ولاااااااا لاتذكرني بنطبيق قلبي ميت خوووووووووف بيكون باذن الله يوم الثلاثاء اول يووم تطبيق وماخذه هم وش كبررررررررررررر رره |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ههههههههههههههه ه وهج ابرك خررررب عليت ولد خاالت هع |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ تضحك هااااااااااه ايه والله خرب علي وفاقع سبدي بس عناد فيه ماسويت له قهووه |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ههههههههههههه زين انت مطلعتي تهااوشين معه |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ و00000000000000 00000؟ وشو مافهمت |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ مارحتي بعد المغرب لاسوق<<< وش دخلك |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ هههههههه حااامل المسك والله الدخله |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ اقتباس:
لاوالله ولدخالي نشب ماطلع الين ماتعشي بس باكر من الصبح انه يوديني وهومايشووف الدرب |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ اخس القوووويه هع |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ اكيييييييييد سهليه لزم اكون قويه اقول سلطان يااخوي دامك نفرهنيا وش رايك تسدح يووومك ؟ |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ كفوو والله السهليه اذهب الى المدرسه وطلع منه ورجع الي البيت وتغدا وناااااام وكوووم العصر واروح العب كوووره الي صلاة مغرب انصلي وروح البيت وتكي على الكبيووتر الي 1 الليل |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ بس000سبحان الله اصغريووم في حياه كائن حي طاااااااااااااا ااااااااااااااا ااااااااااااااا اااااااااب يوووووووووووووو ووووومك |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ حياكم الله خلوني عاد أعطيكم نشرة جدولي اليومي من يوم الثلاثاء حتى الآن صليت العصر ورجعت بسرعة كان عندي إجتماع عـ الأيميل مع أحد الأشخاص الطيبين أن شاء الله والله أنتظرته وتآخر علي ومسجل عندي بالنوتة موعد أسنان لأهلي قلت ورى ما اوديهم بدري وآخلص والله خذيتهم وأنا رايح للمستوصف جاني اتصال من زميل لي يقول أن عندنا موعد بعد المغرب قلت والله يافلان ما آذكر بس وش الموضوع ويقعد يفصفص لي الموضوع وآخيراً تذكرت قلت خلاص على موعدنا إن شاء الله ويوم خلصت من المستوصف وأنا طالع ويجيني إتصال من آغلى ناسي << تراه عضو معنا قال : انا عازم الشباب في ذاك المحل [ الخرارة ] ونبي خوتك قلت : وآهدى << يعني تم إن شاء الله << طبعاً نسيت موعدي مع زميلي , لأني ما سجلت الموعد بالنوتة والله وأنزل أهلي بالبيت وأحرك واصلي المغرب بالطريق وأكلم واحد من اعيال عمي اللي لهم بالعين رحمه << بإذن الله أعطيكم سالفته بس بعدين لأنها تضيق الخاطر واكلمه بالجوال.. قلت : وينك قال : عند جدي << جده طاعن في السن وطريح الفراش قلت : انا معزوم عند أخوياي وأبيك تخاويني قال : عطني 10 دقايق قلت : أنا بالطريق ولا تتآخر علي تكفى قال : طيب طيب أنا بكلمك << عنده خواله وجدانه ومستحي يتكلم قدامهم ويوم خذيت لي شوي ويدق علي وأواعده عند ذا المكان ويجيني ويلبق سيارته ويركب معي ويوم وصلنا طريق الملك فهد ويدق علي المعزب قال : وينك قلت : مقبل على طريق التخصصي قال : يالله انا وراكم << أمحق معزب هع هع ونسولف أنا ورفيقي ولا حنا مسرعين نمشي على مهلنا ويجيني إتصال من أحد المدعوين للكشته قال : وينك قلت : أبد توني متعدي الجسر المعلق قال : طيب ممكن طلب قلت : آمر قال : أرجع لي في أم الحمام << على أن ذا الحي نآيم بس في الغآلين قلت : عيوني لك من عندي غيرك بس قال : تسلم أنا بإنتظارك قلت : مسافة الطريق والله ونرجع ونصلي العشاء بمسجد الشيخ راشد السهلي ونطلع للشباب وناخذ آثنين منهم << كلهم اعضاء عندنا ونروح ونتعشى ونعين من الله خير ولا رجعنا إلا الساعة 1:30 بعد منتصف الليل وآرجع لأم الحمام وأنزل الحبايب وأروح لـ حي المروج وأنزل واحد نفر وأروح طريق خريص وأنزل صديقي عند سيارته << صرت مناحي على غفله وآغط لي غطه حتى آذن الفجر وأصلي ويطير النوم وأجلس بالمجلس و على النت لمآ الساعة 8:30ص طبعاً قد أفطرت وعينت من الله خير وبدأ راسي يلعب بوووش << دايخ أبي أنوم والله واروح لـ غرفتي وأسدحها نومـــه حتى آذان الظهر وأقوم وأصلي وأروح عندي أجتماع مع مسئول في حي الملك فهد ولا طلعت منه إلا 1:45م طبعاً دايركت على مستشفى قوى الآمن عندي كمان أوراق في المبنى الإداري ولا حصلت رفيقي اللي أبيه << يوم أربعاء ليش مايفرك من الدوام وأرجع للبيت قبل آذان العصر بنصف ساعة أتغدى وآغير ملابسي وألبس جواتي المشي وأروح للساحة البلدية وأخذ لي كذا لفه تقريباً 6كيلو وبصراحة تعبت وقلت خلني آجلش شوي وبعدين أكمل المشي وآجلس بالأرض ومتكي على الضغط العالي << كيبل كهرباء واسمع ذيك الحرمة اللي تلعب ولدها وتبي تصورة صورة حلوة كيوت على قولتها وأرفع راسي أقعد أناظر في الولد وينحاش الولد من أمه مدري أخته ويوقف بيني وبين ذا الحرمة وتقعد تصورة طبعاً أنا بصراحة بديت أشكّ هي تصور ولدها ولا تصورني بس بصراحة الولد حبوب ومملوح تقول أمه سمآآيل ويقعد يتشقق ضحك وبعد الصورة يقول لأمه ماما كيووووت صح وعاد انا دوروني ميت ضحك على ذا الولد وأقوم أكمل المشي ولا قدرت أكمل قلت اخاف تصورني بعد ماني ناقص بروز إعلامي واركب سيارتي وأطلع لـ البيت ويوم وصلت البيت وتدق علي أختي تبيني أجيبها عند أمي << هي في بيتها ولا جنب الساحة البلدية والله وأرجع لها وأخذها وأنزلها عند أمي وأخذ شوور واصلي المغرب وبعد الصلاة جيت بدخل البيت ويدق علي واحدن موب مشبب قال : وين دار الوكالات فيه قلت : انت وينك قال : أنا محرك بلحق على وكالة أكسيوم قبل مايسكرون قلت : تمام آجل بروح أنا وياك عندي جهاز بوديه بعد قال : اطلع عند الباب هذا جوال بنت عمي سوني اريكسون w880 قاعده تشحنه وتجي لجين بنتها وتكب عليه كاس موية وبنت عمي مادرت عنه ويوم جت تفصله من الشاحن لـ الكاس منكب والجوال طافي وتسأل لجين قالت لجين : أنا كبيته وترى انا ياماما آسفه << عاد أمها تقدر ذا الموديل ولا تبي نوع ثاني وتنحاش لجين من أمها قالت لجين : عمو أنا أحبك قلت : أجل والله ما حد يلمسك دامك تحبيني يابنتي وآخذت الجهاز وقلت والله مايصلحه إلا أنا << ويقعد عندي له 3أشهر ماصلحته ناسية والله والله ونروح انا وخويي وندخل البقالة قال : وش تبي آجيب لك قلت : زيك قال : أجيك لك عصير طماط قلت : دامها كذا جب لي كيكه نحول قد ماتقدر قال : والله نحول حلوة ...ونزل ويوم رجع الولد قال : والله مالقيت إلا حبه وحده وأخبرك نفسك عزيزة ومدري وشلون يبي ياكلها ذا الدوب << صارت الدعوى هياسة قلت : خلاص أنت أركب وخلنا نلحق على الوكالة قال : يالله مشينا وحنا في الطريق قعد يسولف بالجوال و أنا طقني الطفش منه ومن سوالفه البايخة وأسحب الكيكة وآكلها بالعافية ويوم خلص من المكالمة أشوف يده تلمس مكان الكيكة قال : أنت ســـفـــيتها << يعني أكلتها قلت : أدري أنك بتقول بالعافية صح قال : إلا سمٍ هااااري .. يومك تاكلها ليه قلت : أش ماتنفخ على عمك ويختلط الحابل بالنابل والصوت ارتفع طبعاً كلن زعل على الثاني وأنتم أحكموا عاد وأنروح لـ للوكالة ونحصلها مسكرة انتهى الدوام ويناظر فيني وهو معصب خشمه كبر الدله ويجيه إتصال من البيت ضروري اللي فهمته أن الرجال مستعجل عاد اللحين أجتمعت زعل + حالة مستعصية + سرعة جنونية وعاد انا ما اقدر أقول شي وأربط حزام الأمان وأتشهد وأخليه على كيفه حتى راحت سكنيتة ويوقف يعبي بنزين وأنزل أجيب كيكة نحول وأحطها في مخباتي ويوم جاء يحاسب صاحب المحطة طلعت الكيكة وحطيتها مكان الأولى ويزمطها << يعني يزرطها << يعني يآكلها بسرعة << يعني بشفاحة هههههه ويوم كلاها وألتفت عليه واقول لعنبو دارك اللي يزعلك كيكة واللي يرضيك كيكة .. أمحق رجال وينزلني في البيت وأروح وأخليه والله إلا الآن و أنا شايل عليه وطبعاً نمت على الساعة 10:30م << دايخ وآصبح اليوم على الساعة 8:00ص وأفطر وأعين من الله خير وأروح للمكتب وأختم كذا ورقة وأرجع على الساعة 8:45ص وآطلع لـ بيت عمي آخبر الشيبان عند كل صبح وأروح وأجلس عنده وسوالف حتى جاني إتصال على الساعة 10:12ص من مكتبة جرير يفيد بإنعقاد إجتماع بعد المغرب قلت لا انا جاي اللحين الموضوع ضروري طبعاً دخلت قاعة الإجتماع على الساعة 11:00ص وأنتهاء على الساعة 11:36ص وأتفقنا على إجتماع بأحد فروع المكتبة على الأسبوع القادم طبعاً رجعت البيت وجلست مع أمي حتى آذن الظهر وأصلي وارجع وعلى النت حتى الآن . وخلوني بعد اعطيكم وش عندي ذا الليل بعد صلاة العصر بودي اختي لـ السوق وبرجع أحمل آغراض مع اخوي طبعاً انا بنزل في معارض النسيم للسيارات وأخوي بيروح للمخيم << تونا حاطين مخيم في مرحلة التجهيز وبعدها أعتقد ماعندي أي إرتباط إلا إن كاني ناسي بس النوتة فاضية من بعد المغرب وهذه نشرة موجزة من يوم الثلاثاء بعد العصر حتى يومنا هذا الخميس قبل صلاة العصر بـ 16دقيقة حسب توقيت الرياض |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ذيبان \رهيييييييييييي ييييييييييييييي ييب جدا يوميات فيك رهيبه واهم شي انه سكت بعد الكيك نحله يسعدك ربي فطستني ضحك |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ ههههههههههههههه هه ذيباااااااااااا ن والله الرووووحه الشينه مع ابوو كيكه |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ مسائكم سكر على قولت أبو نواف الشجاع يكتب حبيت أكون الثانيه ؛ بتكلم عن يوم الأربعا لأنه بنسبة لي حلوووووو >< كذ إبه طبعا الساعه سبعه ونص صحيت ولبست وكشخت ورحت الحامعه كان الحو خيال كان عندي ثلاث محاضرات وطلعت الساعه أربع << بختصار بعدها راحت البيت طبعا أهلي ساحبين على وتغدو وتركوني »« مسكينه هههه مشيت حالي بأندوممي بعدين راحنا نتسوق أنا وأهلي بعد المغرب ذهبنا إلى الكورنيش إلي الساعه ثنعش وتفاجانا بأنا خالي سيحضور إلينا »« الله يشتر على اللغه العربيه. هعهع أكيد نضفنا البيت من >؟ < عشان يكون مرتب وصل خالي الساعه وحده بعدين تجمعنا حنا البنات وفليناها إلي الصباح أسفه للإطاله ودمتم سالمين |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ طاااااااااااااا ب يومك يا الغلا والله وتشرفين وتنورين الموضوع غلاتي |
| الساعة الآن 05:07 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..