وش اسوي اروح والا ما اروح !!!

#6 (**permalink**) 08-09-2007, 03:17 PM

الماسة الله يعافيك

واعتقد أخي عازف أنه على حق يعني ياليت تهتمين شوي بالامر ولا تقعدين على ذا الحال

دمتي بخير

#7 (**permalink**) 08-09-2007, 03:42 PM

هاه بشري عسى الأمور زينه الحين ..

ولاتزعلين ياقلبي انا بنت عمي كانت نفسك وكانت تمنعنا ندخل بالجرم وانتي بكرامه ببيتهم يعني ندخل من باب الشارع نشيل الصندل على طول بعدين تطورت المشكلة معها حتى وصلت للوضوء..

يعني تعمل الوضوء ثلاث مرات واحياناً يطلع وقلت الصلاة والسبه الوضوء
في البداية طنشتها والامر عادي شوي شوي تتتطور الحاله تدرين وش صرت اسوي لها ..

الأشياء إلي تطلب إني اسويها ارفضها يعني صرت ادخل البيت بالصندل وما آشيله
لانه الوضع معها تطور وصرت اوقف على راسها وهي تغسل للصلاة ..

بالبداية انا تعبت معها كثير وهي كمان تعبت مني .. احياناً لما اقولها لاتعيدين الوضوء
تجلس تصارخ بوجهي .. ومرت ايام كرهتني لاني اخالفها بس ماعلي منها ..

وصرت اوقف على راسها وهي تغسل وتصلي هي جت ايام مانصلي إلا سوى
وانا ادري انها تبيني اشوف صلاتها وكيف تسوي الوضوء

بالنسبة للوضوء كثير ايام تترجى انها تعيده من 5 إلى 8 مرات بالوضوء الواحد
بس انا ماعطيتها وجه واخليها تغسل كل الاعضاء 3 مرات ولما تنتهي من الوضوء
اقولها خلاص يالله نصلي تقولي بعيده قلت خلاص انتي غسلي 3 مرات>> بصراخ طبعاً

وكمان حاولت اشغلها ما آخليها بروحها علشان ماتفكر شوي شوي راحت عقدة الوضوء
بعد معاناه 3 شهور وصرت عادي ادخل بالصندل ببيتهم>>حرام طيب صندلي جديد

وبصراحه يبي لك وقت لاني انا عانت كثير مع بنت عمي والحين الحمدلله رجعت عاديه ..
ورجعت المياه لمجاريها ..

وللعلم المشكلة معها بدت عاديه وشوي شوي تطورت ..
اني خلي اهلك يساعدونك او اختك بدال ماهم شاطرين يحطمون ..

ياليتني عندك والله كان شهر بإذن الله وانتي زي القشطة ..

طمنيني عن الوضع وإذا احتجتي شيء انا بالخدمه ياقلبي ..

#8 (**permalink**) 08-09-2007, 11:00 PM

ماراح اقول اكثر من الي قاله محمد وعازف كفوو وفوو

ورايي من رايي عازف عليك مراجعه طبيب نفسي وصديقيني يالغلا

النفسي مو عيب او مافي احراج اذا كان هذا الشي راجع لي بمصلحتك

وكلام الناس مايخلص ولو بتخافين من كلامهم وكذا ماراح تسويين شي

وماراح تغيرين من حالك ويالغلا موب لازم اذا بتروحين المشفى النفسي

يعرفون صديقاتك او اي احد تعرفينه خلي العلاج سري بينك وبين اهلك بس

لانو اذا استمريتي على هذا راح تطور حالتك اكثر اكسري العصا من الوسط

واتكلي على الله وراجعي طبيب واعطيه حالتك وشوفي شنو يقول لك

وشنو تحتاجيين عشان تتغلبيين على هذا،،

هذا الي اقدر اقوله لك واكيد لما تقررين انك تروحيين روحي وانتي

مقتنعه ورايدهـ انك تروحيين وتكوني على ثقه انو لما تروحين تتقوليين اكيد راح اتعالج

وراح اتخلص من الي انا فيه عشان تستجيبين للعلاج واهم شي اهي الارداهـ

ارادتك كفيله انك تتغيرين وتتحسن حالتك الى الافضل،،

ماتشوفين شر يعطيك العافيه،،

وفا

#9 (**permalink**) 09-09-2007, 02:05 AM

الله يعطيكم العافية

أشكركم على كلامكم المشجع ..

والناس مايعلق في ذاكرتهم الا الاخبار السيئة ومشاكل العالم .. ومستحيل مع الوقت ينسونها الا بيذكرون الشخص بمشكلته ..

والله يعيني لين الحين وانا مترددة ..

لو انا ضامنة ان الجلسات راح تكون حكي ونصائح بتشجع وبروح ..

بس الخوف أنهم يصرفون لي ادوية ساعتها احس اني بستخف وان مشكلتي خطرة صدق ..

طيب انتم وش رايكم تشوفون تصرفاتي طبيعية او لا .. ؟

#10 (**permalink**) 09-09-2007, 02:25 AM

الماسه الحساسه

اختي الغاليه

انا ماعندي خلفيه عن الامراض

ولكن يالغاليه الي اشوفه انج تستشيرين

ناس مختصه يعني مافي عيب ان نروح لطبيب نفسي

اذا كان العلاج بعد الله عنده ...ولا عيب ان نروح له

والله يوفقج ان شاء الله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فتات قالت لسودني يا اسود فأنظرو بما اجابها؟؟	محمد	حكايات من الوجد	8	11-10-2009 01:29 PM
اسود وابيض	سمو الاحساس	لُغَة الصور .. والكاريكاتير الساخِر	20	18-09-2009 06:19 AM
[تنبيه] أما كلي أجي او اروح بعزتي كلي ..	النمله المتمرده	مرفأ البداية وروح التواصل	23	30-03-2009 04:49 AM
تعالوا اشوي الشيطان يبيكم.	مهرة النسيان	روحانيات	7	10-09-2007 08:54 PM
الشرقية والا جدة؟	سيوف	منتدى السفر والسياحه	33	08-04-2007 01:58 PM

وش اسوي اروح والا ما اروح !!!

الوقاية خير من الف علاج