مجالس الرويضة لكل العرب - عرض مشاركة واحدة

#4 (**permalink**) 08-09-2007, 08:48 AM

اولاً اشكرك أخي محمد وعازف على التفاعل مع مشكلتي ..

واولاً : مو وحام لاني بنت ..

ثانياً : من كنت صغيرة وأنا حريصة على النظافة بس لي كم سنه وانا أشك في نظافة الناس كلهم احس انهم وسخين وكلهم جراثيم ومعدين ..واحس انهم بيعادوني بمرض وفعلاً احس مره كبدي تعورني مره بطني مره راسي .. ولا يطول الوجع ربع ساعة بالكثير ولا عاد يعورني شيء .. واحيانا احس اني انا متوهمة المرض ..

ثالثاً : ما قد شفت مشهد مقرف حصل قدامي عشان أقول أن مشكلتي ردة فعل للي شفته ..

أن احس عادي مو مشكلة بس اهلي كلهم يقولون أنتي موسوسة ولازم تروحين لدكتورة قبل مايزيد معك الأمر .. واول ما كنت اعبر كلامهم واضحك عليهم .. بس من كثر مايزنون على راسي ويثبتون لي مواقف كنت اسويها احس فعلاً ان تصرفي موطبيعي .. فمثلاً لو بسلم على أحد ادخل يدي جو الكم عشان ما المس يدينهم .. وبعطين اروح اغسل الكم .. وغير كذا مستحيل آكل طبخ بيت واذا اضطريت انا اصلح لنفسي , وأن كنت في مطعم لازم أقابل العامل حتى يخلص طلبي , ولو اضطريت أكل من طبخ أحد أجلس انبش في الصحن واشم الأكل وإذا تاكدت أن مافيه حاجة اكل بعدين أجلس دقايق وافكر وأقول في نفسي وشلون أكلت أخاف اللي طبخته مالبست قفاز ولامسه الاكل بيديها .. وبعدين أحس ان بطني يعورني ويصدع راسي ..
و لما ابغى اغسل مثلاً كاس وما حصلت ديتول ما أشرب لين اشتري ديتول واغسل الكاس واشرب ..

صح النظافة كويسة بس احس بزيادهـ وايقنت الحين ان عندي مشكلة ..

بس المشكلة الاكبر اني ما تقبلت فكرة اروح لدكتورة نفسية .. وش يقولن عني الناس اللي يعرفوني لو درو .. وخصوصاً انهم يعتبروني شيء كبير .. اخواني وخواتي بيعايروني ان رحت .. وغير كذا مركزي العلمي .. واشياء كثيرة ..
هذا اللي متعبني ..