| |
04-07-2012, 11:05 PM
| |||||||||||||
| |||||||||||||
بعض القصايد لعن ابو بعض القصايد كان مافيهـا حـلا ما تـروح الا و تتـرك للحنايـا جلجلـه تبتدي مثل المزون اللـي تسولـف للكـلا و لا خذت قامت ترزّم مثل شهـبٌ منزلـه فوق صدر الشاعر اللي عن طواريقه جـلا لين شاف اخت القصايد بالقصايـد مقبلـه يا هلا ب اخت القصايد كثر شوقي يا هـلا اقلطي بين الحنايا وافهقـي جمـر الولـه كل ضلعٍ من ضلوعي حافـظٍ درس الـولا مثل حفظك للعفاف و للشرف يـا مذهلـه سولفي كذا السوالـف تنسمـع و الا فـلا وان=بغيتيني اسولف .. اسألينـي اسئلـه اسأليني وابتديهـا .. بالنهـار اللـي تـلا ليلة ان الجرح يقرا في الضلوع البسملـه واسأليني عن زماني كم شرب فـيّ وكـلا انتهي من مشكله والقـى وراهـا مشكلـه المشاكل بهذلتني فـي غيابـك ... والبـلا ما لقيت اللي احط السـر عنـده وازهلـه كل مااسمع (كيف حالك) ينقبض جفني على دمعةٍ تبغى تقول الحـال دمـع و مهزلـه وابلع العبره واقول : بخير والهـم انجـلا و آخر الهرج آتلعثم فيـه وانقـض أولـه ليه غبتي .. ليه غبتي وانتي اللي ما مـلا عيني الا همس صوتك في زمـان البلبلـه ياه شفتي وين راح البال بالشعر وسـلا ؟ قمت اعااتب فيك وانتي ف الضلوع مـدلله لنّي ماصدّقـت نرجـع للقصايـد والغـلا بعد ذاك اليوم يوم اجنبت وانتـي مشملـه ايه ماصدّقـت لكـن ياعسانـي مـا خـلا قلطي بين الحنايا وافهقـي جمـر الولـه
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| كل القصايد تنحني عند رجليك | سمو الاحساس | صهيل القصيد | 2 | 23-06-2012 08:07 PM |
| لعن ابو القصايد | سمو الاحساس | صهيل القصيد | 4 | 20-04-2012 11:32 PM |
| علموه أن (القصايد) فـــي غيابــه تتبعـــه | The King | صهيل القصيد | 3 | 18-12-2009 11:07 AM |
| &&&كن القصايد حالفة ما تخونه&&& | الرسام | صهيل القصيد | 8 | 12-05-2009 08:11 PM |
 |  |
العرض الشجري
