بعض القصايد لعن ابو بعض القصايد كان مافيهـا حـلا ما تـروح الا و تتـرك للحنايـا جلجلـه تبتدي مثل المزون اللـي تسولـف للكـلا و لا خذت قامت ترزّم مثل شهـبٌ منزلـه فوق صدر الشاعر اللي عن طواريقه جـلا لين شاف اخت القصايد بالقصايـد مقبلـه يا هلا ب اخت القصايد كثر شوقي يا هـلا اقلطي بين الحنايا وافهقـي جمـر الولـه كل ضلعٍ من ضلوعي حافـظٍ درس الـولا مثل حفظك للعفاف و للشرف يـا مذهلـه سولفي كذا السوالـف تنسمـع و الا فـلا وان=بغيتيني اسولف .. اسألينـي اسئلـه اسأليني وابتديهـا .. بالنهـار اللـي تـلا ليلة ان الجرح يقرا في الضلوع البسملـه واسأليني عن زماني كم شرب فـيّ وكـلا انتهي من مشكله والقـى وراهـا مشكلـه المشاكل بهذلتني فـي غيابـك ... والبـلا ما لقيت اللي احط السـر عنـده وازهلـه كل مااسمع (كيف حالك) ينقبض جفني على دمعةٍ تبغى تقول الحـال دمـع و مهزلـه وابلع العبره واقول : بخير والهـم انجـلا و آخر الهرج آتلعثم فيـه وانقـض أولـه ليه غبتي .. ليه غبتي وانتي اللي ما مـلا عيني الا همس صوتك في زمـان البلبلـه ياه شفتي وين راح البال بالشعر وسـلا ؟ قمت اعااتب فيك وانتي ف الضلوع مـدلله لنّي ماصدّقـت نرجـع للقصايـد والغـلا بعد ذاك اليوم يوم اجنبت وانتـي مشملـه ايه ماصدّقـت لكـن ياعسانـي مـا خـلا قلطي بين الحنايا وافهقـي جمـر الولـه |
رد: بعض القصايد صح لسانك ماشالله ابداع في ابداع الله لايضرك ولاعدمتك يالغلا |
رد: بعض القصايد سعد صح لسان شاعرها شرفتني بمرورك العطر |
رد: بعض القصايد صح لسانك اخوي دائماً مبدع في اختياراتك |
رد: بعض القصايد ام رسن اشكرك على مرورك الكريم |
الساعة الآن 07:26 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..