يحق للتاريـخ يفخـر بنـا دوم يفخر بنا من اول الوقت واتـلاه افعالنا تشهد لها الفرس والـروم ويشهد لنا النعمان يوم الغدر جاه وتشهد لنا ذي قار والأمر محسوم يوم كل ٍ ضيـع الدلـو ورشـاه وشهد لنا اللي دايم الدوم معصوم أحمد عليه أفضل سلام ٍ مع زكاه بخ ٍ بخ ٍ ويلان ما مثلهـم قـوم أهل السياده والكرم وأهل الجـاه ليا زعلنا تحجب الشمس بغيـوم وعدونا نعمـي عيونـه ونـدواه وليا رضينا يبتسم كـل منجـوم حتى القمر تبين معظـم حلايـاه كل الحقايق واضحه ماهي حلوم حتى الثرى يفخر بنا لا وطينـاه لنا فعل مـا يفعلـه اي زيـزوم من ينتخي فينا له العمـر بعنـاه ويلان حامين الوطى دايم قـروم حتى السحاب اللي تعلى حمينـاه حكام من حكام والغيـر محكـوم الراس عالي وأيضاً التاج بأعلاه لو العذارى ينجبن عشره بيـوم والله فلا ياصل احد ما وصلنـاه حنا عنزه ساطين والكل ملـزوم يخضع لنا من اول الوقت واتـلاه |