  |
 « آخـــر الـــمـــشـــاركــــات » |
| |||||||
| أخبار الرويضة كل ما يتعلق بأخبار الرويضة |
 |
| | LinkBack | أدوات الموضوع | انواع عرض الموضوع |
|
| « آخـــر الـــمـــشـــاركــــات » |
| |||||||
| أخبار الرويضة كل ما يتعلق بأخبار الرويضة |
|
| | LinkBack | أدوات الموضوع | انواع عرض الموضوع |
10-06-2011
| #1 (permalink) | |
|
:: أستشاري المجالس ::
 | 
مقناص ضبان يوم الاربعاء الخميس (( اهداء خاص لأبوطارق )) بسم الله الرحمن الرحيم السلام عليكم ورحة الله وبركاته وشلونكم يا جماعة الخير ان شاء الله مستانسين يا طويلين الاعمار تواعدنا انا وابوعايض وابومشعل نطلع نقنص ضبان يوم الاربعاء بدون ترتيب مسبق دق علي ابوعايض عصيرة الأربعاء يالله مشينا قدام اثر ابومشعل مهب معنا يقول بيلحقنا طبعا هو ابومشعل وانا ابومشعل 2000 هههههـ << سمونا كذا بالرحله حركنا وطلعنا لم حلال ابوعايض ودينا العلف ونلقط بعض الغريضات  ما شاء الله  المهم يالربع مشينا لمحل ميعادنا بمحطة البوعنين صلينا المغرب والعشاء و تقضينا الا وجانا ابومشعل ومعه ابوسعيد وابوعيد وعبينا توانكي الماء ونقول بسم الله مسكنا الخط وصلنا محلنا وشبينا الضو وعينا من الله خير وسوينا القهوه والشاهي وبعدها تعشينا أعذروني ما قدرت اصور ما مداني وحطينا راسنا ورقدنا  اصبحنا وصلينا الفجر وسوينا القهوه والشاهي وخذينا العلوم    وابوعايض ما قصر سوى القرص افطرنا والحمد لله  وشدينا الرحال لموقع الصيد  لا هنت يابوسعيد ماقصرت  وهذا ممشانا منقسمين انا وابوعايض بالددسن والشباب ابومشعل وابوعيد وابوسعيد كلهم بالجيب هذا الجبل اسمه ابوطاقيه  أول الغيث قطره وهذي بداية خير  وبعدها صدنا الثاني ب ما لحقت اصور كنت مشغول في تنظيفه على قولة ابوعايض خرطناه خرط ههههـ وتشاورنا مع الربع قلنا نطلع بموتر واحد افضل وقفنا الددسن في مغاره وهذا ابوعيد يزهب مخزن البندق  طلعنا بالجيب وصدنا الثالث والرابع والخامس الي بيدي هالصغير يا حليله  ودرنا لما جانا عج اعوذ بالله قلنا أربعه تكفي لغدانا عودنا لأم عزيز  هاذي تكيتنا سوينا القهوه والشاهي ومزمزنا على أصابع فوزيه ههههـ لحد يفهم غلط واحد من الربع جايب معمول ومكتوب عليه أصابع فوزيه  بدينا بالجد وهذي صور الضبان   نظفناها بالماء الحار  كنت بصورلكم الباقي لكن جوالي طفا <<<مهب وقته الوكاد حطيناه بقدر وبه ماء وخلينا بيوضه على جمب وخليناه يطبخ على قدر عادي وبعدها شلناه وقمنا نشيل الجلد اليابس وقصينا يده ورجليه وحطيناه بقدر ضغط مع رز واكيد بيوضه وخليناه يطبخ يوم أستوى غرفناه حطينا الصفره يا طويلين الاعمار وطاصة بها ماء بارد وسمينا بعد الغدا قلنا يا الربع مشينا شلنا أغراضنا وصلينا الظهر والعصر وحولنا على ديارنا أعذروني على التصوير وقلة الصور والنقص الواضح ما كتمل تصويري يا أبوطارق اعوضها لك بالجايات ولا يهونون الاعضاء | |
    |
|
10-06-2011
| #5 (permalink) | ||||||||||||||||||||||
|
:: أستشاري المجالس ::
|
رد: مقناص ضبان يوم الاربعاء الخميس (( اهداء خاص لأبوطارق ))
لا هنت ع الرد الرئع ابشر يبلغ السلام وابوعايض يستاهل كل خير منور اخوي الهواوي | ||||||||||||||||||||||
| | |||||||||||||||||||||||
|
10-06-2011
| #8 (permalink) | ||||||||||||||||||||||
|
:: أستشاري المجالس ::
|
رد: مقناص ضبان يوم الاربعاء الخميس (( اهداء خاص لأبوطارق ))
لا هنت ع المرور ابوطارق الله يخليك ويسلمك واعذرني ما وفيت بوعدي لك وبعد على نقص الصور اعوضها لك بالجايات ان شاء الله | ||||||||||||||||||||||
| | |||||||||||||||||||||||
|
10-06-2011
| #10 (permalink) | ||||||||||||||||||||||
|
:: أستشاري المجالس ::
|
رد: مقناص ضبان يوم الاربعاء الخميس (( اهداء خاص لأبوطارق ))
منور الموضوع الوليدي اي والله المواقف هاذي ما تنسي يستاهل ابوطارق افضل من كذا | ||||||||||||||||||||||
| | |||||||||||||||||||||||
|
| مواقع النشر (المفضلة) |
| الكلمات الدلالية (Tags) |
| مقناص, الاربعاء, ضبان |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| (مشاهدة الكل)
عدد الذين شاهدوا هذا الموضوع : 0 :
| |
| لا يوجد أعضاء |
| أدوات الموضوع | |
| انواع عرض الموضوع | |
|
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ||| كبسة ضبان ||| | بقايا جروووح | أخبار الرويضة | 46 | 26-08-2010 08:46 AM |
| قنص ضبان | عمر العصيمي | منتدى السفر والسياحه | 13 | 07-06-2010 08:35 PM |
| منقول مقناص يوم الخميس طيور القمري | علي الرديني | منتدى السفر والسياحه | 11 | 08-09-2009 10:24 PM |
| [تصميم] الجليس الصالح ... الجليس السئ | مهرة النسيان | شغب فرشاة | 14 | 05-01-2009 08:50 PM |
العرض العادي
