الحسـد لـ فهـد المســاعـد ~ |||

#1 (**permalink**) 05-05-2010, 03:46 AM

||||

الشعر أبوي .. ولا بعد قلت : لبيه = إلا لـ ( بحـّـة وزنه ) و ( صوت قافه )

ماقبلي أحد ٍ قد تربـّـى على يديـــه = ولاغيري أحد ٍ سْـمْــع صوته وشـــافه

أغلـــــيه .. وأخــــــافه .. وأحبـّـه .. وأداريــه = وأخاف لاأفقد دهشتي فــ أكتشافــه

على كثر ما أبيه وأتعب وأنا أبيه = ماقد شكيت لغيمته من جفافه

إن ألتفت في حالي .. الله يحيــيــّـه = و إن ما ألتفت .. ما ألحقت عمري حسافه

ياما على غفله غرقت فــ شواطيه = وياما رمى في قاع صوتي ضفافه

وأمسيت أغني له .. وأشيله .. وأشاكيه = كنـّـي مكوّم كل ماكان طافه !

أحاول أقوى شي مانيب قاويه = وأحاول أقبل شي نفسي تعافه

اسمع من هروج العتب والمسافيه .. = مازوّد حمول التعب والمسافه

ناس ٍ بلوني بالحسد والمشاريه = مافيهم اللي وسط قلبه مخافه ..

لا .. والمصيبه .. ويش أنا منحسد فيه ؟! = في الشعر , ودروب السهر , والكلافه !!

قولوا لذاك اللي ( سهادي ) على ايديه = وش جاه مني ؟! لعنبوها ضعافه

ان كان حاسدني على الشعر والتيه ! = يجي يبادلني .. وأخط أعترافه :

يعطيني راحة باله اللي تقدّيــه = وأيامه اللي ماتعرف الصلافه

ونذر ٍ علي لأعطيه .. وأعطيه .. وأعطيه = حتى يملّ من الشعر والصحافه

ممــا رآآآق لـــــي

#2 (**permalink**) 05-05-2010, 05:39 AM

أحاول أقوى شي مانيب قاويه = وأحاول أقبل شي نفسي تعافه

اسمع من هروج العتب والمسافيه .. = مازوّد حمول التعب والمسافه

بنت كول ... قصيده رائعه للمبدع فهد المساعد .. اختيار جميل .. ويسلم ذوقك الي نقل هالرائعه .. تقبلي مروري .

#3 (**permalink**) 05-05-2010, 05:57 AM

هـلابك الوليـــــدي ~ ||

شكــراً لوجــودك خيوووو
لــ قلبك سعــاده

#4 (**permalink**) 05-05-2010, 10:00 AM

دائمااا مبدعه بطروحاتك

يعطيك العافيه يالغلا ع القصيده القمه بالجمـال والرقـي ..

#5 (**permalink**) 06-05-2010, 12:38 AM

المشاركة الأصلية كتبت بواسطة الفجر البعيد

دائمااا مبدعه بطروحاتك

يعطيك العافيه يالغلا ع القصيده القمه بالجمـال والرقـي ..

هـلابك فجـورتـي ..~
الاجمـــل مــروركِ العطــــــــر

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كـل مأساة تصيبك فهـي درس لا ينسى !!	الرويضة @	روحانيات	9	28-07-2009 04:31 PM

الحسـد لـ فهـد المســاعـد ~ |||

صهيل القصيد