|
الحسـد لـ فهـد المســاعـد ~ ||| http://t1.gstatic.com/images?q=tbn:-...26132.imgcache |||| الشعر أبوي .. ولا بعد قلت : لبيه = إلا لـ ( بحـّـة وزنه ) و ( صوت قافه ) ماقبلي أحد ٍ قد تربـّـى على يديـــه = ولاغيري أحد ٍ سْـمْــع صوته وشـــافه أغلـــــيه .. وأخــــــافه .. وأحبـّـه .. وأداريــه = وأخاف لاأفقد دهشتي فــ أكتشافــه على كثر ما أبيه وأتعب وأنا أبيه = ماقد شكيت لغيمته من جفافه إن ألتفت في حالي .. الله يحيــيــّـه = و إن ما ألتفت .. ما ألحقت عمري حسافه ياما على غفله غرقت فــ شواطيه = وياما رمى في قاع صوتي ضفافه وأمسيت أغني له .. وأشيله .. وأشاكيه = كنـّـي مكوّم كل ماكان طافه ! أحاول أقوى شي مانيب قاويه = وأحاول أقبل شي نفسي تعافه اسمع من هروج العتب والمسافيه .. = مازوّد حمول التعب والمسافه ناس ٍ بلوني بالحسد والمشاريه = مافيهم اللي وسط قلبه مخافه .. لا .. والمصيبه .. ويش أنا منحسد فيه ؟! = في الشعر , ودروب السهر , والكلافه !! قولوا لذاك اللي ( سهادي ) على ايديه = وش جاه مني ؟! لعنبوها ضعافه ان كان حاسدني على الشعر والتيه ! = يجي يبادلني .. وأخط أعترافه : يعطيني راحة باله اللي تقدّيــه = وأيامه اللي ماتعرف الصلافه ونذر ٍ علي لأعطيه .. وأعطيه .. وأعطيه = حتى يملّ من الشعر والصحافه ممــا رآآآق لـــــي |
رد: الحسـد لـ فهـد المســاعـد ~ ||| أحاول أقوى شي مانيب قاويه = وأحاول أقبل شي نفسي تعافه اسمع من هروج العتب والمسافيه .. = مازوّد حمول التعب والمسافه بنت كول ... قصيده رائعه للمبدع فهد المساعد .. اختيار جميل .. ويسلم ذوقك الي نقل هالرائعه .. تقبلي مروري . |
رد: الحسـد لـ فهـد المســاعـد ~ ||| هـلابك الوليـــــدي ~ || شكــراً لوجــودك خيوووو لــ قلبك سعــاده :) |
رد: الحسـد لـ فهـد المســاعـد ~ ||| دائمااا مبدعه بطروحاتك يعطيك العافيه يالغلا ع القصيده القمه بالجمـال والرقـي .. |
رد: الحسـد لـ فهـد المســاعـد ~ ||| بنت كوول اختيار جميل وذائقة عذبة كل الشكر لك |
| الساعة الآن 03:22 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..