دام البكا ياريم مافيه تحريم

#1 (**permalink**) 18-04-2010, 11:48 AM

كان الشاعر مسجوناً
وكان ماراً من أحد الممرات وفي ذلك الممر كانت

ريم وأمها داخلين لزيارة سجينهم

الشاعر سمع صوت الأطفال فتذكر أبنائه

فدمعت عيناه

فرأته ( ريم ) فقالت لأمها:

يمّه الرجال يبكي !! ،، فقالت أمها زاجرة : ريم!!!

عندها ،، كتب الشاعر هذه القصيدة

أبكي وعيني تسهر الليل يـا ريـم
مدري بلاها الشوق والاالظليمـه

ياريم دمع العين مدري على الريم
والا على قلبـن تواكـل صميمـه

تقول لاطمني علـى نونهـا سيـم
أبكي وعندي لأزرق الدمع قيمـه

يمكن يكون الدمع للعيـن تكريـم
ويمكن يكون إلها عذاب وحريمـه

والله يا لولا دموع كما الديـم
راحت ضلوعي من عذابي حطيمه

ودام البكا يا ريم ما فيـه تحريـم
يا عنك والله لأرخص الدمع شيمه

وابكي على حالي من الوجد وآهيم
لين الزمن يخلـف عليّـه نسيمـه

أبكي حياتن صافيه ما بهـا غيـم
وين المحبـة والقلـوب السليمـه

أبكي قهر وابكي من الغبن والضيم
وابكي من طعونن بقلبـي قديمـه

غدر الزمن خلّى بوجهي مراسيـم
وما يذبح الرجال مثـل الهزيمـه

بعض المصايب شَرَّها ياكل الهيـم
وشلون بكبود الرجـال الكريمـه

وبعض المصايب يخلفن المفاهيـم
تبغى على ما قيل صبر وعزيمـه

مظلوم بالدنيـا وغيـري مظاليـم
من عرض ناسٍ لبِّسُوهم جريمـه

ما عاد أبي من سود الأيام تعليـم
عقب العذاب اللي كلاني جحيمـه

ولو تصفي الدنيا علـيّ الملازيـم
ما عاد أدور من وراهـا غنيمـه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تحريم الظلم من المولى عز وجل	عادل عبد المنعم	روحانيات	35	11-10-2010 02:13 AM
يا قو قلبك للبعد يارحم حيه ؟	محمد	صهيل القصيد	12	15-01-2010 04:10 PM
كلٍ يقول ان البكا فية راحة..!!	محمد	صهيل القصيد	17	07-07-2009 07:27 AM
افهموها ................دخان مافيه!!!!!!!!!!!!!!!!!!! ,,همس	محمد	لُغَة الصور .. والكاريكاتير الساخِر	21	16-03-2007 08:20 PM
لوجاء ولد لسميه انا باســـــمك هيام --- فعل الوفـاء لوهو عوج مافيه عيب.قصه,قصيدهـ	تركي عفيش	حكايات من الوجد	5	23-11-2006 02:10 PM

دام البكا ياريم مافيه تحريم

صهيل القصيد