|
دام البكا ياريم مافيه تحريم كان الشاعر مسجوناً وكان ماراً من أحد الممرات وفي ذلك الممر كانت ريم وأمها داخلين لزيارة سجينهم الشاعر سمع صوت الأطفال فتذكر أبنائه فدمعت عيناه فرأته ( ريم ) فقالت لأمها: يمّه الرجال يبكي !! ،، فقالت أمها زاجرة : ريم!!! عندها ،، كتب الشاعر هذه القصيدة أبكي وعيني تسهر الليل يـا ريـم مدري بلاها الشوق والاالظليمـه ياريم دمع العين مدري على الريم والا على قلبـن تواكـل صميمـه تقول لاطمني علـى نونهـا سيـم أبكي وعندي لأزرق الدمع قيمـه يمكن يكون الدمع للعيـن تكريـم ويمكن يكون إلها عذاب وحريمـه والله يا لولا دموع كما الديـم راحت ضلوعي من عذابي حطيمه ودام البكا يا ريم ما فيـه تحريـم يا عنك والله لأرخص الدمع شيمه وابكي على حالي من الوجد وآهيم لين الزمن يخلـف عليّـه نسيمـه أبكي حياتن صافيه ما بهـا غيـم وين المحبـة والقلـوب السليمـه أبكي قهر وابكي من الغبن والضيم وابكي من طعونن بقلبـي قديمـه غدر الزمن خلّى بوجهي مراسيـم وما يذبح الرجال مثـل الهزيمـه بعض المصايب شَرَّها ياكل الهيـم وشلون بكبود الرجـال الكريمـه وبعض المصايب يخلفن المفاهيـم تبغى على ما قيل صبر وعزيمـه مظلوم بالدنيـا وغيـري مظاليـم من عرض ناسٍ لبِّسُوهم جريمـه ما عاد أبي من سود الأيام تعليـم عقب العذاب اللي كلاني جحيمـه ولو تصفي الدنيا علـيّ الملازيـم ما عاد أدور من وراهـا غنيمـه |
رد: دام البكا ياريم مافيه تحريم مَـسَــآءڪُم وَردّ .. الله الله عليك ياسمو أبيــآت قِمّــه في الرووووعه أحب كثير هالنــوع من القصـــائِدّ دَامتّ أحاسيسڪ في غآية التميُــزْ والنَقَــــاء .. http://photos.7be.com/thumbnail/photos/1466-600x480.jpg |
رد: دام البكا ياريم مافيه تحريم أبكي وعيني تسهر الليل يـا ريـم مدري بلاها الشوق والاالظليمـه ياريم دمع العين مدري على الريم والا على قلبـن تواكـل صميمـه اختيار فاق الجمااال الف شكر سمو الاحساس |
رد: دام البكا ياريم مافيه تحريم احساس الورد مرورك يضفي شئ من الروعة والجمال على متصفحي |
رد: دام البكا ياريم مافيه تحريم الغزال الشارد من دواعي سروري هو تشريفك العطر لمتصفحي |
| الساعة الآن 08:50 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..