أغلى الصدف((من عقب طول الغياب..

#1 (**permalink**) 28-09-2009, 11:37 PM

أغلى الصدف صدفةٍ ويـاك تجمعنـي
من عالم الغيب رب الكـون سايقهـا

الله لا يجيـب يـوم فيـك يفجعنـي
ولا يعيدها ساعـةٍ مانـت بدقايقهـا

يا علّ يومـي قبـل يـوم يروعنـي
فيك أنت يا سكن أفكـاري وسارقهـا

قلـي بربـك منـو عقبـك يقنعنني
والله لو أعطوني الدنيـا ومشارقهـا

إحساس قلبي على شوفتـك يدفعنـي
وخطى المشاعر تسابقني واسابقهـا

أحس بالكون لا من جيـت يتبعني
من فرحتي ترقص الغيمـة وبارقهـا

وأن غبت عني صدوف الوقت تلفعني
والهم كاتم على أنفاسـي وخافقهـا

ترى بعـادك علـى كبـدي يلوعنـي
ويلوّع أقصى عروقي مـن مدافقهـا

وعيونك النجل تسرقنـي وتخدعنـي
جذّابـة وناعسـة سبحـان خالقهـا

الحسن عيّا يروح وتشتكـي دعنـي
كالظل من ويـن ماحلّـت يلاحقهـا

دايم هواها معي وأن جعـت شبعنـي
عنقـودةٍ والدلـع كاسـي عواتقهـا

ما غيرك أحدٍ يا جارة بالحكي أعنـي
ياللي الدلع والحسـن عيّـا يفارقهـا

ياليـت قلبـك إذا ناديـت يسمعنـي
يا من سناء البرق لخدودك مصادقها

وياليتني دمعـةٍ وعينـك بتدمعنـي
أنساب عالخـد وأنفاسـك تصافقهـا

شوقي الى من نويت أبعـد يرجعنـي
عن نن عيني غصب أرجع وأوافقهـا

عيّا فوادي عـن اللوعـة يطاوعنـي
والنفس تعشـق معذبهـا وخانقهـا

من وين ماهب ريح الشوق يصفعنـي
موج يحز الكبـد بأقصـى معالقهـا

الخوف لا هاج بحر العيـن يبلعنـي
ويتوه مركب غرامـي فـي مغارقهـا

ما دري وش اللي مصبرني ويمنعني
وأنت الذي متلف أعصابي وحارقهـا

أن كان حدّك حياك .. فهم يردعنـي
نفس الحياء اللي كسى نفسك وعانقها

نسيت أقلك أحبك يووووه ...يقطعني
يا أغلى صدفة ورب الكـون سايقهـا

مما اعجبني,,,

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع	تقييم هذا الموضوع
الانتقال إلى العرض العادي الانتقال إلى العرض المتطور العرض الشجري	تقييم هذا الموضوع:

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
(((...طال الغياب...)))	رايقه بذوقي	صهيل القصيد	6	06-01-2010 01:34 AM
درب الغياب	عبدالله التركي	نشيد الروح	26	14-09-2008 09:24 PM
نص الغياب	مازن دويكات	نشيد الروح	13	28-02-2008 03:17 PM
نص الغياب	مازن دويكات	ركنك الهادي	3	19-07-2007 10:54 AM

أغلى الصدف((من عقب طول الغياب..

صهيل القصيد