أغلى الصدف((من عقب طول الغياب.. أغلى الصدف صدفةٍ ويـاك تجمعنـي من عالم الغيب رب الكـون سايقهـا الله لا يجيـب يـوم فيـك يفجعنـي ولا يعيدها ساعـةٍ مانـت بدقايقهـا يا علّ يومـي قبـل يـوم يروعنـي فيك أنت يا سكن أفكـاري وسارقهـا قلـي بربـك منـو عقبـك يقنعنني والله لو أعطوني الدنيـا ومشارقهـا إحساس قلبي على شوفتـك يدفعنـي وخطى المشاعر تسابقني واسابقهـا أحس بالكون لا من جيـت يتبعني من فرحتي ترقص الغيمـة وبارقهـا وأن غبت عني صدوف الوقت تلفعني والهم كاتم على أنفاسـي وخافقهـا ترى بعـادك علـى كبـدي يلوعنـي ويلوّع أقصى عروقي مـن مدافقهـا وعيونك النجل تسرقنـي وتخدعنـي جذّابـة وناعسـة سبحـان خالقهـا الحسن عيّا يروح وتشتكـي دعنـي كالظل من ويـن ماحلّـت يلاحقهـا دايم هواها معي وأن جعـت شبعنـي عنقـودةٍ والدلـع كاسـي عواتقهـا ما غيرك أحدٍ يا جارة بالحكي أعنـي ياللي الدلع والحسـن عيّـا يفارقهـا ياليـت قلبـك إذا ناديـت يسمعنـي يا من سناء البرق لخدودك مصادقها وياليتني دمعـةٍ وعينـك بتدمعنـي أنساب عالخـد وأنفاسـك تصافقهـا شوقي الى من نويت أبعـد يرجعنـي عن نن عيني غصب أرجع وأوافقهـا عيّا فوادي عـن اللوعـة يطاوعنـي والنفس تعشـق معذبهـا وخانقهـا من وين ماهب ريح الشوق يصفعنـي موج يحز الكبـد بأقصـى معالقهـا الخوف لا هاج بحر العيـن يبلعنـي ويتوه مركب غرامـي فـي مغارقهـا ما دري وش اللي مصبرني ويمنعني وأنت الذي متلف أعصابي وحارقهـا أن كان حدّك حياك .. فهم يردعنـي نفس الحياء اللي كسى نفسك وعانقها نسيت أقلك أحبك يووووه ...يقطعني يا أغلى صدفة ورب الكـون سايقهـا مما اعجبني,,, |
رد: أغلى الصدف((من عقب طول الغياب.. الله لا يجيـب يـوم فيـك يفجعنـي ولا يعيدها ساعـةٍ مانـت بدقايقهـا يا علّ يومـي قبـل يـوم يروعنـي فيك أنت يا سكن أفكـاري وسارقهـا دام ذووقك يااذذوق روعه واكثر من رائعه سلمت يمناك وصح السان شاعرها |
رد: أغلى الصدف((من عقب طول الغياب.. نسيت أقلك أحبك يووووه ...يقطعني يا أغلى صدفة ورب الكـون سايقهـا اختيار في قمة الجمال ربي يعطيك العافية |
رد: أغلى الصدف((من عقب طول الغياب.. الله لا يجيـب يـوم فيـك يفجعنـي ولا يعيدها ساعـةٍ مانـت بدقايقهـا يا علّ يومـي قبـل يـوم يروعنـي فيك أنت يا سكن أفكـاري وسارقهـا انشودة سلمت لنا ذائقتك |
رد: أغلى الصدف((من عقب طول الغياب.. صح لسان قايلها وسلم بنان ناقلها قصيده رااائعه جمعت الاحاسيس والمشاعر يعطيك العافيه على الاختيااار الجميل 000 ننتظر جديدك بشووووووق 000 لك مني اجمل واعذب التحيه |
الساعة الآن 11:15 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..