02-09-2009, 12:35 AM
|
| |
رد: تراي أنتظركم ؟؟؟!!!
عندي قصة صارت اليوم ومنها فائدة عظيمة
كان عندنا شايب حريص على الصلاة ويحضر خلف الإمام مباشرة والبارح فقدته وكذلك اليوم قلت لازم أتصل عليه المهم أتصلت عليه كيف الحال وش لونك عسى ماشر ماشفناك أمس واليوم قال :
أن ولده جاي من الرياض للرويضة ويوم جا عند السرداح بغي يسقط على واحد وصدمه من ورى وتقلبوا كلهم ولد الشايب الحمدلله سلم لكن قبيله توفى الله يرحمه وسلمت حرمة المتوفى وولده لكن الغريب من القصة إن يوم أنهم أرادوا أن يغسلوا الميت في مغسلة الأموات في الرياض في مسجد الراجحي طلع المتوفى خويهم وكان مغسل أموات وسبحان الله قالوا أنه طالع يبغى يعتمر وجاه حادث وتوفى الفائدة من هذه القصة أن الواحد مايدري متى يجيه الموت والبعض يقول أنا أبسوق بركاده لكن أنت ماتدري عن السواقين الآخرين وأعذروني على هذه القصة المحزنة في قسمم الفرفشة وأعدكم بقصة مضحة بإذن الله
وتقبلوا تحياتي |
العرض الشجري
