تراي أنتظركم ؟؟؟!!!

#1 (**permalink**) 01-09-2009, 05:28 AM

عندي موضوع جديد وإن شاء الله يعجبكم ويعجبك يا أمير السهول ولا تقول قديم ؟؟!!
أبغى من أي واحد يدخل يذكر له قصة طريفة أو محرجة أو منها فائدة بس على شرط تكون قد صارت له في نفس اليوم مثلا اليوم الأثنين تذكر لنا قصة صارت في نفس اليوم وإلي مايلقى يعطينا في أي يوم :
أذكر لكم قصة طريفة أو محرجة حصلت لي في نفس اليوم
وأبدأ أنا لكن نبغى منكم المشاركة لا تحطمونا

اليوم قبل لا أصلي العشاء قمت من مكاني وناوي أرجع له وجاء واحد وجلس مكاني وجلست جنبه وأنا أعرفه وقلت له ترى عليك غرامه قال ليش قلت ملكت ارض لي عليه صك قال أي أرض قلت المكان إلي جلست فيه وانا امزح المهم جلس شوي ثم قام وجلس ورى وأقعد أأشر له تعال أمزح معك يابن الحلال وقام يهز براسه يقول لا ,,,, وأخذ مصحف وقام يقرا والله يوم قرب يقيم المؤذن وأنا أقوم لين جيت يمه وحلفت عليه أنه يرجع لمكانه ورجع وصلى العشاء ويوم جت صلاة التراويح رجع ورى وما قدرت أجيه والله أظاهر أنه زعل بس عساني أقدر أراضيه بكره وهذي منها فائدة أنك لاتمزح مع واحد ماتعرف نفسيته يمكن يقلبها هوشه ......
يالله تراي أنتظركم .

#2 (**permalink**) 01-09-2009, 05:34 AM

لي عــــــــودة ان شاء الله اذا حصل لي موقف

#3 (**permalink**) 01-09-2009, 06:00 AM

ابو حفص موضوع رائع جدا
جديد اول مره اشوفه

بتذكر موقف بس فيه مواقف قدييييييييييييي ييييييييمه

#4 (**permalink**) 02-09-2009, 12:35 AM

عندي قصة صارت اليوم ومنها فائدة عظيمة
كان عندنا شايب حريص على الصلاة ويحضر خلف الإمام مباشرة والبارح فقدته وكذلك اليوم قلت لازم أتصل عليه المهم أتصلت عليه كيف الحال وش لونك عسى ماشر ماشفناك أمس واليوم قال :
أن ولده جاي من الرياض للرويضة ويوم جا عند السرداح بغي يسقط على واحد وصدمه من ورى وتقلبوا كلهم ولد الشايب الحمدلله سلم لكن قبيله توفى الله يرحمه وسلمت حرمة المتوفى وولده لكن الغريب من القصة إن يوم أنهم أرادوا أن يغسلوا الميت في مغسلة الأموات في الرياض في مسجد الراجحي طلع المتوفى خويهم وكان مغسل أموات وسبحان الله قالوا أنه طالع يبغى يعتمر وجاه حادث وتوفى الفائدة من هذه القصة أن الواحد مايدري متى يجيه الموت والبعض يقول أنا أبسوق بركاده لكن أنت ماتدري عن السواقين الآخرين وأعذروني على هذه القصة المحزنة في قسمم الفرفشة وأعدكم بقصة مضحة بإذن الله
وتقبلوا تحياتي

#5 (**permalink**) 02-09-2009, 12:37 AM

ابو حفص ربي يعطيك العافية

انتظر تفاعل الاخوان ولي رجعة

تراي أنتظركم ؟؟؟!!!

مساحة للضحك والفرفشة