| LinkBack | أدوات الموضوع | إبحث في الموضوع | تقييم الموضوع | انواع عرض الموضوع |
| |||||||
(( ** ( التجـربـه ) ** )) للشاعر محمد جار الله السهلي
تقدم الدنيا لنا درس ٍ جديد بكل يوم = والناس تسلم من غثا الدنيا بحفظ دروسها !! وعلى حسب حفظ المواجيب وتعاليم السلوم = نعرف مقاسات البشر بالمرجله ونقوسها صيت الرجال الوافيّه بأفعالها .. ولا ّ الرخوم = ينبيك عنها : قل نفعتها وشين نفوسها تطرد ورى الدنيا وتكشخ بالمواتر والهدوم = مثل ( الحريم ) أغلب دراهمها على ملبوسها والإمعه والشايب الكذّاب وضعيف العزوم = ناس ٍ مع العالم بلا هيبه تدربي روسها !! والبخل : خلاّنه بهايم !! لا تسام ولا تسوم = لا شفتها ترفع يدك حمد وشكر وتبوسها على الصحن هم أول الجلاّس وآخر من يقوم = يعيّفك حلو الاكل والشرب طول جلوسها ماهيب لللازم سند ولا ذخر عند اللزوم = تموت ماسرّك مهايطها وكثر فلوسها وسوالف الخبلان .. رفعة ضغط وصداع وهموم = فلاوة ٍ تخطّف علوم العرب وتحوسها واجب عليك إليا حكت عن جملة حكاها تشوم = الهند ما يرأس حكومتها سوى هندوسها وربع المصالح والمجامل خوة ٍ ماهيب دوم = اقولها والتجربه قطع وريدي موسها وقت الرخا .. مثل الصقور اللي على المرقب تحوم = فيّ ٍ يذّري ساقك الرمضا وحر ّ شموسها وإليا احتمت صكّات بقعا وامست علومك علوم = اتلوّي خششها وتجحد خوّتك وتدوسها من عقب ما انت الطيّب وقدرك معزّز ومحشوم = تصير اردى ما خلق ربي ودم ضروسها أبعد عن الأشكال ذي .. بعد الثرى عن النجوم = وش حاجتك في قرب رديان العرب ونجوسها ماهوب عيب إليا عزموك تقول يالربع .. معزوم ! = العيب : لارحت لعزايمها وجيت عروسها وخلّك فطين تعلّمك دنياك درس بكل يوم = والرجل يسلم من غثا الدنيا بحفظ دروسها صح السان ابو جار الله اخوكم |
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الفكر محمد جار الله السهلي | فهــــــد | نشيد الروح | 18 | 24-10-2009 05:25 AM |
لا صرت بايعني اشوفك على خير (محمد جار الله السهلي) | محمد | صهيل القصيد | 4 | 18-08-2009 07:48 PM |
هذه القصيده للشاعر / مسلط العتيبي موجهها للشاعر / سيف بن محمد الشنيفي | مسلط العتيبي | نشيد الروح | 10 | 22-05-2008 08:21 PM |
مرثية للشاعر سيف بن محمد السهلي | ابو نـــmkـــواف | نشيد الروح | 14 | 12-03-2007 11:16 PM |