مجالس الرويضة لكل العرب

مجالس الرويضة لكل العرب (http://www.rwwwr.com/vb/httb:www.rwwwr.com.php)
-   حكايات من الوجد (http://www.rwwwr.com/vb/f13.html)
-   -   (( ** ( التجـربـه ) ** )) للشاعر محمد جار الله السهلي (http://www.rwwwr.com/vb/t2855.html)

ولد منجل 26-01-2007 06:14 PM

(( ** ( التجـربـه ) ** )) للشاعر محمد جار الله السهلي
 
تقدم الدنيا لنا درس ٍ جديد بكل يوم = والناس تسلم من غثا الدنيا بحفظ دروسها !!
وعلى حسب حفظ المواجيب وتعاليم السلوم = نعرف مقاسات البشر بالمرجله ونقوسها
صيت الرجال الوافيّه بأفعالها .. ولا ّ الرخوم = ينبيك عنها : قل نفعتها وشين نفوسها
تطرد ورى الدنيا وتكشخ بالمواتر والهدوم = مثل ( الحريم ) أغلب دراهمها على ملبوسها
والإمعه والشايب الكذّاب وضعيف العزوم = ناس ٍ مع العالم بلا هيبه تدربي روسها !!
والبخل : خلاّنه بهايم !! لا تسام ولا تسوم = لا شفتها ترفع يدك حمد وشكر وتبوسها
على الصحن هم أول الجلاّس وآخر من يقوم = يعيّفك حلو الاكل والشرب طول جلوسها
ماهيب لللازم سند ولا ذخر عند اللزوم = تموت ماسرّك مهايطها وكثر فلوسها
وسوالف الخبلان .. رفعة ضغط وصداع وهموم = فلاوة ٍ تخطّف علوم العرب وتحوسها
واجب عليك إليا حكت عن جملة حكاها تشوم = الهند ما يرأس حكومتها سوى هندوسها
وربع المصالح والمجامل خوة ٍ ماهيب دوم = اقولها والتجربه قطع وريدي موسها
وقت الرخا .. مثل الصقور اللي على المرقب تحوم = فيّ ٍ يذّري ساقك الرمضا وحر ّ شموسها
وإليا احتمت صكّات بقعا وامست علومك علوم = اتلوّي خششها وتجحد خوّتك وتدوسها
من عقب ما انت الطيّب وقدرك معزّز ومحشوم = تصير اردى ما خلق ربي ودم ضروسها
أبعد عن الأشكال ذي .. بعد الثرى عن النجوم = وش حاجتك في قرب رديان العرب ونجوسها
ماهوب عيب إليا عزموك تقول يالربع .. معزوم ! = العيب : لارحت لعزايمها وجيت عروسها
وخلّك فطين تعلّمك دنياك درس بكل يوم = والرجل يسلم من غثا الدنيا بحفظ دروسها

صح السان ابو جار الله

اخوكم

نبض الحياة 26-01-2007 06:38 PM


وخـلّــك فـطـيـن تعـلّـمـك دنـيــاك درس بـكــل يــــوم ==والـرجـل يسـلـم مــن غـثـا الدنـيـا بحـفـظ دروسـهـا

ولد منجل
صح لسانك ولسان الشاعر محمد بن جارالله السهلي
http://www.mo3ln.com/up/folder1/mo3l...xstNnNpHxm.gif

محمد 26-01-2007 07:10 PM

صح لسانه

ولسان الناقل للقصيده

واجـب عليـك إليـا حكـت عـن جملـة حكاهـا تـشـومالهـنـد مـــا يـــرأس حكومـتـهـا ســـوى هنـدوسـهـا
وربــع المصـالـح والمجـامـل خـــوة ٍ مـاهـيـب دوماقـولـهــا والـتـجـربـه قــطـــع وريـــــدي مـوســهــا


ودمت

محمد 26-01-2007 10:39 PM

صح احساسه ولسانه


وشكرا لجهودك اخي الكريم

تم النقل هنا للمنقولات الادبية

إيمان

محمد 04-02-2007 06:41 PM

صح لسانك ولسان الشاعر محمد


الساعة الآن 02:01 AM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
- arab-line : Search Engine Friendly URLs by vBSEO 3.3.0 TranZ By Almuhajir

Ads Management Version 3.0.1 by Saeed Al-Atwi

HêĽм √ 3.1 BY: ! ωαнαм ! © 2010

... جميع الحقوق محفوظه لمجالس رويضة العرض لكل العرب ...

.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..

a.d - i.s.s.w