| |
11-01-2007, 02:47 PM
| |||||||||
| |||||||||
قصتي 00مع 00 راعي التريله ؟؟؟؟  هذي القصه حصلت معي وانا رايح للرياض في يوم من الأيام الهاديه والجميله ماسك المسار الأوسط !! وش حليلي ماعندي في الشيطان طاري المعزز معي كان الوالده الله يطول في عمرها سرعتي لم تتجاوز الــ120 كم مهوب بكيفي لاكن غصب عني مااقدر اتجاوز السرعه هذي !! لان السياره فيها عيب بسيط ؟؟؟قال عيب بسيط الا خلل فني يعني أي هويه بسيطه في الخط او نسمة هواء قوية السياره وبدون سابق انذار تنحرف يمين ...لإن الاذرعه مش مضبوطه لك عليها المهم الخط كان فاضي من السيارات الساعه تقريباً الـ 9 مساء إلاوشوف هذا اللي<< ملحم الصدام في الصدام وشغال تكبيس>> عماء وش سواق التريلة (الشاحنه) اللي مهوب عاقل مخلي مساره فاضي وطاب علي في مساري لا ويبغاني افتح الخط له بالغصب طبعاً أخوكم في الله قرر يعلن التحدي ولا يفتح الخط واللي يصيريصير00 قرار كان صعب 00 وش عنده ابوغشمه قرارصعب ههههههههه؟؟؟ المهم تهورت ((( بالله عليكم فيه أحد يجاكر تريلات ))!! انا الي ماامزح بالسيكل استهبل على تريله!!!! ماعلينا بعد ماالرتفع ضغط راعي التريله تجاوزني من اليمين وقعدت امي تمدح فيني طلعت متحمسه مع الموضوع بيني وبينكم زادت االثفه عندي شوي من المدح الجميل !!!!! تسلمييييين ياماما على الإطراءوالإعجاب ؛؛؛؛؛ وضنيت انا وجهي أني كسبت التحدي وان الموضوع انتهى !!! بعد ماتجاوزني راعي التريله ،، اكتشفت إن مهيب تريلة ولاهم يحزنون الله لايعمينا ،، الشوف شجرهههههههه ،، طلع باص (((نقل جماعي))) سواق الباص قرر يلقني درس عمر ابوي ماراح انساه ..! الرجال قام يستهبل علي مره يهدي لين تاصل السرعه 40 ومره يطلع على الكتف عشان يغبر علي "حركات نذاله يعني" الله لايلومه الحراره عنده واصله الـH وبعد تقريباً ربع ساعه سمح لي با لتجاوز لأني كلماجيت اتجاوزه حدني ابن الذين،،، الحمدلله على السلامه يازيييين العافية .. وفجئه عقب 10 دقايق رجع الرجال مره ثانيه "طالب حرش ابوالشباب" بس ماكان لحاله جايب معه فزعه باص ثاني مالقولهم شغله حسبي الله عليهم واحد تجاوزمن اليمين والثاني من اليسار ومش أي تجاوز شاطفيني المرايه بالمرايه طبعاً انا توهقت مدري اناظر الي على اليمين والا الناظر الي على اليسار والا انتبه للسياره امورعصيبه مرت علي والتركيز عنندي طاروالعرقان بدت تصبصب ؛؛ واخيراً ذلفوالله لايبارك فيهم .. ومن الهبله والربكه الي صارت نسيت ابلغ عليهم ؛؛؛ صراحه الوالده كانت في مثابه المعزز الناجح !!!!!!! لعبت فيهم بالدعاء 00 والقصه هذي صارلها حوالي ثلاث سنوات مانسيت أحداثها واظاهر أني ماراح انساها. ارجواان تكون قصتي خفيفة الظل على مسامعكم وشكراً. بحر الوفا  |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| قصتي انا شموخ | " كَلــِ شمُوخَـ ــِي " | حكايات من الوجد | 7 | 19-02-2010 01:09 PM |
| اجمــــــــــ القصـ قصتي ــص ــــــــــل | الساري | حكايات من الوجد | 9 | 22-08-2009 06:00 AM |
| اعمل خير تحصد شر >> قصتي | الشاعر الثائر غضب | مساحة للضحك والفرفشة | 9 | 25-06-2008 04:51 AM |
| امثال انجليزيه....... مع الترجمه | محمد | رسالة العلم والتعليم | 11 | 28-09-2007 07:15 PM |
| قصتي مع البنك | @ فتى الرويضه @ | حكايات من الوجد | 4 | 12-01-2007 12:30 AM |
 |  |
العرض الشجري
