| |
10-06-2008, 03:05 AM
| |||||||||
| |||||||||
اعمل خير تحصد شر >> قصتي السلام عليكم طبعاً ضيف قديم بس اول موضوع لي هذا معاكم محبكم / بجاد الحربي قصه صارت لي اليوم وابي احكيها لكم طلعت الساعه عشره ونص الصباح من الجوازات كانت عندي معامله وكذا وانا طالع مريت من عند مدرسه متوسطه طبعاً انا ماشي بموتري إلا وذا الموتر اللي يمر من عندي وكان مسرع وفي حاره ضيقه بعد المهم راعي الموتر صدم واحط من الطلاب عمره 11 سنه... انا من هول الحادثه واشوف الولد طاير بالجو مدري كيف سويت واسطر امها خمسات هق هق جنبت ونزلت من السياره اجري وطيحني ثوبي لأنه ضيق المهم اسحب نفسي لين عند الولد المصدوم واشوف الولد يسوي حركات غريبه تجيب الخوف وبنفس الوقت ضحكت عليها يعني كذا كنه يسبح فبحراو حاجه زي كذا المهم الجاني خاف ان الولد يبي يموت وشرد ابن اللذينا طبعاً انا سويت فيها رجل الاسعاف المتنقل وامسك الولد واعطيه هزات كهربائيه على صدره واضغط لكن ماش مامن فايده والولد مكتوم بالمره قمت احط فمي على فمه واعطيه هوا برضوا مانفع / رفعت الثوب وقضمت عليه بسنوني وارفع الولد على كتفي مسوي المنقذ العجيب واجري به واحطه في شنطة الجيب وادعس على اقرب مستشفى جيت الطواري ونزلنا الولد وسلمته الدكاتره وكل شيءتمام > طبعاً انا مشغول جداَ وعندي معاملات لازم اخلصها وإلا بيتفقع وجهي / باقي شغله وحده اللي هي امر على رجل المرور المنواب بالمستشفى علشان اسلمه مواصفات الجاني وامشي لكن حصل اللي ماكان على البال / قام ابو عسكر ويحط الكلباش بيدي ويقول انت الجاني ماغيره / ياهوه ياهيه ياسمعين االصوت والله ماهوب انا / انا منقذ وعابر طريق / قال لاتحاول / احدل ابدل منا منا هه حركها شوي والله مافي قلت اجل مانيب رايح القسم لين يجي ابو الولد / قال زين ...ودقو على المدرسه وجا المدير والمدير مطوع وملتزم وقلت هذا بيخلصني اثرني ابله وعلى نياتي يقوم حضرة المدير ويقول للعسكري ان هذا هو الجاني / يا ابن الحلال الله يستر عليك كيف اكون جاني ؟ أسأل طلابك ياخي : قال سألت الطلاب وقالوا انت صدمت الولد > يالله المنشبه > اجل دبسوني عيال الـ...... استغفر الله بس.. والولد المصدوم في حالة اغما ومسكين كنه ميت وكاسر خاطري حيل / والله ويزهم الدوريه ابو عسكر وجات وشالتني على القسم / وجالس بالقسم انتضر الشهود وكذا المهم مدير شركتنا دق علي وقال وينك ياصايع ياضايع ارسلناك خمس دقايق والحين مرت ساعتين وانت ماجيت قلت : الله يرحم اهلك يا ابو فول تعال فكني انا في القسم قال : مصيبه تانيه يا أليل الأدب هوا انتا معندكش دم ولا أيه ؟ قلت لاترفع صوتك على عمك يا ابن الابلسم / قال طيب فهمني في أيه؟؟ وجيت أبي افهمه السالفه إلا والضابط ينادي عليه ( ياهيوه انت ياللي تكلم جوال قفله ولا بحجزك وافتك منك ) طيب ياسيدي قفلنا الجوال وش تبي بعد آآآآآآمر .. ومديرنا المصري طلعت في راسه وسحب علي المهم اخوكم تدبس تدبيسه بنت كلب ام الكلاب الكلبه ( تعمل خير تلقى شر ) المهم جا ولي امر الطالب وسلم علي وطلع رجال كفو وطيب قال : ياولدي لاتخاف حنا نبي نسامحك بس احكي لنا السالفه وليش صدمته متعمد ولا ايش خخخخخخخخخ انا كلجت وتقروشت على الآخر هالحين كيف افهمه ؟! قلت له شف ياعم ياتاج راسي وقمت ونطحت خشمه ببوسه وقلت له تكفى صدقني ولاتتهور وتضلمني انا انسان مار بطريقي وشفت الحادث ووقفت ونقذت ولدك يعني مو انا اللي صدم ابنك ... اللي صدم ابنك واحد ثاني ... قال كيف يقولون انت صدمته ؟ قلت : كذابين ويبون يدبسوني المهم طلع الرجال عاقل ومتفهم للأمور قال : طيب في احد كان موجود وقت الحادثه؟ قلت كانوا اكثر من عشرين طالب واقفين عند حوش المدرسه قال طيب انت اقعد هنا وانا بروح مشوار وارجع لك قلت زين .... قعد ساعه يمكن ورجع وانا حالتي حاله وودي اشرب من دم العسكري ومدير المدرسه .... المهم يوم رجع ابو الولد قال للضابط أن أبن وكيل المدرسه ( مو مديرها هق هق ) ابن الوكيل هو اللي صدم الولد واسمه ابراهيم حسين مدني < حافظ ماشاء الله ... قام الضابط وعمل الأجرات المناسبه وبعد حب الخشوم في التعجيل جابوا ولد الوكيل واعترف بكل شيء .. المهم العسكري ماعليه لوم وهذا شغله >> بس المدير اللي يبي يدبسني علشان مايتورط ولد خويه الوكيل > واثريه يدري بالسالفه بس حب يعكلفها وينشبها براسي ابن الـ ........ المهم اعطوني اوراقي ومفتاح سيارتي وقالوا الله يستر عليك روح قلت ابد مانيب رايح لين يجي مدير المدرسه واتفاهم معاه بنفسي قالوا تصرف معاه بنفسك المهم انقلع من هنا قلت زين ... رحت ادور ابو الولد في القسم ومالقيته قالوا راح المستشفى ورحت وراه والحقه واسلم عليه وقال جزاك الله خير وانت كفو وولد حلال وحط يده فجيبه ويطلع لي كم درهم قلت واللي يرحم اهلك ويعافي ولدك خل دراهمك بجيبك.... سلمت عليه ومشيت رجعت للقسم مره ثانيه << في راسي احوس ام السالفه واطربقها على راس المدير >> جيت وخشيت عند الجاني وقلت انت الحين ورا ماتعلمني ليش شردت؟ قال انا خفت من الحكومه قلت ابو ابوك على ابو جدك تخاف على نفسك وتترك الولد ينازع الموت طيب انا اتصرف معاك بس مو الحين خل لين تطلع من القسم واوريك شغلك زين وكانت الساعه وقتها اربعه ونص العصر وروحت البيت واتروشت وغيرت ملابسي كلها دم وبلواي وقلت خل المدير اروح له بكره واتصرف معاه زين واعرفه وشلون يكون قدوه لطلابه ... وسلامتكم يالربع اي خدمه ؟؟ اوامر شيء ؟ <<< مطفوق لاتواخذونه هق هق سلملم من يلملم لين تاصل بقعا  |
|
11-06-2008, 12:48 AM
| ||||||||||||
| ||||||||||||
رد: اعمل خير تحصد شر >> قصتي مطفوووق بقوووة كني اشوف فلم هندي ابو ثلاث آجـــزآء لاهنت على المدآعبة ويعطيك العافيـة
|
|
12-06-2008, 03:22 PM
| |||||||||||
| |||||||||||
|
رد: اعمل خير تحصد شر >> قصتي
الحمد الله على السلامه يارجال .. وزين ان الولد ما فيه الا العافيه .. بس فعلاً تسوي خير تلاقي شر .. دمت بخير دايماً 
|
|
15-06-2008, 06:15 PM
| ||||||||||||
| ||||||||||||
|
رد: اعمل خير تحصد شر >> قصتي ههههههههههههههه حلو كثيير والله ودايم بالنهايه تكون كذا يعطيك العافيه ماقصرت،، وفا  |
|
15-06-2008, 08:36 PM
| ||||||||||||
| ||||||||||||
رد: اعمل خير تحصد شر >> قصتي
|
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| تونس تخشى مفاجآت الغابون.. | محمد | الرياضة والشباب | 2 | 17-01-2010 04:05 PM |
| علاج البهاق والله اعلم | محمد | الوقاية خير من الف علاج | 2 | 07-10-2009 03:52 PM |
| أمراض القلب والسرطان والسكري تحصد الأرواح | عاشق الكاسر | الوقاية خير من الف علاج | 4 | 04-10-2009 08:26 PM |
 |  |
العرض العادي
