| |
  |
 |
| |||||||
| من صُنعِ يديها اقصَر طريق إلى قلبِه ! |
| | LinkBack | أدوات الموضوع | إبحث في الموضوع | تقييم الموضوع | انواع عرض الموضوع |
25-02-2008, 04:31 PM
| ||||||||||||
| ||||||||||||
كبسة البرتقال ( كبسة فيتامين c .. بالصور )  . . . . ... صبـاحكمـ/مسـائكمـ ..ئشطــهـ هـلا والله بمن حبا ودبا وركب القليلبا حياالله السنعات والشقرديات بنات حواء ولايهونون ضيوفنا اللي يتصفحون هالمنتدى من غير مقدمات اليوم جايبه لكم كبسة لاني من محبين الكبسات بأنواعها وهالكبسة تعلمتها عن طريق أختي الله يخليها لي وهي كبسة البرتقال يمكن تقولون غريبة ((برتقال!!)) يمكن أكلة مو جديرة بالمجازفة او تكاسلون بتجربتها لكن والله العظيم يابنات أن طعمها خطير يجنن وتستاهل ان الانسان يجربها طعم خياااااال واللي بياكلها عندتس بالبيت ماراح ينساها بحياته والكل راح يسألـتس عنها وعن طريقتها نصيحة من أخت جربيها وماراح تندمين عاد انا رحت وسويتها لكم وصورتها كم صورة وان شاءالله تعجبكم ياحبي لكم مو عاد تفشلونن وتقولون طبخـتس قديمة  المقادير: دجاج 1 كأس رز كزبرة 2 ثوم 1 بصل 1 ماجي نص علبة طماط مقشر 3 حبات هيل ملعقة صغيرة ملح 3 حبات مسمار (قرنفل) ملعقة صغيرة بهارات 4 حبات فلفل أسود ملعقة كبيرة معجون طماط زيت 1 برتقالة 1 ورق غار 3 أعواد قرفة (دارسين) 1 ليمونه سودا (لومي)  الطريقة:قبل تسوين غداتس ياغلاتي انتي وياها لازم تنقعين الرز في موية دافية علشان تصير حبته طويلة وحلوة بعدها تغسلين دجاجتس وتنظفينها وتخلينها على جنب تقطعين البصله وتكشنينها بشوية زيت ثم تضيفين لها الثوم وتقلبين لحد مايتحمر بعدها قطعي البرتقالة قطع كبيرة مثل الصورة واضيفيها كلها للكشنة بقشرتها واضيفي لهم البهارات والملح والمسمار والقرفة والهيل والفلفل الاسود تضربين في الخلاط الكهربائي ( كزبرة ونص علبة طمام مقشر وكوب موية ومعلقة كبيرة معجون طماط وماجي) وتضيفينه للكشنة اللي بالقدر وتضيفين معها ورق غار ليمونه سودا .. وحركية دقايق ثم حطي الدجاجة معهم وخليه يطبخ مدة ثلث ساعة (20 دقيقة) بعدها طلعي الدجاجة وحمريها بالفرن واضيفي الرز (وهذا اللي أنا سويته) لكن حسب الرغبة البعض يكبس الرز على الدجاج والبعض يحمرها بالفرن أتركي الرز لحد مايستوي وطفي عنه البعض يحب أن الكبسة تكون ناشفة والبعض يبقي فيها شوية مرقة وهنا تكون ألذ بالطعم مـلاحظة :.. أنا حبيت أضيف للكبسة كذا نكهة فأضفت لها جزره وحده وبطاطسه وكوسه قطعتهم كبار ورحطيتهم مع الدجاج وهو يطبخ لما خلص وغرفته بالصحن قطعت معه فلفل رومي وطماط وليمون اصفر وحبتين فلفل حار تغرفينه بالبرتقال مو ترمونه وتاكلونه وهو مطبوخ بقشره يجنن طعمه م\ن 
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| كبسة + لحم مظبي | حفيد مجمش | من صُنعِ يديها | 36 | 03-09-2008 06:19 PM |
| §°^°¤§(&^ كبسة الحاشي^&)§¤°^°§ | محمد | من صُنعِ يديها | 13 | 24-08-2007 09:49 PM |
| #$#$ أكبر كبسة لحم بالعالم (( تبي رز بخاري والا برياني )) $#$# | محمد | لُغَة الصور .. والكاريكاتير الساخِر | 15 | 12-04-2007 02:42 AM |
 |  |
العرض الشجري
