| |
  |
 |
| |||||||
| حكايات من الوجد قصة رواية تختبئ بين الغيم [ للقصص ] |
| | LinkBack | أدوات الموضوع | إبحث في الموضوع | تقييم الموضوع | انواع عرض الموضوع |
24-11-2007, 10:25 PM
| ||||||||||||
| ||||||||||||
قصه وضحى وصيته والماضي العريق...   الفصل الأول والثاني ( الله اكبر الله اكبر لااله الا الله محمد رسول الله ) وضحى / لااله الا الله محمد رسوال الله > تتنهد وتدعي ربها بان يفرج همها ويقاطعها والدها ياوضحى قومي عساتس ماتقومين ابتس لين الحين مادفيتي لي الماء لاوالله صكت القايله وانا ماصليت وضحى / يايولي ويلاه نسيت اشب الضوء على قدح الماء ياعونك يايبه الحين اجيك به وهي تقوم وتطيح وقدحها بيدها الله لايبارك بك يافهيد ولايبارك في مسراك علانا افرغت وضحى الماء بالطاسه وجت ابوها تعدي والماء يتكبب خوفا من غضبه واخذت تصب عليه حتى خلص وضوءه ثم عادت لشق البيت وتوضت وصلت وبعد ان انتهت شبت على النار وركبت علاها ابريق القهوة والا ابوها يناديها ياوضحى عجلي بالفطور واحسبي حساب الرجال ترى اليوم عازمهم على الفطور وضحى / ابشر يابوي بسعدك واخذت تزيد النار حطب وركبت عليها المقرصه وانطلقت الى بيت صويته الفدغاء الي لو تنام لين الضحويه ماتسدها وتجي وضحى عند طنب بيتهم ياصيته ياصيته الا ويطلع عليها علة الرزاح الي ماتنزاح فهيد / امري يابنت العم وشيخة البنات كلهن وضحى / ياقطعاً بينها وبين خلاقينها وش يبا وجه الفاطر يالله صباح خار والله ماظني انه صباح السعد وان متمسيه على خشته ومصطبحه علاه ياطر جيب وضحى طررررررراه فهيد / وضحى علامتس امري وش بغيتي وضحى / وين صويته خلها تجي تساعدني عندنا عزيمه فطور رجال فهيد / ابشري من عيوني الحين امردغها لتس واخليها تجيتس تعدي وضحى / ياحوم تسبدي حوماه منك و عسى عيونك الدود وعساك تتمردغ بحضن عقرب تلوفك لوف >>>> وجه مقفي ويدعي عادت وضحى لشق البيت وقربت قدح العجين واخذت بعجنها وترش المقرصه ماء كود انها احتمت لتبدى بتجهيز القرصان الا صويته مدرعمه بكل مااوتيت من قوة طررررررررراخ صويته / وضحى عساتس الحضير الحين مالقيتي الا عله الرزاح يجي ينكد علي نومتي ويطير معيض من احلامي والله ياوضحى حلمت انه معرس علي وانتي تزينيني >> وجه يقول ياربيه انفكيت من ابوي جاني العله اخوي تهي تهي وضيح / عساتس الحضير انتي واخوتس وتستاهلين ماجاتس يالكديشه انتضرتس لين طقت تسبدي وطلع الضوء وانتي بسابع نومه ومعيض هذاه لازم تنسينه والا بيجيتس علمن يجمد على علباتس من عمي وانا طول ليلي ماذاقت عيني النومه ياعزتي لي عزتاه >>> وجه يقول وجدي على خل هجرني ودمعي على الخدين يهلي وضحى وتهل العباير من جديد وتقوووووووول
البارحه مانمـت والقلـب مشغـول =ماغير اناجي هاجس القلب واشكيـه اسرح مع الهاجوس بالعرض والطول=حسبي على من لوع القلـب طاريـه ارسلت لك يا متلف الروح مرسـول=وشنت ليـه ياهـوا البـال ناويـه وين انت يالي عن شقى الحال مسؤل=سميتني يـا مهلـك الحـال وخفيـه ياصقر انا لحدي ولابـدي ولاقـول=كني خلـوجٍ فاقـده شـوف غاليـه غصب غصبوني مابها حل وحلـول=تكفى زبنـت خامـد الريـح مابيـه في عالمي غير انت مابـه ولا زول=لا والذي ياشـوق عينـي يتراجيـه امشي وانا فكري من العلم مشلـول=علمٍ لـك الله ينهـي الـروح تاليـه ياصقر حدوني علـى درب مجهـول=وعزي لمن حده على النار واليه(1) صويته / بسم (الله) علاتس يابنت عمي من الاه والوجع ربتس كريم بخلي معيض يفزع لتس وضحى / اقول ورى ماتنطمين لالختس بالدله الحين واهت لتس ماتبقى من وجهتس عقب عمي ورفساته قطعي البصل وخليتس ساكته ابرك لتس صويته / طيب وهي ذاله من وضحى لاعصبت مسعد / ياوضحى يااخوتس الفطور جهز والا ريض وضحى / ياعونك يااخوي مابقى شي امهلني بس لين احط السمن واجيك ابه صويته / يازين قرصانتس ياوضيح عطيني باكل قبل تودينها لهم >> وجه وضحى انثبري لين يخلصون ثم اكلي عقبهم ماعندنا حريم يستسورن الرجال بعدهن >>> وجه صويته مبرطم وضحى / فزي يامال العرس من شايبن ماله سنون وعطي مسعد الحيليب والقهوه صيته / وضحى يااختس والله ماقوى هالشياب علانا الا القرصان والسمن وحليب الخلفات ,, الواحد يأكل لين تطلق اذنه ثم يفسقون علينا ويعبثون ويخيطون ويلبسونا غصب وضحى / ههه ياخبلتس ياهالبنت قولي ماشاء الله وعساه مردود العافيه على قلوبهم مالنا غناة عنهم يابنت العم هكذا وضحى دائماً رغم الالم بقلبها والظلم والمرارة التي تجرعت كاسها الا انها تسيطر على المها بقوتها وحنكتها وبابتسامة لاتفارق محيياها وهذه هي صفات البنت العربيه الاصيله بنت الحمايل واخت الرجال ,, ومكانة والدها بين افراد عشيرتها تجعلها لاتخالف والدها حتى لاتكسر هيبته وهو شيخ قبيلة المساعيد ومعروف برباطة الجأش والحنكة وبقوته ,, فالكل يخافه ويحسب له حساب صويته تصرخ بوجه وضيح / وين وصلتي يابنت العم هااااااااااااه وضحى/ يااختك افكر بامر وخايفه انه مايتم صويته / هاه علميني وشنهو لاتقولين انتس بتنحاشين والعرب رقووووود وضيح / يالرخمه اسكتي والله انتس مع جنبها ومتأثرة بجوليا بطرس >> وجه يقول نشوفها لاجتنا بالربيع >> يالتسذوب مالها مطب هذي صويته / اجل وش بتسوين ياكوندليزا رايس وضحى / اسمعي انا فكرت اني ارسل الابيات الي قلتها لتس من ساع مع ساعي البريد ابو ربابه >>>> وجه يقول كيف ناصل له صويته / يابنت تبين تفضحينا بين العربان والله غير ان ابوي يتحد مع ابوتس ويتضحون بتس وضحى / ياخبله ماني مرسلتها ويقول هذي من وضحى انا بقول لابو كليفيخ يسري يم ديرة ابو صقر الشيخ مطلق ويسوي نفسه عازف ربابه ويقول القصيدة بمجلس الشيخ ومايقول اسم صقر ومنها يسمع صقر الابيات ويفهم انها لي صيته / وابو كليفيخ كيف يروووووووح وضحى / ازهليه هذا يموت بالقرنقش الحمر ولو على قص رقبته وتقولين له رح وقل اني سرقت ليروح ويقول وانا بدفع له ريالين وبقول توصلها وبكل مره ازيد له الكروه صيته / والله انتس ماانتي بسهله يابنت عمي مختس يوزن بلد بحالها وضحى / قولي ماشاء الله يالعنز الفاطر >>>>>>> وجه يقول خمسه وخميسه واسمعي الحين نبا نلم القدحان ونغسلهن واول ماينهجون شيابنا يشووفون اعمالهم نبا نغزي انا وانتي يم الغدير ونتعين لابو كليفيخ سمعت انه عاشق جاويه هناك ويعزف بربابته وهي ماهي جايبتن خبره لانها تعشق ولد عمها بديرتها صويته / اي جاويه ياطر جيبي طراه وضحى / هذي الجاويه جايبها ابو معيض خطيبتس الافدغ تخدمه صويته / ابتس هو متى جابها والله ياحضتس ياصويته بتلقين من يخدمتس وانتي حاطتن كراع على كراع وضحى / طررررررررراخ قومي يامال القمه عجلي بس وخلي عنتس الهياط والاحلام الي ماتودي ولاتجيب وضحى وصويته كل واحدتن ماسكتن نعولها بيدينها ويتسابقن يبن ياصلن الغدير بلمح البصر صويته مقطوعن نفسها / وضحى حرام علاتس وقفي لي وتبتسي وتمسح بخلعتها , تكفين وقفي لي ماعاد اقدر اعدي وضحى / احسن اعدي عشان الشحوم تخف والله ذابحتس البلع ودمتس بارد ابو كليفيخ يردد ويقوووووول
ياعل قلـبٍ يبـي ينسـاك=يا بنت تيبـس شرايينـه يابنت عايش على ذكـراك=ونحلتي الحال يـا شينـه يابنت ما شفت انا حليـاك=بالبيـت يـومٍ تحوفيـنـه يا زين خشمك على محياك=يـذوب يـومٍ تنوشيـنـه والعين ماتقدي الما طـاك=ولا فيـه رمـشٍ تحفينـه والموت في مبسمك وشفاك=أكبـر شجـاعٍ تهزيـنـه عطشان قلبي على لامـاك=من ذبل الريق تسقينه (2) وضحى / صويته انتي راقبي المكان لايطب علانا عصويد عساه الماحي ويعلم ابوي وعمي ثم نغدي طعام جحوش وانا بروح اهرجه وارسل معه القصيدة لصقر وادفع له المقسوووووم كود يكون الفرج على لسانه وضحى /ابو كليفيخ ابو كليفخ ابو كليفخ ومصصصع مع شوته بالعصا لين ربابته هنااااااااااااا اك ابو كليفيخ /هاه هاه هاه بسم الله علي روعتيني يابنت من وين ظهرتي علي >>>> وجه يقول من تحت القشعه وضحى / ابو كليفيخ انا لك والا للذيب >>> وجه يقول بخاطره عساه يقرط بخشمك بس ابو كليفيخ / انا ولد ابوي ولده ويشد حزامه يخسى الذيب وانا ابو كليفيخ ابشري بعزتس لو على قص شواربي >> وجه يقول على هونك ياكوفي عنان وضحى / اباك تنهج يم ديرة الشيخ مطلق وتسوي لهم سامري على ربابتك وتقول هالقصيدة من ضمن القصائد الي بتقولها ابو كليفيخ / ابششششششري ويده على جيبه وضحى / حقك محفوظ بالحفظ والصون وزياده عليه مشلح >>> وجه ناوي يسرق مشلح فهيد عساه النصور الي تقرط بخشمه ابو كليفيخ / تممممم واليوم وانا بديرتهم ولتس ماتبين <<< وجه طايرن قرقوشه يبا يلحق يأصل ديرتهم على حمارته قبل يمسيه الليل -------------------------------------------------- (1) , (2) ابيات لشاعرنا المتألق موسى المشعان _______________ ___  [cc=همسه]نقلتها كما وجدتها أمتعتني وأردت أن تستمتعوا معي بها [/cc] " : ودمتوا 
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| أفراح أبن شينان والماضي | ذيبان | أخبار الرويضة | 22 | 15-12-2009 10:03 PM |
| 5 ملايين درهم للفائز بـ"شاعر المليون" في نسخته الثالثة | آلعوٍد آلازٍرٍقـ | نشيد الروح | 3 | 31-12-2008 10:05 AM |
| 9 تواقيع من راح تكون من نصيبه ؟ | حفيد مجمش | شغب فرشاة | 30 | 30-08-2008 04:37 PM |
| شاعر المليون في نسخته الثانية | ابو نـــmkـــواف | نشيد الروح | 11 | 28-12-2007 08:13 PM |
| ولا تسألني عن اسمي فقد نسيته عندما احببتك. | بدون اسم | الجوال .. و الإتصالات | 9 | 08-04-2007 12:52 AM |
 |  |
العرض الشجري
