| ||||||||||
[الــعــبــاه] صح لسانك يا ناصر البراق الشاعر: ناصر البراق .. ( العباه)
العبا يه عولموها وانفثو فيها السموم = من ملاهي الرقص جابوا فكر تخصير العباة ظيقوا صدر العباة ووسعوا طرف الكموم = ونزلوها لين وصلت آخر أكتاف الفــــــــتاة بانت نحور الصبايا وانكشف شكل الهدوم = والغبية تحسبنها زايده زين وحــــــــــــلاة والبراقع دلعوها لين عام الخد عوم = لازم القرضه توسع والكحل يلقى الحــــياة طوروا شكل النقاب وصارت الدعوه علوم = صار شفاف(ن)يوضح خدها ويا الشـــــــفاة وآخر الصرعه لثام(ن)يفتن الرجل العزوم = والفتن قالوا ضلاله للقلوب المؤمنـــــــــات وش علامك بنت حوى تستبيحين السلوم = أو مع خيلك ياشقراء بعضكم جنس البنـــات قاهرتهم هالعبايه مايبون الستر دوم = جدهم علمان يعني لاصيام ولاصــــــــــــلاة حطوا إن البنت سلعه وغلفوها بالهموم = وارفعوا شعار(ن) ينادي للحقوق الضايعــات من ظلمها والبدو لاصاحت الحرمه تقوم = قايمه تحت المعادي لجل عين الشامخــــــات من ظلمها يوم قام المعتصم من عز نوم = قال وين الكافر اللي يستبيح المسلمـــــات ثم ذبح لجل شعرتها من العدو كثر النجوم = قال هذا حق منهو يستذل الطـــــــــــاهرات نكسوا ذاك الشعار ولملموا باقي السهوم = يكسر الخاطر سهمكم لاضرب في مدرعـــــــات بيتكم لاصار مبني داخل البيت مهدوم = وبيتنا صوم وصلاة وحج وأشهد والزكــــــــــاة إتركيهم يابدويه وخلي اللايم يلوم = وسعي خصر العبايه واكرمي بالمكرمــــــات وإن رفعتيها لراسك أصبح الراس محشوم = العبايه فوق راسك حشمه وطيب وثبـــــــات وماعليك من اللئيمه تحاول تقلدك يوم = لبست البرقع ولكن حن عرق الماجـــــــدات بحنكها ألفين دقه مدري ألف من الوشوم = أو تراه ألفين هكري يكتبون الذكريــــــــــات ولابغت تكتب قصيده قافها هو قاف يوم = (يوم يابا)(يوم يابا)جاك عرق الراقصــــــــات جت تقول إني بدويه قلت أنتي وجه بوم = إعقبي منتي بدويه أنتي جزء من الحـــــصاة يابدويه لايغرك بعض غربان(ن) تحوم = أنتي فوق الكل أنتي فوق روس النايـــــــــفات أنتي يوم الحرب دارت والمعارك (قوم)(قوم ) = عانقت عزوات أخوك صوت ضرب المرهفـات إن حدوا من بيننا أو طولوا حد العقوم = يابدويه طبعي أرقى فوق كل الطايــلات إحذري يابنت منهم طبعهم نفث السموم = عولمتهم لو أعرفها طلع معنى الشـــــــــــتات ظيقوا صدر العباة ووسعوا طرف الكموم = وبيجي يوم(ن) نشوف شقوق في وسط العبــــاة عبر البريد
|
| ||||||||||
رد: [الــعــبــاه] |
| |||||||||||
رد: [الــعــبــاه]
يابدويه لايغـرك بعـض غربـان(ن) تحـوم أنتي فوق الكل أنتـي فـوق روس النايفـات أنتي يوم الحرب دارت والمعارك (قوم)(قوم ) عانقت عزوات أخوك صوت ضرب المرهفات عازف صح لسانك ولسان الشاعرناصر البراق ولاهنت ع القصيده الجزله
|
| |||||||||||
رد: [الــعــبــاه]
صح لسان الشاعر وصح لسنك اخوي عازف صدق الشاعر هذا اللي صار اليوم مو عبايه مهزلـــــــــــ ــــه بس الشرهه ع اللي يطاوعهن في لبس مثل كذا عبايه الله يهدينا جميــــع الف تحيهـ لك اخي عازف
|
| ||||||||||
رد: [الــعــبــاه] حطوا إن البنـت سلعـه وغلفوهـا بالهمـوم . . وارفعوا شعار(ن) ينادي للحقوق الضايعـات صح لسان الشاعر ولسانك عازف اختيار موفق وبما انها تمس جانب اجتماعي مهم حيث الموديلات الحديثة مخلت فيها حشمة ولا ستر والعياذ بالله
|
مواقع النشر (المفضلة) |
|
|