| |
  |
 |
| |||||||
| حكايات من الوجد قصة رواية تختبئ بين الغيم [ للقصص ] |
| | LinkBack | أدوات الموضوع | إبحث في الموضوع | تقييم الموضوع | انواع عرض الموضوع |
02-12-2006, 10:27 PM
| |||||||||
| |||||||||
كارثة هالقرن صدمه هزت القلب الجمود!!
اقرؤوها بتمعن لانها راااااائعه مابقول انكتبت هالقصيده في من لكن من خلال قراءتكم راح تعرفون كارثه هالقرن صدمـه هـزت الصلـب الجمـود ومن صداها رج كل من هو في المشارق والمغارب والجنازه اللي مشـت مـن دون موكـب او ورود وردهـا دمـع العيـون وحزنهـا اكبـر مواكـب حـل فـي ليلـه غيابـك الامــارات الـركـود والشـوارع والمدايـن مابهـا غيـر الهبـايـب والعلـم حشمـه لزايـد كبـر وصلـى سـجـود وانتكـس معلـن حـداده قـال للمغفـور واجـب مـن مخافـه ربنـا خفنـا انتشـبـه باليـهـود ولا مزعنـا الثيـاب لفقـد زايــد كالاجـانـب والبكـا قالـوا يـزيـد المـيـت ويعـذبـه زود واحنا ندري مـن بكانـا يعذبـك يـر النحايـب فلو نها الاسلام اهله مـن بكـا الميـت يالحـود مانهت بعـض الديانـات اهلهـا كـف الهدايـب فالحديث عن النبي صحيح مـن معنـى الـورود قال ان الله لـو قـد حـب عبـدا مـن حبايـب نـادى ياجبريـل قـد احببـت عبـدا فالوجـود فاحبـب العبـد اللـذي احببتـه فـوق الرحايـب فينادي جبريل السماء ومـن عليهـا بـلا فنـود حبوا حبيب الله يامن في السماء فـوق الرحايـب فيحبه اهـل السمـاء ومـن عليهـا بـلا حـدود فيلاقي فالارض القبول ويهنـى بالعيـش طايـب وزايـد الا مـات مانلاقيلـه عـدو ولا لــدود ومن محبتـه وغلاتـه نبكـي كبـار المصايـب واحنا حاولنا انتصبـر بـس اصعبنـا الصمـود وعالفجيعـه ماقدرنـا نجاهـد الدمـع ونحـارب فالنبـي وهـو نبـي شفاعنـا يـوم الـوعـود من فجيعه موته تبنـى دمعتـه طاحـت سكايـب قـال فـي معنـاه ان العيـن بالـدمـع تـجـود والقلب محـزون مـن فـراق اغلـى الحبايـب دام سيدنـا محـمـد مـاقـدر دمـعـه يــذود كيف ماندمـع وتمشـي مـن مدامعنـا المراكـب كنت اظن ان الدمـع حـده مايتجـاوز هالخـدود لين شفته شوف عيني منتشر فـي كـل جانـب قلت هذا بس دمعي , كيـف لـي خلـف الحـدود لو جمعت دموعهـم ودمـوع شعبـك بالحسايـب كـان طمينـا البحـار وكـان هدينـا الـسـدود والخريطـه كلهـا صـارت ميـاه بـلا هضايـب وكان كلفنا المصانـع مـن بعـد حـث الجهـود تصنع انبوب المياه اللـي ابـو اربـع مضـارب مضرب يروي البحار ولي بقـى يـروي سنـود اسيـا وافريقيـا والرابعـه بـاقـي الحبـايـب لـو يقـاس الدمـع حجمـه عالفجيعـه بالنقـود كان عدى النفط سعره من كبـر ذيـك النوايـب ليتني يالـس مكانـه فـي النعـش وهـو يعـود لاتزال القدس منـه ناويـه علـى كـل غاصـب وكـم حكـام وملـوك عيالهـم تعلـن جـحـود وللجنازه يخصصـون رجـال تحملهـا برواتـب بـس انجـال الفلاحـي قطعـوا كــل القـيـود يوم ساقوهـا الجنـازه محملـه فـوق المناكـب مارضـى بكـره خليفـه ينقـل النعـش الجنـود قال النعش مالـه غيـر عيالـه واقـرب قرايـب هذا زايد اللي حملنـا فـوق كتفـه مـن المهـود ولاضحينا في الجنـازه يحملـه بالاجـر حاجـب وا حزن يعقـوب كنـه لفقـد يوسـف بالنكـود بان من محجر خليفه يـوم دمـع العيـن ناضـب غسلـوه وكفنـوه ولاكـسـوه افـخـر جـلـود لبسـوه اغلـى لبـاس تنخضـع دونـه رقايـب العلم ياللي قضـى عمـره علـى عشانـه يـذود لجل ماتوصـل بـلاده فـي اوج اعلـى مراتـب وعضه محمد علـى اسفـل فمـه بكـت حشـود مايعبـر عنهـا شاعـر ولا هــو اي كـاتـب يوم صلـوا عالجنـازه بـلا ركـوع ولاسجـود وعيـن بوخالـد تناظـر والـده للقبـر ذاهـب بـس هـذي سنـه الله ولاعلـى الدنيـا خلـود والقضى حكمـه علينـا والقـدر عالعبـد غالـب وسنـه الله فـي عبـاده مـن حيـاه للـالحـود والحيـاه نقطـه عبـور وكلنـا فيهـا نطـالـب نكرم الميـت بدفنـه ولـو فيهـا فطـر الكبـود وكل مانسرع بدفنه يعتبـر فـي الديـن صايـب حافـظ الله عالتعـاون والخليجـي فـي الشـدود شاركوا دفن الجنازه مانسوا مـن كـان صاحـب مرحبـا بـاّل الصبـاح ومرحبـا لابـت سعـود واّل ثاني و بوسعيـد وابـن عيسـى والنجايـب واليمـن والجزائـر والـعـراق ثــم نـعـود للبشيـر وللاسـد والهاشمـي وغيـر الاجانـب مرحبا باللي حضـر واللـي تعـذر مـن وفـود خـلّـف الـحـر مثلـهـم يـاكـم شـــارب فـي طلايعـم خليفـه ومـن حواليـه الاســود الرجال اللـي استفـادوا مـن ابوهـم بالتجـارب الرجـال اللـي تحـدوا هالـعـواذل والحـسـود واقطعوا كـل الكـلام اللـي سعابـه كـل كـاذب صفهم من عقب زايـد مرتفـع سهمـه صعـود ماتفـرق شملهـم, منهـم عـدو الـدار هايـب كيف قالوا مات زايد كيـف ماهـو فـي الوجـود مايمـوت اللـي مخلـف وراه رجـال وكتـايـب وزايـد الا زال عايـش فـي ضمايرنـا يسـود عايـش الا زال باقـي فـي حشانـا والهدايـب والدليـل الحـان ذكـره تسمعـه لياهـل وعـود الله يطـول فـي عمـره ماكنـه اليـوم غايـب والامانـه والشهـاده واجبـه واحنـا شـهـود بيض الله ويه من هو شورهم قـد كـان صايـب نائبـك مكتـوم ويـا اخوانـك الستـه عضـود لي فـي ثانـي ليلـه ولـوا خليفـه عالمناصـب احترامـا لـك يـازايـد لـنـك الاب الــودود ومن بعد نظره خليفه بانـه الشخـص المناسـب ماعطوا الدستـور يـوم وهـو ثلاثيـن معـدود موقـف يعكـس دولـتـي باحـلـى المـذاهـب ليـت يازايـد عيالـك شفتهـم ليـتـك تـعـود يوم بوسلطـان شـد حزامـه وسـاق الركايـب وقفـوا ويـا خليفـه وحملهـم فـوق الـزنـود ويـن مايامـر خليفـه روضـوا كـل الصعايـب والشعـب بايـع رئيسـه بالحلايـف والعـهـود ومن تهاون دون داره مات بيـن النـاس عايـب ويا خليفه سر , ونحنا شعبـك المخلـص جنـود مانحاتـي دون شفـك لـو تواجهنـا المصاعـب رحـت يازايـد علينـا ونهجكـم نهـج اليـدود لاتحاتي من ضياعه ,, له خليفـه صـار زاهـب رحـت عنـا فـي الصيـام ولاهنـا للعيـد نـود كيـف بنعايـد بعضنـا بالعـزا ولا الرحـايـب؟ كيف والله ثـوب العيـد نلبسـه ونحـط عـود؟ والحزن ثوبـه مفصـل علينـا والويـه شاحـب مابقى فـي اليـد حيلـه وحـل بجسمـي بـرود ولابقى غير الدعاء باسم اللـذي عبـده يحاسـب ياعسى الفردوس فالـك ويـن جنـات السعـود دعوه العشـر الاواخـر ياعسـى فالـك تواكـب قالها العالم بكبـره فـي الدعـاء بعـد السجـود والسديس اختم بها وسط الحـرم تشييـع غايـب الشاعر:محمد بخيت بن النوه المنهالي م ن. العـود الازرقـ
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| المواطنون يحذرون من تكرار كارثة جدة في ظهران الجنوب | محمد | احتواء ما لا يحتوى | 5 | 01-02-2010 02:40 PM |
| التحذير من كارثة صحية عالمية بسبب التغير المناخي | محمد | احتواء ما لا يحتوى | 7 | 17-09-2009 09:03 AM |
| زحمه يا دنيا زحمه | سلطان الشوق | لُغَة الصور .. والكاريكاتير الساخِر | 13 | 13-07-2009 08:36 PM |
| أكبر صدمه؟؟ | بينو يدلع | احتواء ما لا يحتوى | 16 | 31-08-2008 07:36 AM |
| صدمه | محمد | روحانيات | 9 | 19-05-2008 09:17 PM |
 |  |
العرض الشجري
