شاركنا هنا بوضع أحلى مسجات مرت عليك..

السلام عليكم

اخواني الاعضاء الكرام شاركونا هنا بوضع أحلى مسجات مرت عليكم ومازالت في جوالاتكم..


وانا ببتدأ بهذه المسجات


يا هاتفي بلغ من القلب مرسال
وأصدق معاني الحب واغلى هديه
اللي لهم في خاطري طيب منزال
وصل لهم شوقي واجمل تحيه
وسلام احلى من شذا البن والهيل
واطيب من الريحان والنرجسيه..

زمان قاسي والبشر صاروا الوان
وكلن على كيفه يلون حياته
بس الاكيد انا وانت اخوان
انت الوحيد اللي هويته بذاته
والله لاسولف بك غلا كان ماكان
وتبقى بقلبي لين حزة مماته..

لا تحسبني يا اطيب الناس ناسيك
منسى حلا نفسك ولا انسى قدرها
ماغير افكر يا هوى البال واطريك
والنار في قلبي تزايد سعرها
ابيع كل الخلق واكسب معاليك
واترك نجوم الليل وآخذ قمرها..

أعاهدك ببقى انا وانت اخوان
ودرب المحبه يالغالي ندله
يا صاحبي خل المحبه لنا انسان
انسان ما يرضى بحكم المذله
ببحر انا وانت من دون ربان
نمشى ببحر في الاشواق فله
انا معك والبحر والغيم خلان
ما نفترق لو كلن يموت بمحله..

يمكن اغيب ايام وايام وايام
وفيها اسج ولا يجيك اتصالي
لكن تأكد والوعد دوم قدام
ما غبت عن عقلي وفكري وبالي
خذ عهد مني على مر الاعوام
ان جيت غالي وان تباعدت غالي..

تفضل ترا بالقلب دارك ومنزالك
على ما تبي نفسي تجي وانت راعيها
ترفق بقلب صرت تلعب به لحالك
يقول القصايد وانت بعده تغنيها
احبك واحب اسمك ورقم جوالك
واحب الديار اللي رجوالك مشت فيها..


في خاطري لك شي اقوله
مدري تصدقني او تقول كذاب
قلبي يحسك دايم الدوم حوله
مع كل دقة يذكرك يااغلى الاحباب
تدري عليك الروح بالحيل توله
وتدري بعد طيفك عن العين ما غاب..

لك وحشه في داخلي مالها حد
في غيبتك كل المشاعر تنادي
كل الوجوه اللي غدت عني تصد
اقول روحوا لا تردون عادي
إلا انت لك اشتاق شوق من جد
احس لك وحشه تقطع فؤادي

..


يعتادني جو الشقى يوم فرقاك
ويعتادني جو الفرح يوم اشوفك
يشتاق لك بالحيل قلب تمناك
قلبن عشق فيك كامل وصوفك..



...

أنا قلبي من كثر شوقي
ملا صدري
وانا صدري من كبر قلبي
نفذ صبره
من صباح الخير لين الشمس
ماتسري
ومن مساء الخير لين نصير
في بكره
والغلا في داخلي مثل النهر
يجري
ليتك تدري بغلاك داخلي
وش كثره

آمر وانا باخذ من العمر واعطيك
وش فايدة عمري بليا وصالك
وان كان نفس الجرح ياخل يرضيك
اشرب وريدي لين يروى خيالك
وان كان دمع العين ذكرى تسليك
هذي عيوني واعتبرها حلالك

..

الصاحب اللي له في ضميري محبه
ارسله الاشواق جمله وتفريق
الله ينور له حياته ودربه
ويسقيه من العسل صافي الريق
تشتاق له عيني وقلبي يحبه
وله منزله بين كل المخاليق

..
.

الدم ميت والشرايين تابوت
والقلب مجبور على صخ دمي
واغلى البشر حبه على القلب منحوت
ارتاح له وان شفته وانزاح همي
ان خيروني بين فرقاه والموت
كني مخير بين "خالي وعمي"
..

الخواطر سايحه والشك زايل
ومن عرف مثلك عرف قيمة خويه
والذهب ان حاولوا ماله بدايل
والمشاعر بالغلا ماهي خفيه
والنوايا الصافيه اصدق دلايل
ويشهد الله شوفتك مثل الهديه

..

بسألك عن شي مابين الضلوع
ما تشوفه بس تحس وتسمعه
لا يكل و لا يمل و لا يجــــــــوع
بس يوم تصد عنه "تـوجـعـــه "
دوم يبكي ولا بكى ماله دموع
ولا بكى من حبكم ابكى معه
عرفته وش من الاشياء يكون
اذا عرفته تراك عرفت حبك وين موقعه..

يكفيني بس انت لامن قلت وشلونك
تطيب كل الجروح ويختلف لوني
وان غبت عني شعرت بلذة طعونك
وان شفت زولك شعرت بقيمة عيوني
يمكن اكون اعز الناس بعيونك
بس انت كل الكون بعيوني

..



واتمنى تكون المسجات اعجبتكم