| ||||||||
يازين طلعات الشتاء زيناه .... السلام عليكم يالله أنك تحييهم كلهم وتبقيهم وتزوجهم كلهم واللي معرس ياخذ ثانيه خخخخ:biggrin: واللي معنسه جعل يجي هاك الولد المزيون مثلي وتاجر وحلو مره ويجنن وكل شي وياخذها واللي في جامعه وحملت من هالمواد لين قالت بس تطلع ترى مالها العرس هذي سلمكم الله صور طلعتنا في يوم الربوع والخميس في روضه التنهات ((روضه الشيوخ:e191e25c 1f: )) طلعنا من دواماتنا وكل واحد راح لم بيتهم يلبد عمره من هالخلاقين والله ياني طلعت لي ثوباً قديم ولابس هالفنايل والبجامات لين دخت ولابس شرابين خخخخخ حنا خمسه ومعنا واحد الظاهر ان امه تحبه بالحيل كل شوي داقه وتقول لاتفصخ شي من اللي انت لابس والله أنه اذا بغى يلتفت يديور اذا بغى يلتفت واذا جلسنا يمدد رجليه مايقدر يتربع من هالملابس اللي عليه خخخ المهم بعطيكم الصور واتمنى أنها تحوز على رضاء الجميع أهم شي الوناسه :31: . . .. . . خذ لك بياله قبل ماتقرى هالموضوع ثنين من الشباب يدورون أغراض العشاء ويحوسون في العزبه خخخ قبل مانتعشى سوينا ذيك الحليبه اللي مهيب صاحيه شربناها ودفينا بعدها معنا واحدً مرجوج وفيه عجله الله يصلحه مامدانا نجلس الا وهو قايم يصلح العشاء يحسبنا في البيت لازم نتعشى بدري ونرقد بدري بس ظبط لنا هالقصدير على جمر يحبه قلبك من حرصه الزايد ومن رجته جايب 12 كيس مفرود خخخ هذي اغراضنا يوم قمنا الصبح ماندري وين حنا اذانا مجمده من هالبرد وخشومنا مثلجه ولا معنا مناديل وحومنا تسبود بعض كل شوي واحد يناشق أشوى أن غترتي معي خخخخخ ويلاحظ كثره الحطب هنا : ونظبط لنا بريق حليب ونقرب صحن التمر وندق منه لين قلنا بس يوم شربنا الحليبه ونقوم نقفط اغراظنا عشان ننقل لورى الروضه ونغير المحل وهذولا 3 من الشباب واحد جالس يحمل العزبه والثاني يصب لعمه يتوضا توه قايم من النوم عاد عمه نصاب ويقول تراني اقوم بدري ومدري ايش قمت انا واحد من العيال الساعه 7 ويالله يالله قام الساعه 9عقب الصياح والملعنه خخخخخ وهذا عاد يوم وصلنا ونزلنا الاغراض أنا والنصاب خخخ والباقي راحو يجيبون لنا اغراض الفطور لان جايبين معنا نص تيس يوم جينا نقلقل شوي منه صار يالله يكفينا للغداء وقلبناها نواشف وشكشوكه وجابو مناديل معهم بعد اللي متابع زين بيدري ليه جابو مناديل جو الشباب من المحطه وكل واحد مسك له شغله وانا قعدت أصورهم خخخخخخ الشكشوكه و واحد من الشباب جالس يسويها وطلعت شكشوكه أحسن من شكشوكه عبدالكريم خخخخخخخخخخخخخخخ خخخخخخخخخخخ هذا واحد جلس يصلح الشكشوكه ويقلبها وكرشوه الضعيف ياقلبي عليه بس أحبه بعد ماخلصنا من الفطور وملينا بطونا خخ وجلس الشعب السعودي يمارس هوايته المفضله :frown: وانا جالس امارس هوايتي المفضله قسم دبلو تسبدي >>>مهوب عاقل اللي مالعب ورحت عند الضو عشان اسوي لهم الشي وأركب الماء واسحب عليه واروح اتمشى على رجليي فاح الماء وخلص وهم جالسين يلعبون وصلحو شاهي ثاني وجلست اصب لهم ((قهوجي خخ )) برب
|
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
يازين الدفا زيناه | محمد | الأزياء و الأناقه | 7 | 17-02-2010 02:55 AM |
ياعيني على طلعات المغاربة بالبر | سمو الاحساس | منتدى السفر والسياحه | 18 | 29-01-2010 02:47 PM |
يجتمع في الشتاء .... | ابو طارق | روحانيات | 14 | 03-01-2010 10:49 AM |
طلعات يابانيه حلوه... | محمد | لُغَة الصور .. والكاريكاتير الساخِر | 13 | 19-12-2009 07:51 PM |
أمسيات الشتاء | محمد | حكايات من الوجد | 11 | 20-09-2008 04:27 PM |