| |
02-09-2007, 10:38 PM
| ||||||||||||
| ||||||||||||
رد: رحلة **Ham$$ el Shf@if** بالصور ( ابي الكل يشرفني) طبعاً جلسنا تحت نتابع العروض المسرحية وكان فيه محاضرة عن تربية الأبناء وكانت محاضرة حلوة ومفيدة بعدها جاء خبر مفاجيء صادر من وزارة الخارجية (الوالد) وهو النزول لبيت الله الحرام لأداء فريضة العمرة وما كان علينا إلا التوجه للسويت مباشرة للاستعداد للعمرة ومن المواقف الحلوة إلي حصلت معي وانا طالعة مع أهلي للسويت كان المصعد مليان وانتظرت المصعد الأخر ولما وصل ركبت وضغطت على الدور الثالث وبعدها فتح المصعد ونزلت أنا وتوجهت للسويت ولما وصلت وجيت افتح الباب مو راضي ياربي شفيه قلت مالي إلا اتصل على أهلي يفتحون لي ولما اتصلت وقلت لهم افتحوا الباب قالوا طيب انتي وينك قلت قدام الباب وشوي ويرجع يتصل على أبوي قالي وينك قلت افتحوا الباب قال الله يستر عليك الباب مفتوح مافيه احد شكلك مضيعه اطلعي فوق بسرعة قلت ابشر وشوي والتفت وأناظر رقم السويت 224 وأتذكر انو رقم السويت حقنا 334 يعني طلعت بالدور الثاني المهم قلت لأختي الصغيرة شكلنا غلطانين المهم هنا اختي قامت تبكي وتقول اوريك مرة ثانية ما اجي معك أنتي تضيعيني المهم عدت على خير والحمد لله محد كان بالسويت إلي أنا واقفة قدامه كان طلع على وصفقني والله الذنب ذنب الفندق تصميمهم واحد مافيه أية فروق تذكر .. المهم بعدها رحت لأهلي .. ولما جت الساعة 11:00 ليلاً توجهنا لبيت الله الحرام .. وفي الطريق لمكة مرينا على الميقات وصلينا فيه .. واخذت بعض الصور من هناك.. وهنا المحل إلي أخذنا منه الإحرام ..  وبعدها صلينا في الميقات ( قرن المنازل )   والهندي هذا بابا اخذ منه نعال ( زنوبه) وبابا يضحك يقول كل شيء تغير سعره إلا الزنوبه من عرفتها وهي بخمسة والصورة هذي بشق الأنفس خذيتها لأنو الهندي كان يتلف يمين ويسار ويطالع فيني كنه حاس أني بصورة وجلست انتظره لما صد وجهه وعلى طول صورته بس النكتة لما صورت رجع يلف وجه وقتها أنا قلت بداخلي تلفت على كيفك أهم شيء أني صورت وهذي الصورة ..  ولما خلصنا من الصلاة كانت الساعة 12:30 وكملنا الطريق إلى مكة وعلى الساعة 1:00 دخلنا بيت الله وبصراحة أول ما دخلنا مكة كان فيه الكثير من المقاهي والكازينوهات للمعسل والشيشة والجراك>> تقرأ المكتوب يعني شيء يحز بالنفس وجود مثل هالاشاء في بيت الله .. وبعدها صادفنا زحمة قوية مرة أخذت منا نص ساعة وهي ناتج عن حادث مروري مروع سيارة مو باين إيش نوعيتها لانها متضررة مرة وكانت مرتطمة بأحد الأشجار الضخمة والشجرة كانت مسكرة الطريق وكانت متواجدة فرق الهلال الأحمر وضاقت صدورنا والله وتعرفون يعني ساعتها الواحد يكون متأثر فما قدرت أصور المهم بعدها توجهنا للحرم والكل يعرف الشعور الإيماني في بيت الله تحس بلذة وسعادة غير طبيعية مجرد النظر لبيت الله يشرح الصدر ويثلج القلب تحس براحه ودخلنا من باب الفتح لانو باب السلام فيه توسعة التوسعة هذا خاصة بالمسعى الكل طبعاً زار بيت الله وشاف انو الصفا والمروة عبارة عن ممر واحد والتوسعة ستكون عبارة عن ممرين للصفا وممرين أيضا للمروة .. والحرم كان مزدحم لأنها ليلة جمعة والكل يتمنى تأدية صلاة الجمعة في رحابة المهم بدينا الطواف الساعة 2:00صباحاً وخلصنا من العمرة الساعة 3:40صباحاً وبعدها جلسنا ننتظر صلاة الفجر والحمد لله صلينا الفجر وصلينا كمان صلاة الميت على 7 أشخاص الله يرحمهم وكان بصراحة موقف مؤثر أنا أول مرة أشوف جنازة بعيوني الله يغفر لهم ويوسع منازلهم يارب .. طبعاً بيت الله ما يحتاج أصورة الكل عارفة وقام بزيارته وإلي مازاره إن شاء الله ينال شرف الزيارة وهذي بعض الصور لبيت الله أخذتها من أحد الأخوات ..    وبعدها جلسنا في الحرم لحد ما طلعت الشمس.. وبعدها طلعنا من الحرم متوجهين إلى الطائف مرة أخرى .. وهذي بعض الصور وحنا راجعين من مكة .. هنا جبل النور..معليش مو واضحة الصورة  طبعاً الكل عارف كيف الطريق بين مكة والطائف والجبال الحلوة فيه سبحان الله ..   ووصلنا الطائف الساعة 8:20 صباحاً وتعرفون ميتين جوع ووقفنا عند فوال القرموشي بالطائف علشان نأخذ الفطور وعند الفوال صار حادث على نفس الشارع وكان حادث مريع وأنا أول مرة أشوف حادث بعيوني وسبحان الله الحادث سريع جداً وصار في دقيقة كان بين شابين وشايب كبير في السن الشباب مافيهم شيء لكن الشايب فيه جرح برأسه وسيارتهم مرة تأثرت .. بس الحمد لله على السلامة .. بعدها توجنا للفندق .. ووصلنا الساعة 9:30 صباح يوم الجمعة وعلى طول نمنا وبكذا ينتهي اليوم الثاني .. ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ــــــــ يتبــــــ ـــــ ـــــ ـــــــع .. آخر تعديل رويضة العرض يوم
02-09-2007 في 10:41 PM.  |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| يشرفني الأنضمام اليكم ... | مخاوي الذيب | مرفأ البداية وروح التواصل | 12 | 02-06-2009 07:13 AM |
| يشرفني الانضمام لكم | الٌغٌآنٌيٌهٌ | مرفأ البداية وروح التواصل | 16 | 12-03-2009 06:04 PM |
| رحلة للصمان بالصور | عبدالله بن سعود | منتدى السفر والسياحه | 17 | 11-04-2008 02:33 AM |
| رحلة حفيد مجمش بالصور | حفيد مجمش | منتدى السفر والسياحه | 23 | 24-11-2007 04:25 AM |
 |  |
العرض الشجري
