| |
02-09-2007, 02:04 PM
| ||||||||||||
| ||||||||||||
رحلة **Ham$$ el Shf@if** بالصور ( ابي الكل يشرفني)  السلام عليكم ورحمة الله وبركاته .. مساء الخير جميعاً .. واسعد الله أوقاتكم بكل خير .. انا احب السفر كثير واحب التصوير اكثر ولان القسم هذا شويه نايم حبيت انزل فيه موضوع يخصني .. والجميع يعلم بأني منذ فترة قصيرة انقطعت عنكم وذلك لسفري إلى ربوع المملكة الحبيبة .. وفي هذا الموضوع تحديداً أحببت أن اعرض عليكم سفري بالتفصيل .. من أول يوم في سفري إلى أخره .. وكان الهدف من السفر زيارة بيت الله لأداء فريضة العمرة .. والحمدلله تمكنا بفضل الله من أدائها يعني راح تعيشون جو السفر واعتذر لكم لقلة الصور لأني فقدت البعض منها .. وبسم الله نبدأ .. هذي طبعاً أول صورة وهو الوقت إلي انطلقنا فيه من الرياض وكان يوم الثلاثاء فجراً ..  وطبعاً كان معانا كل ما نحتاجه من الأكل والشرب علشان ما نوقف كثير.. ولاحظوا الوقت جداً مناسب لاننا في صيف وتعرفون الجو حار فحلو الواحد يمشي آخر الليل لأنه الجو حلو وبارد عكس العصر.. وأنا انصح إلي يبي يسافر يمشي آخر الليل لقوله صلى الله عليه وسلم: (عليكم بالدلجة فإن الأرض تطوى بالليل).. ولا تنسون دعوة المسافر مستجابة .. المهم بعدها الكل جلس يقرأ دعاء السفر .. إلي هو : " الله أكبر ، الله أكبر ، سبحان الذي سخرلنا هذا وما كنا له مقرنين وإنا إلى ربنا لمنقلبون .اللهم إنا نسألك في سفرنا هذا البر والتقوى ، ومن العمل ما ترضى ، اللهم هون علينا سفرنا هذا وطوي عنا بعده ،اللهم أنت الصاحب في السفر ، والخليفة في الأهل ،اللهم اني أعوذبك من وعثاء السفر ،وكابة المنظر وسوء المنقلب في المال والاهل" هذا اليوم الأول: الاربعاء 1\ 8 \ 2007 م وهذا مدخل الرويضة بس معليش مو واضح لان التصوير والسيارة تمشي  وتعرفون الليل اغلب الصور مو واضحة فيه أنا خذيت لي كم صورة بس مو واضحة للأسف .. المهم لما تعدينا الرويضة وتحديداً بالخاصرة صلينا الفجر .. وهذي بعض الصور لما نزلنا نصلي بس ماهي واضحة  وهذا القمر أمكن محد منكم شافه لا تفهموني غلط اقصد محد شاف القمر من الخاصرة يعني >> مروقه  وهذي صورة محطة من الجهة المقابلة بس مو واضحة معليش  المهم صلينا ولله الحمد وأخذنا صور وكملنا الطريق على بركة الله وهنا لما طلع النور وبدت تشرق الشمس ..  بس نسيت اسم المكان بس كان الطريق ملعوب فيه بالحفريات وما فيه لوحات إرشادية ولاشيء يعني لو ما كنا في النهار كان صار لنا حادث لا سمح الله لاننا نمشي عادي شوي ويتحول الطريق للخدمة اثبت لكم خطورة الحفرية وكونها مو واضحة كان فيه هايلوكس غماره وحده ما أنتبه للمطب الاصطناعي ونظراً لقوة المطب وكون السائق حاول تفادي المطب أدى إلي انكسار العجلة الأمامية والله مدري وش اسمها بس الكفر طالع من مكانه والسيارة مايلة على جنبها والمؤثر وجود امرأة وطفلتها الصغيرة بالسيارة وكانت الطفلة تبكي بصوت مسموع بفزع أتوقع خايفه المسكينة وزوجها ماكان في السيارة أتوقع راح يجيب احد يساعده والمؤلم انو السيارة كانت على الطريق الرئيسي من جهة اليمين يعني لو يجي احد السيارات وما انتبه لهم احتمال يصطدم بهم ومشينا وأنا قلبي مع الحرمة وبنتها وادعي الله يحفظهم وهذي صور من الطريق وهذا جبل عجزت أحفظ اسمه أقول عنه (دميخ) وهو (دمخ) ويقول الوالد بان فيه الكثير من المغارات والصورة طبعاً من السيارة ..  وهذي كمان صور للجبل ..    وبعدها وقفنا في استراحات ساسكو للتزود بالوقود .. وفيها غبار قوي وهذي الصورة ..  وبعدها انطلقنا على بركة الله .. ووقفنا مرة ثانية لأنه سر الحياة (الماء) نفذ ووقفنا في الموية والمضحك انو لما أخذنا منهم كرتون كاسات ماء وجابه اخوي كان واضح علة الكرتون سوء الحفظ يعني متشقق الكرتون ولونه اصفر وحالته حالة لما شافه بابا كذا طلب من اخوي إرجاعه وأخذ النقود فما كان من الهندي إلا أن قام بتبديل الكرتون بواحد جديد مع العلم انه قال لأخوي " مافيه جديد كلوا كذا" لكن خاف لما رجعناه له >> شفتوا العمالة هذي الصورة   لا ومسوين ازعاج وكاتبين سوبر ماركت على إيش بس ..؟ المهم ما علينا استمرينا في المشي وفي حدود الساعة العاشرة دخلنا الطائف عروس المصائف .. وما أجملها من عروس خصوصاً جوها الجميل اللطيف .. وهذي بعض الصور من مدخل الطائف .. في هذه الصورة يلاحظ مطار الطائف إذا انتبهوا تشوفون طائرة على اليسار وخلف الشجرة بعد ومعليش الصورة بالسيارة  وهنا أيضا يلاحظ المطار يمين الصورة ..  وهذه صور من المدخل ..   يتبــــ ــــ ــــــ ــــــ ـــــع .. 
آخر تعديل رويضة العرض يوم
03-09-2007 في 02:03 AM.  |
|
02-09-2007, 02:51 PM
| ||||||||||||
| ||||||||||||
رد: رحلة **Ham$$ el Shf@if** بالصور ( ابي الكل يشرفني) وبعدها اتجهنا للسكن وكان في الهدا في فندق جراند بهادر- الهدا وكنا قد حجزنا مسبقاً ..وبصراحة نصيحة للجميع المفروض يحجز الواحد ويرتاح من الدوران ..  وهذي صورة للبوابة الرئيسية ..    وطبعاً فيه سيارات عرسان عند الباب كلها ورود وحركات حلوة .. ودخلنا الفندق الساعة 11 الظهر .. وكان هاديء الكل نايم وهذي صور من اللوبي الخاص بالفندق ..    هنا خيمة شعر يقدمون فيها القهوة في اللوبي..  هذي الخيمة من قريب في جنبها جمل جالس .. بس خفت منه وما صورته أخاف يسوي لي شيء ..   والحين بنطلع للسويت .. وزي ما تشوفون المصاعد الكهربائية ..  وهذي صورة من المصعد ..  وهنا وصلنا للدور الثالث ..  وهذا منظر للوبي من فوق ..  والحين نتجه لمكان الإقامة ..  طبعاً هذا الممر والسويت يكون على يدنا اليسار  وصلنا بالسلامة للسويت .. وهذه هي البطاقة الخاصة بفتح السويت ..  يتبــــ ــــ ــــــ ــــــ ـــــع .. |
|
02-09-2007, 03:55 PM
| |||||||||||
| |||||||||||
|
رد: رحلة **Ham$$ el Shf@if** بالصور ( ابي الكل يشرفني)
ماشاء الله عليك والله على كثر ماشاهدت في عالم الانترنت من رحلات بالصور ماشفت رحله مثل كذا مرتبه ومنظمه وتنسيقك رائع فيها واجمل صور مع ان الكاميرا اتوقع كانت كاميرا جوال لأن الابعاد . مره مو تمام ولاكن ماشاء الله أبداع واحسنتِ بالترتيب والتنظيم الله يعطيك العافيه وعمره مقبـوله والحمدالله على السلامة وماتشوفون شر إن شاء الله ننتظر جديدك في الحـلقة الجاية وان شاء الله أقرب رحله بسوي تنظيم مثل تنظيمك لعل وعسى. تحياتي لك...ِ علي عفيش
|
|
02-09-2007, 09:13 PM
| ||||||||||||
| ||||||||||||
رد: رحلة **Ham$$ el Shf@if** بالصور ( ابي الكل يشرفني)  وهذا السويت .. نبدأ أولا من المطبخ الجانبي ..  وهنا غرفة النوم .. بدورة المياه الخاصة بها وانتم بكرامه .. ويلاحظ وجود بالكون مطل على منظر رائع .. ويمكن من خلاله مشاهدة الهدا   وهذة دورة المياه ..  وهنا صورة للبالكون ..  وهنا صور من البالكون ..  وهنا الغرفة الأخرى وهي كنظام سابقتها إلا أنها اكبر من حيث الحجم ..  وهنا صورة البالكون ..  وهذه من داخل البالكون .. من جهة اليمين ..  ومن جهة اليسار..  وهنا دورة المياه الخاصة بها وانتم بكرامه ..  طبعا كنا تعبانين فنمنا ساعتين من بعد صلاة العصر للمغرب .. وهذي صورة وقت المغرب (الغروب مالحقت عليه)  وهنا صورة في الليل ..  ويلاحظ وجود مسرح يقام عليه فعاليات .. وبعدها نزلنا تحت في البهو يوجد ثلاثة ادوار كلها ترفيه والعاب وسوق ونادي وبلياردوا ومسابح وهذي الصور .. ولانه بهو لازم ننزل له ومن هنا نزلنا  طبعاً هذا مدخل البهو ..  يتبــــــ ـــــ ـــــ ـــــــع .. |
|
02-09-2007, 09:50 PM
| ||||||||||||
| ||||||||||||
|
رد: رحلة **Ham$$ el Shf@if** بالصور ( ابي الكل يشرفني) وهذي صور لثلاثة ادوار الخاصة بالبهو .. وزي ماقلت لكم الثلاثة ادوار تحت الارض  وهذي كمان  وطبعاً لعبت لعبتي المفضلة .. ( الهوكي)  وهنا صورنا أنا وأخواني طبعاً أنا صورت بنقابي>> لا يفوتكم الشكل  وهنا صور من الساحة الخارجية إلي يقام فيها عروض المسرح ..  بس وبكذا انتهى اليوم الاول .. وكان يوم طويل وشاق ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ــــــــــــــ اليوم الثاني: الخميس 2\ 8 \ 2007م صباحاً الساعة 11:12 صورة للساحة الخارجة وتبدر خالية تماماً ..  وهذي صورة ثانية أبيكم تدققون زين في أقصى اليمين تحصلون مبنى هذا هو التلفريك ..  وهذي كمان صورة بس الجو مغيم ..  وهذي الصورة الساعة 3:00 تلاحظون الناس بدت تجي ..  وبعدها نزلنا تحت .. وهذي بعض الصور الخاصة بالساحة الخارجية .. وفيها الكثير من محلات البيع والمقاهي ..     هذي صورة لمدخل البهو في النهار ..  وهنا مدخل الفندق ليلاً ..  يتبــــــ ـــــ ـــــ ـــــــع .. |
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| يشرفني الأنضمام اليكم ... | مخاوي الذيب | مرفأ البداية وروح التواصل | 12 | 02-06-2009 07:13 AM |
| يشرفني الانضمام لكم | الٌغٌآنٌيٌهٌ | مرفأ البداية وروح التواصل | 16 | 12-03-2009 06:04 PM |
| رحلة للصمان بالصور | عبدالله بن سعود | منتدى السفر والسياحه | 17 | 11-04-2008 02:33 AM |
| رحلة حفيد مجمش بالصور | حفيد مجمش | منتدى السفر والسياحه | 23 | 24-11-2007 04:25 AM |
 |  |
العرض العادي
