والله انا لقيت الموضوع من كم سنه ماطلع.. قلت خلني انقذه مدام عندي مواقف..
من المواقف اللي مرت علي وهي طبعا محرجه....
+++++++++++++++ +++++++++++++++ +++++++
1- مره من المرارير ذهبنا انا وبنات عمي الى السوق وصار لوحده من بنات عمي موقف لا تحسد عليه.. ألا وهو اننا كنا نتمشى مع بعض وقررنا نرقى لدور الثاني وكانت المسكينه لابسه جمزمه مفتوحه ((اللي كنها جزمة باليه)) وسبقتنا على الدرج وفجأه غيرنا راينا مانبي نرقى وسحبناها من الدرج المتحرك قبل ترقى لـــكـــن يوم سحبناها قامت تهلوس وقالت كلمات غير مفهومه وتنحت وعيت تتحرك بعدين احنا انتبهنا لجزمتها اليمنى اللي رقت لدور الثاني لوحدها والناس قامت تتفرج عليها مستغربه ويضحكون يحسوبنا نستهبل..كلنا جلسنا نضحك وما قدرنا حتى نوقف جلسنا على الارض وهي الضعيفه تترجانا نروح ونجيبها طبعا ولا وحده منا قامت لاننا فاطسين.. هي راحت بجزمه وحده تمشي ورقت ولبستها ونزلت عندنا وقعدت تضحك معنا وما وقفنا ضحك الا لين انتبها اننا مو في بيتنا..
+++++++++++++++ +++++++++++++++ +++++++
2- انا يامحاكيتكم من يوم كنت صغيره احب ألعب واحد طش كانت عشقي وهيامي وكل شي بالنسبه لي المهم اني اذا لعبتها(( اتوزا)) يعني ((اختبئ)) في مكان صعب جدا واتحدى ابن امه يلقاني لدرجه اتوزا في اماكن خطره و وعره و بعض الاحيان تسبب لي مشاكل صحيه وبدنيه وكل شي..
المهم اني مره لعبتها في مزرعتنا مع شلتي يوم كنا صغار.. اهم شي لعبناها وكان موب علي وانحشت اتوزا المهم انها بدت تقول واحد طش.. ثنين طش ..ثلاثه طش..... المهم انها قالت تسعه طش وانا مالقيت لي مكان اتوزا فيه وشوي واشوف باب الحمام مطرف(الله يكرمكم) انا هنا طمرت ودخلت فيه وطبيت في البانيو وانبطحت فيه عشان محد يلقاني.. وفجأه ما دريت الا فيه يد كـبــيــــره وطويـــلـــه تمتد نحوي وتمعطني مع اذني وتذبني برا الحمام .. انا تورطت وتوهقت بس الغلط عليه موب علي.. ليه؟؟ مايسكر باب الحمام اذا كان فيه.. بس كان هذا اخيس مكان توزيت فيه.. بس كل ماتذكرت هذا الشي مت من الضحك..
+++++++++++++++ +++++++++++++++ +++++++
ولي رجعه مع المزيد من المواقف اللي غاصه بها حياتي..
ورونا موقفكم..
30-03-2009, 06:55 PM
رد: مواقف محرجه... تعالو شاركونــــــا ’’’ 
المواضيع المتشابهه 
العرض المتطور
