مزاجية ... ان شاء الله تعجبكم

كنت طالع اتروق مع خويي اتسوّق=انتخير بالبضايع بين اشماغ وطاقيّه
وانتمشى في المحاري انتروى وتروّق=شي يعجبنا خذيناه او عطيناه عطيّه
وانترافق بالسوالف والضحك فينا تمرّق=لين صابتني بسهمها وسرقتني حراميّه
وصرت اناظرها بعيني مع خويي انتبقق=وهي تناظرني وكنها شيخة الغزلان هيّه
انصفقت انا بمكاني وصارت ارجولي تزحلق=وهي تمشي في عطرها ورد اجبال حضرميّه
والشباب تمشي وراها.. اتخيل واتعوّق=ثابته هي ابخطاها ماتلفت >> اجوديّه
اجمعت مابين الاثنين من تغرب او تشرّق=صارت ابعيني حلاها احضريه وبدويّه
كل جمال الكون فيها وللنواظر اتشفّق=صعبه الميراس صعبه والنواعس نجديّه
احتار عقلي وش بلاها العيون ليه اتبرّق=اتركت اللي وراها ونظرتلي هالبنيّه
سارت ارجولي وراها غصب عني اتسرّق=لين راحوا من وراها جننتهم اشوسيّه
ارتعبت الدور عندي وقلت ياقلبي توهّق=اعقدتلي احجاجها وقلت طردتها قويّه
انخبص ميزان وجهي وفي كلامي اتبوّق=والثقل اسمن صفاتي.. بس ماخلت عليّه
قتلها ممكن اكلمك قبل ما طير واحلّق=ردت بهمسه خفيه ..((اذبحتني الجاذبيّه))
ارتعد كل شي فيني وانصعق قلبي تعلّق=اذهلتني في عبارة وسحرت قلبي جنيّه
وانتبادل بالكلام وصرنا فبحور انتغرّق=وسرحت في شيٍ فبالي هو جمال الشاعريّه
مادريت وشهو الكلام نار في قلبي تحرّق=كيف اوصل لهواها وهي اصلاً مزاجيّه
طالت الافكار فيني وانا واقف اتشوّق= ما وعيت الا بقفاها وبصراحه اجنبيّه
وكيف قالتها اتبسّم وانا واقف اتشهّق=انت فايز بي خلاص وبسجلي رقم ميّه!!
ارحلت عيني وراها والخوي فيني تشقق=تسعه وتسعين قبلي!! صدق انج (مزاجيّه)