|
أنا وددسني والحطب للبيع كلــّه علشان عيون (عبير ) قررت عرض نفسي وسيارتي الددسن والحطب للبيع وبالمزاد العلني $ المعذره انتظروني حتى اعود بمشيئة الله لأعطائكم السالفه من طقطق حتى السلام عليكم الأن مضطر للمغادره لظرف طاريء$ انتظرونيييييي اذا رغبتم لطفا لا امرا |
اكيد بتقولون مصــّخها المعذره ظرف خارج عن الاراده ومع ان المزاج غير رايق بتاتا ورغم اني اكتب مباشرة من الكيبورد اليكم الاّ انني حزمت امري والعذر اذا لم يرقى الموضوع لأذواقكم0 (صوت عبير) المكان - صالة الجلوس امحق صاله مترين في مترين الوقت 00 الساعه 3 بعد منتصف الليل الهدوء يخيــّم على البيت وأبو الشباب متلحــّف بفروته وكاشخ بالبجامه القطنيه وألاعب الريموت فوق تحت ابحث عن القنوات الرياضيه (ايه هيـّن ) الزوجه وعيالها نايمين من اول الليل علشان المدارس والشجر يمطر (مي ) على قولت شاعرنا الامير بدر بن عبد المحسن وفجأة يدق الجوال رنه وحده ويقفــّل قلت مابدهاش خل نجرب دعاية التوصيل السريع (اتصل نصل ) واخم الجوال من الربشه قلبي يدق دقات غريبه ودّي بالزوج وودّي بأهلي على قولة المثل الشعبي خايف وزيرة البيت تسمعني قلت اشــّيك على الوضع الأسري اتفقد الرعيه وبعد مااطمئنيت بسماع شخيرهم في سابع نومه وأتصل وانا متدثر بالفروه واول مادق يرد علي ذاك الصوت اللي يرد الروح الووووووووووووو وه فصــّولي 0 قلت فصــّولي ويش تبين بفصولي انا كلــّي فصول السنه ومير تكركر البنيه وترد اخوي انا ابغى فيصل ضروري قلت تبغيني انا الوكيل الشرعي لفيصل ولاتسمع الاّ كركر فطست ضحك وانا رايحن (وطي ) العرق يتصبب والصوت الرخيم ينساب ويسلب القلب وماحوى ماعندي صبر قلت ممكن نتعرف عمري على طول صارت عمري (الأرانب وافره )0 ( ولد نعمه وسيارتي --همر--) أحس البنيه مستعجله قلت تدللي اي خدمه راسي فداك ومير تموت من الضحك وبخبث قالت انا مااحب الطفارا انت ولد نعمه والاّ من شلــّة سلــّفني !! قلت افاااااااا انا ولد نعمه ونصف بس املك تواضع رهيب وسيارتي ( الهمر) موديل 2005 مادرت اني اتمنى اخذ عليها دوره وشلون املكها واحس البنت فكــّت معي عندك همر وولد نعمه ؟!!! اكيد ماراح ترفض لي طلب ؟ قلت ومنهو اللي بيرد لك طلب لحظه من فضلك برجع اكلمك 00 (السطح والبرد وعبير) واخذ عمري للسطح وادق عليها وانا اتراعش من البرد وعلى طول ترد هلا ماقلت لي اسمك قلت وانتي ماقلتي المهم اسمي (هشام) ويدلعوني هشــّومي قالت انا اسمي (عبير) قلت ويدلعونك (عبــّاره )؟ وهي تقفل الخط ياشين المزح الثقيل طارت البنيه من يدي وارجع اتصل معليش ياروحي (انواع الدجل ) اسف حبيت امزح معك قالت لاتكررها معي قلت اوكييييييييه تدللي 0 (ابغى بطاقة سوا) وبصوت يقتل الأشناب قالت عمري قلت كرريها ماصدقت قالت عمري قلت( لبيك شبــّيك هشومي بين ايديك) قالت عندي امتحان بكره وماذاكرت ياعمري ابي بطاقة شحن سوا بكلم زميلتي علشان تذاكر لي مادري ومن غير شعور قلت حاضر تكفى تهز جبال ابشري بروح اشتريها لك وبكلمك بعد ماشتريها تامرين امر يابعدهم كلـّهم0 ( طفران وورط نفسه ) ياشين الطفر راس المال (زيرو) على الحديده ويش الحل ؟ قلت مالها الاّ اهلها والى غرفة النوم يام ( ) المسكينه قامت مفزوعه عسى ماشر قلت ابد ابغى 100 ريال معك ؟ قالت لا والله مامعي ويش بغيت بها هالحزّه جايع اصلــّح لك شيء تاكله ؟ ورد عليها بتصنــع ابد السيكورتي حق العمل ارتفع السكر عند ابوه وراح للمستشفى وطلبوا عليه قيمة العلاج وطفران المسكين قامت مذعوره ياربيه شف مصروف العيال واعد الريالات مالقيت الا 15 ريال قلت باقي 85 ماينفع نومي بطلع له وبتصرّف لاتخافين لازم انقذه مايصير اتخلــّى عنه وقت الزنقه قالت جزاك الله خير الله يوفقك طمــّني اذا بتتأخر 0 ( مالها الاّ ابيع الحطب ) جت على بالي فكره جهنميه الددسن محمل بالحطب شاريه قبل يومين ب500 ريال قلت اروح سوق الحطب ابيعه بعد صلاة الفجر واحل مشكلة(عبير) تنجح يعني تنجح وخبركم سوق الحطب في الجنوب وانا في الشمال مايهم !! الحب اعمى نسيت وماامداني اركب الددسن الاّ والجوال يدق ويقفل قلت خل نتسلى لين سوق الحطب هلا عبير انا ادور على البقالات وكل شيء مقفل بروح بنده وخذ سوالف وضحك عبير -- الاّ لون الهمر حقك هلالي ؟ قلت هلالي والكشافات بيض ومظلل وكاتب عليه (قاهرهم ابو يعقوب ) و(لاترحمهم المدمره الجمعان) 0 اعرف نفسي نصراوي قلت لازم نكمل المشوار لاتروح عني (عبير) اتخيل شكلها وانا ارتعش من البرد 0 وصلت سوق الحطب قلت خليني بشوف بنده وارجع اكلمك قالت اوكيه اتعبتك عيوني وانا اتشقق اول مره اسمع عيوني بها النعومه واصف الددسن بين دداسن وونيتات الحطب واشوف اهل الحطب متجمعين على نار ويصلحون قهوتهم ماتسمع الاّ دق النجر دندندندننددننن سلمت عليهم ابيهم يقولون تفضل ردّوا بي وجهي عليهم غريب قالوا نعم وعليكم السلام احس انها بدون نفس مايهم اخواني معي حطب احد بيشتريه ؟ قالوا حنا نبيع مانشتري صل مع المسلمين الفجر وعقب الصلاة حرّج عليه والله يرزقك ماقالوا اقلط قلت اضف وجهي ارقد في غمارة الددسن الين تجي الصلاة وحتى اسلم من الاحراج كلمت (عبير) قلت انا ادور من بنده لبنده مقطوعه البطاقات بس بروح للمحطات على طريق المزاحميه قالت اوكيه بنوم ارسل رقم البطاقه رساله الله لايهينك 0 والأن حانت صلاة العشاء الصلاة ونرجع لكم ان شاء الله تعالى |
بصراحه العنوان قووي مره مره مره مره مره ههههههههههههههه من اسم الموضوع يخلي الي مايضحك يضحك بالقوه يخلي الأاطرم يتكلم ههههههههه يلا يلا يابو هلا ننتظر ..الموضوع.... اول واحد انا علي عفـيش |
ماصدقت على الله يؤذن اول مره ادخل اول واحد للمسجد خصوصا صلاة الفجر شوي ويقيم الامام للصلاة وبدون قصد سهيت وانا اصلي قلت بصوت مسموع _ ياشاري الحطب_ واول ماسلم الامام قال من اللي يقول ياشاري الحطب قلت انا واسف سهيت ياشيخ قال ماتوفــّق في بيعتك يا 00000000 طلعت وانا مالي وجه ورحت عند سيارتي انتظر المحرّج جاني وبدون يشاورني 100 ريال من يزود قلت ظمنـــّا قيمة البطاقه وكل ماجوا حقين المندي والمقاهي قالوا حطبك ماينفع بريال مايصلح للمندي والمعسل المحرّج طفش ماحد سام الحطب قلت بعه ب100 ريال خلصنا ولدي مريض بالمستشفى ضحك وقال قديمه غيرك اشطر اكيد سارقه 0 ورطنا من جد عبير خلــّت كرامتي في الحضيض حرامي على اخر زمن المحرّج جا بيروح عنــّي قلت تكفى وانا اخوك حرّج على الددسن مع الحطب قال تأكدت انك سارق الددسن بحطبه وماصدق الين عطيته الاستماره والبطاقه وماتشوف الا الناس ضحك وكركره تخيلت كركرت عبير وااي الفرق شاسع0 دعوة امام المسجد صابتني ماحد سام الحطب ولا حتى الددسن ومعه الحطب صاروا يدقــّون الحطــّابه علي الرجال مسحور والا مريض اقروا عليه عند المطوع والا روحوا به لشهار !!! حسبي الله عليك ياعبير حطيتيني مريض وطلعتيني من عيالي ياالله حسن الخاتمه قلت للمحرّج حرّج علي مع الددسن والحطب كلــّه لعيون عبير ببيع نفسي وهنا نزل المحرّج من فوق الحطب تأكد له 100%100 أني ممروض اجل احد يبيع نفسه 00 & حراج وحده حراج ثنتين& ناظرت يمين ويسار ماشفت احد من جماعتي اخاف يعيروني بقولتهم يالمحرّج وبديت اصيح بقوّة صوتي حراج وحده حراج ثنتين ومابعد الحراج الاّ البيع انا وددسني والحطب للبيع اول من يسوم تراني ببيعه فتح الباب 100 ريال واشوف ابوهنووود جوني يتراكضون قالوا نشتريك بس اول نجربك نفتح لك محل خضار ويتنافسون عليهم اليمنيين قالوا بنفتح باسمك محل ذهب وبقوتهم الجسمانيه جو الافغان قالوا بنفتح لك محل مفروشات وياخذوني البنغاليين على جنب قالوا بنفتح لك سوبر ماركت في البطحاء ومن الفرحه بمستقبل زاهر وكلّ يرمي علي الفلوس اللي تدفن _فقري _ وتوفر بطاقات سوا لعبير واتخيل وهم يسحبوني كل يقول تعال معي _الهمر _ وانا اكشخ عليه وقد ولــّى زمن الطفر وقام حظي وماهي الأّ لحظات عابره عشت معها حلم جميل ومعاناة قاسيه شفت الدنيا تضحك لي ولو اني بصير عامل عند اجنبي مايهم واذا بصوت يجلجل انه منبــّه الجوال يشعرني بحلول صلاة الفجر الصلاة خير من النوم عندها استيقظت تاركا احلامي الى واقعي واهم شيء بقى الددسن راس مالي والحطب000 لكم تحياااااااااااا ااااااااااااااا تي |
النقد اللي وجهته وبطريقتي الخاصه من خلال طرحي لهذا الموضوع لم يكن لمجرد الضحك وخروج المتصفح بدون فائدة لا والف لا حتى ولو كان في منتدى الصرقعه والوناسه الاّ انني اهدف الى ايصال كثير من التصرفات والسلبيات الخاطئه والمدمره في مجتمعنا ولكل حرية طرح مايراه وللأخرين معارضته وابداء رأيهم بكل شفافيه 00تعالوا معي 00 على وين ان شاء الله ؟ تعالوا واقرأوا مابين السطور لتعرفوا مااريد ايصاله 1) هناك من الازواج من يتلصص اخر الليل على القنوات الاباحيه 2) وهناك من يكلم غير زوجته مستغلا نومها وثقتها 3) وهناك من يشحن بطاقات سوا للمتصلات حتى ولو اضطر لحرمان اطفاله مطالبهم بل تجدونه بخيلا وقعيطي في بيته كريما على بنات الناس 4) حتى لاتكفشه ام العيال يضطر للخروج الى الشارع او الصعود للسطح للتحدث مع (عبير) الاسم الخيالي الذي اخترته وغير عبير 5) لو طلبت الزوجه حليب لولده اخر الليل قال خلينا ننوم الصباح رباح وتظطر لأشراب طفلها مويه ولو كلمته عبير طلع في عز البرد وطار عنه النوم في لمح البصر وينطبق على الشباب العزاب ماينطبق على المتزوجين يعصي والدينه ويرفض طلباتهم وعبير وطقتها يخدمهم في اي وقت 6) صلاة الفجر نفرط فيها جميعا وفجأة ومن اجل صوت انثوي لاتدري عن ملامحها شيئا يطير عنك النوم ومع ذلك مايكلف نفسه بالصلاة الفرض مع المسلمين 7) مباهاتنا بأننا عيال نعمه ونملك مال قارون قدّام البنات واذا انكشفت الحقيقه طلعنا بلوشي طفارا مايملك بعضهم في جيبه ريال ويدعي انه (منغنغ )مدري لاتكون كلمه كوريه 8) ممكن يبيعون كل شيء من اجل سهرة حمراء وقد يبيعون مايملكون بتأثير المخدرات ليشتروا بقيمتها مخدرات وماهي (عبير ) و(هشام ) الا رموز لأشخاص وتصرفات موجوده بيننا 9) بسط نفوذ العماله الأسيويه على مصالحنا الاقتصاديه بمباركة من ضعفاء النفوس من بعض المواطنين يفتح سجل تجاري ويجهز المحل ويعطيه العماله مقابل مبلغ (طفسه ) شهريا وشوفوا الحوالات للخارج تدهر والعامل يتحول الى هامور ويوظف عنده شبابنا وياخذ مصالحنا بمباركة المواطن 10 ) تحالف ابناء الجلده الواحده في مجال معين الافغان في الزل والبنغاليين في البقالات واليمنيين في الخضار والمندي والسودانيين في المواشي والهنود في المطاعم والاتراك في الحلاقه وقيسوا على باقي المصالح وياويلك من يشاركهم مهنتهم يحاربونه ويكسرون سوقه 11) اظن عرفتوا هدفي من طرح الموضوع وحتى ناخذ راحتنا في كتابته بالطريقه اللي شفتوها حطيناه (هنيــّا ) وحتى تشاركون كل بطريقته المحببه له في الرد بعيدا عن الرسميات -- لهذا اوضحت لكم أخواني واخواتي ماكنت اهدف اليه وان كان حلما يقلق المضاجع مثل تلك التصرفات 0 ولكم تحياتي |
ابو عبدالله الله يعطيك العافيه على الطرح الهادف والمفيد وإن شاء الله يصل الهدف من الموضوع ويستفيد الجميع |
اقتباس:
الحقيقة قصة خيالية جميلة وووضحكت من طريقة الحرفنه كثيراً وبسم الله ماشاء الله عليك يابو عبدالله وتعرف كيف تصيغ السيناريو القصصي لكي تخرج بالفائدة ووقد خرجت بها جزاك الله كل خير وهي الاهداف التي استنتجتها وهي الحقيقة المريرة التي يعيشها بعض الناس ولا نقول كلهم ولكن من يتق الله يجعل له مخرجً ،،،،،،،،،،،،،،، ،،،،،،،، ومشكور وماقصرت جعلك تسلم |
يعطيك العافية اخي محمد على الطرح الهادف والموضوع المشوق وإن شاء الله يصل الهدف من الموضوع |
حتى لا تقولوا لاطشه كتبته في منتديات صخب انثى وهمس العيون قبل سنه وجئت به هنا نبي نفرفش |
هههههههههه موضوع حلو اخوي محمد مشكوور ولاهنت |
موضوع هـأدف جميــل وقصه حلوه .. والنقـأط الي وضحتهـأ مفيده مشــكور اخوي محمد على الموضوع الهـادف .. تحيـأتي لك .. العود الازرقـ |
اقتباس:
موضوع القــصه رائع وتسلم ابو هلا على القصه وفي انتظار تكمله السالفه تحياتي لك ابوشيهانه |
شكرا شكرا شكرا ويلكم ويلكم ويلكم ابو هلا |
اقتباس:
هاه عبير بتسلم عليك مذكور لها إنك ولد نعمه يعني مطخطخ ومحتاجه لهمر تشخص به عند زميلاتها ويش رأيك تقسط عليها والكفيل عبدالله بن فيصل :36_13_6: |
اقتباس:
حبينا ندغدغ مشاعركم مع البرد تشوفون الرومانسية :36_11_15: |
مشكور اخوي محمد على الطرح ماقصرت |
ابو عبدالله تصدق لي يومين قاعد اقرأ قصتك اقول الرجال ان شاء الله بيتزوج عبير !!!!!!!!!!!!!!! !!!!!!!!! واثاريك بعد المرمطة هذي كلها تحلم احلم يا حبيبي على راحتك بس اذا حلمت خلك مطخطخ يعني احلم بالهمر والفيلا والملايين مو هوب تحرج على ددسنك الـ 84 قصة جميلة ابو عبدالله وهدف اسمى طرح موفق لمناقشة عشرات القضايا في مجتمعنا المعاصر لا هنت ابو عبدالله |
سعد بن تويم -- شكرا لحضورك الجميل الخيال احيانا يجيب الدواهي بس وين الوقت للخيال؟ كلمات رائعة بحق اخوك الطالب في مدرستك لا عدمناك |
عبد الله بن فيصل -- يا مدوّر الفايدة من عندي اخرطي حبيت اوسع صدري وصدوركم |
مصيول----------- وشولنك ابن عمي --- عندي لكم وحده ثانيه |
ههههههههههههههه ههههههههههههههه ههههههههههههههه هههه يعطيك العافيه بوعبدالله على القصه الرائعه |
يعطيك العافية يابو عبدالله على هالموضوع الحلو والمشوق وعساء الفائدة منة تعم الجميع |
اقتباس:
|
رد: أنا وددسني والحطب للبيع بناءا على رسائل عدة أعدنا لكم (الخبال ) في ليلة شتويه |
رد: أنا وددسني والحطب للبيع يعطيك العافية يارب شيء رائع بالفعل |
رد: أنا وددسني والحطب للبيع حلووووووووووووو وووووووووووه الموضوع قديم وانا توني اقراه |
رد: أنا وددسني والحطب للبيع اقتباس:
= العود الازرق = والله من زمان فاقدينك وين الغيبات تسلم على الاضافة والعذر للتاخير نسيت الموضوع ههههههههههههه |
رد: أنا وددسني والحطب للبيع اقتباس:
= شموخ انسان = حياك وليد عمي جانا الشتاء ورجعت عبير تتصل هههههههههههههه ارسل لنا شحنة حطب |
رد: أنا وددسني والحطب للبيع يسلمو ابو هلا وربي فطسسسسسسسسسسسست ضحك ياحبيله بس هو وعباره<<وقسم تسدحت ضحك على الدلع.. |
رد: أنا وددسني والحطب للبيع اقتباس:
ابو رنا ------ ام هلا وقاريته والقصة هزليه ولها مغازي والثانيه واصله ههههههههههه انتظرني عسى مااجيب العيد الاّ على طايري عسى ماجيب العيد ويش يقصدون فيها واحد محتار. |
رد: أنا وددسني والحطب للبيع اقتباس:
محمد بن تركي -- وينك فقدناك يالغالي |
رد: أنا وددسني والحطب للبيع اقتباس:
جالس بالبيت علشان ماتغرد العنود وتزعج الجيران امها بالمدرسه واخوانها وماعندنا شغاله وانا الضحية حمدت الله ان عمرها 5 سنين والا تورطت من جد هههههههههههه انتظر موضوعي هذا اللي عايشته اليوم على الطبيعه وين ملابسك يابنت ههههههههههه خوذي سندوتشه من احلى بابا هههههههه |
رد: أنا وددسني والحطب للبيع اقتباس:
|
رد: أنا وددسني والحطب للبيع لو تأملنا بأحلامنا لشفناها ماهي إلانتاج عقلنا الباطن وزخم اليوم علينا يترجم بها أو انها تنتهج نهج التنبيه لأمر ما ،، أو نتاج عشا دسم يطلع كابوس ههههه مشكور بوهلا على طرحك المشيق الرائع انا من اول ماقريت اسم عبير وقلت الاخ بيحلم هههههه جميلة هي الفكاهه عندما تداعب العقل بنفس الان شكرا |
رد: أنا وددسني والحطب للبيع اقتباس:
= ابوصفوق = هلا وغلا يارب تسلم على المرور |
رد: أنا وددسني والحطب للبيع اقتباس:
الله يسلمك افتقدناك |
رد: أنا وددسني والحطب للبيع اقتباس:
|
رد: أنا وددسني والحطب للبيع موضوووووووووع روعة وقوي جدا وهداااااااااااا اف بارك الله فيك يعطيك العااافية |
رد: أنا وددسني والحطب للبيع هههههههههه الله لا يحرمنا من جديدكـ |
رد: أنا وددسني والحطب للبيع المعذرة على التاخير في الرد وللجميع كل من فحط وهو مار من هنا وكل من حط مشاركته شكري وتقديري |
| الساعة الآن 10:22 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..