| |
18-05-2013, 05:01 PM
| |||||||||||||
| |||||||||||||
فن اختيار الملابس  نصائح اختيار الملابس الانيقه المناسبه مع الموضة يعتبر اختيار الملابس المناسبة فن رفيع ينم عن ذوق واحساس رفيع باتجاهات الموضة الحديثة ولذلك نحن هنا اليوم فى موقع النادى سنتحدث عن كيفيه اختيار الملابس المناسبه مع العلم ان البساطه هى اساس الجمال والاناقه ، كما نها تتماشى مع جميع انواع الموضة ولا اعتقد ان هناك ملابس رقيقه وبسيطة وشيك لن تكون جذابة . وطبعا مش محتاجة حد يقول لك إن الموضة بتعتمد على البساطة فى اختيار اللي يناسبك ويناسب جسمك من الملابس واوعي تنسي إن اختيارك لملابسك بيعكس ذوقك وشخصيتك بصفة عامة علشان كده قبل ماهنقول لك الموضة إيه عايزين نقول لك على شوية نصايح تساعدك في اختيارك لملابسك زي: نوع قماش الملابس ياريت تبعدي تماما في اختيارك للملابس الصيفية عن الأقمشة اللي بتحتوي على مواد صناعية زي "البلوستر" خاصة لو كانت بشرتك من النوع الحساس، وعلى فكرة هتلاقي إن أكتر أنواع الأقمشة اللي هتريحك هي الأقمشة "القطنية" أو "الكتان" لأنها بتمتص العرق وبالتالي بتعطيكِ إحساس بالراحة طول اليوم. لون قماش الملابس مش محتاجة حد يقول لك إنك تبعدي نهائيا في اختيارك عن الألوان الغامقة وده لأن الألوان الغامقة بتمتص أشعة الشمس، وبالتالي بتدي إحساس بزيادة الحرارة خاصة لو كنتِ من الناس اللي بتتعرض للشمس كتير، وبالتالي ياريت إنك تختاري الألوان الفاتحة. وخلّي بالك إن لون الملابس لازم يكون مناسب للون بشرتك، وده ممكن تعرفيه وإنتِ بتقيسي ملابسك فى المحل تقفي قدام المرايا وتشوفي إذا كان اللون لايق عليكِ ولا لأ. ملابس مناسبة وبما أن البساطة هي عنوان الشياكة فياريت إنك تختاري الملابس اللي تكون عملية ومريحة وتناسب فصل الصيف.. يعني لو كنتِ طالبة هتلاقي إن أكتر الحاجات المناسبة ليكِ إن تكون ملابسك عبارة عن بلوزة وجيبة أو بلوزة وبنطلون قماش أو جينز. طبيعية الجسم ولأن طبيعية الجسم هي اللي بتفرض نفسها في اختيار الملابس ولأن الملابس ممكن إنها تداري بعض العيوب الموجودة في الجسم هاقول لك على حاجة تخلي بالك منها، وإنتِ باختاري ملابسك وهي إنك لو كنتِ... صاحبة جسم رفيع هتلاقي إن من أكتر الحاجات اللي تليق عليكِ هي الألوان الفاتحة اللي بتحتوي على نقشات كبيرة متباعدة عن بعضها وابعدي نهائيا عن الأقمشة ذات النقوش الصغيرة لأنها هتبين إنك أرفع بكتير..... أما لو كنت... صاحبة جسم ممتلئ لصاحبة الجسم الممتلئ يفضل إنها تبعد نهائيا عن الألوان الفاتحة لأنها بتظهرها أبدن مما هي عليه.. لو مضطرة إنك تلبسي ألوان فاتحة ممكن إنك تشركي معاها حاجة غامقة، يعني بلوزة فاتحة وبنطلون غامق مثلا.. كمان بيفضل إنك تختاري القماش اللي بيحتوي على نقوش صغيرة وخطوط رفيعة بالطول وتبعدي تماما عن الخطوط العريضة التي ترسم على القماش بالعرض لأنها هتظهرك في حجم أكبر مما أنت عليه. أفضل وقت لشراء الملابس أفضل وقت تقدري إنك تشتري فيه الملابس هو النهار وده علشان تقدري إنك تحددي لون القماش على الحقيقة بعيدا عن أضاءة المحلات الملونة اللي بتغير شوية في لون القماش.. كمان خدي بالك من حاجة مهمة قوي وهي إنك ماتذهبيش لشراء الملابس وإنتِ حاسة إنك مش في وزنك الطبيعي.. يعني لو حسيتِ إنك مليانة شوية استني لغاية ما وزنك يرجع إلى طبيعته، وده نفس الحال لو كنتِ حاسة إن وزنك أقل من الطبيعي. غسيل الملابس طبعا لو اخترتِ ملابس قطنية أو من نوع الكتان فدي بالذات بتحتاج معاملة خاصة في الغسيل وهي إنك تغسليها بمية باردة لأنك لو غسلتيها بمية سخنة هتلاقي القماش اتكرمش وبقى صعب جدا في الكوي... كمان ياريت إنك تتبعي الإرشادات الخاصة بالغسيل اللي بتكون مكتوبة على التيكت. 
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| نصائح فى اختيار الملابس التى تتبرعين بها | لغة العشاق | حواء | 2 | 21-05-2013 09:20 AM |
| كيف لا أرضى وهو اختيار ربي | فكر | احتواء ما لا يحتوى | 5 | 20-09-2012 07:06 PM |
| قوانين قسم اختيار الذائقه | سلطان الشوق | صهيل القصيد | 0 | 05-04-2010 11:31 PM |
| اختيار الكتاب | خالد00 | احتواء ما لا يحتوى | 4 | 28-08-2008 06:50 PM |
 |  |
العرض الشجري
