لاطالعوها قلت تكفون ياعيال

#1 (**permalink**) 11-09-2012, 06:55 PM

عهدي بها قدام تلبس عبايه
وانا بعد قبل ألبس شماغ وعقال

طفلين نتهجّى حروف الهجايه
الله ياماجمل سواليف الأطفال

كانت لنا في كل شارع حكايه
وكنا نقول علوم ماهيب تنقال

وكنت اتقاسم ماامعااهـا معايــــه
من أيسكريمالتوت للعلك ابوريال

وكانت بعكسي شاطره في القرايه
تقرأ جزء عـمّ وطـــه والانفااال

وأنا لك ‘الله‘‘من مواري غبايه
مدري ابو النقطه هو الدال او ذال

وكانت لابويه تشتكي من شقايه
وتعلّمه كيف اربط الباب بحبال ..

ياما على ظهري كسر من عصايه
يقول لي / خلّك وأنا ابوك رجّال

وامي تقول / ادع لولدك الهدايه
خوفي يصيبه كثرة الضرب بهبال

لاشفتها مع اول الدرب جايه~
مدري أنا اللي ملت ولاّ الوطا مال

أحسّ قلبي يرتجف فـي حشاايه
ماكنّه الاّ الضيف لاهزّ فنجال

ياما عن"السّعلي"تخبّت ورايه
لاخوفوها فيه ثم شافت ظلال

تقول / خلّك يا حمودي معايه}}
واسّتأنس العب عندها دور الابطال

وآغار حتّى من عيون اصدقايه
لا طالعوها قلت / ((تكفون ياعيال))

..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تكفون ياعيال العود رحبو فيني	محمد	مرفأ البداية وروح التواصل	9	13-03-2012 01:02 AM
تكفون ياأهل الرويضة تكفون ياعيال الظهيري تكفون يالسهول (أناشدكم)	محمد السهلي	شاعر المليون	14	05-02-2012 06:42 PM
تكفون يالنشاما تكفون(الغزواني )	محمد السهلي	مرفأ البداية وروح التواصل	39	09-06-2007 03:15 PM
تكفون يالنشاما تكفون(الغزواني )	محمد السهلي	أخبار الرويضة	3	02-06-2007 07:05 PM
تكفون يالنشاما تكفون(الغزواني )	محمد السهلي	احتواء ما لا يحتوى	1	02-06-2007 10:05 AM

لاطالعوها قلت تكفون ياعيال

صهيل القصيد