سيرة الشاعر / هويشل بن عبدالله الهويشل رحمه الله **

كم في حدب العجائز من عصاة = تابعـات كـل شيطـانٍ هَمـوز
ربعهن لإبليس أبا زنـه خـوات= ساد سياتَ العمل شهب القـزوز
كل سكان العرض حضره والبداة= ينسبون العلم عن ذيك العجـوز
جعلها الله مـا تطـب العاليـات =جِعِل عِلثتها على الله ما تجـوز
ما تفوز بطاعـة الله والصـلاة =والذي يحبط عملهـا بـه تفـوز
جعلها عشرين يـوم مـا تبـات= واللدم في جنبها مثـل الحبـوز
جعلها لداب يحول مـن صفـاة =هايش للرجـل بأنيابـه يمـوز
جعلها لجـان يُوديهـا الصـراة =عاصي يرقا بها روس القحـوز

يا إمام العَدِل أمر علينا نمشي للجهـاد= دون بيت الله , نقاتل ملاعين اليهُـود
حن بيت الله بشكوى على طير الهداد =حاكم من وقت فيصل على تِرثَه سعُود

آدمِـي تعاجيبـه تخـرف الـفـؤاد =وآدمي ظَهَر لأهل المودة ضـد يـد
وأبتجح في ثمر قلبي وزيـن المقـاد = سعِد من جت له الدنيا على ما يرِيِـد
ما مشى بالبـلاد ولا مشـى بالعبـاد = ولا ظهر بالعذارى مثلهن يـا سعِيـد
واحد اسمه سمِي اللي سَمـر بالهَجَـاد = واسم الآخر بجوف العرض رسم وكيد
راعي الولف الأول ما لحبـه عـداد = وراعي القرن الأشقر قام حبه يزيـد
الجدايل مطـارق مـوزة فـي بـراد = أو تشادي خوافي ناعمـات الجِريـد
يا حلايا آلمها يـا لابسَـات الفـراد = سعِدِ من شاف سبع رعيفـات سريـد
من تحت قِذلة تشدِي سبيـب الجـود = ذيل شقرى تبِي الفـزاع فيهـا حديـد
ما مشى بي وزين الروح مشي الركاد = كان حقي و زين الروح يَدري الحَميد

الهشيلي بدا في راس في رجـم رقـاه = هيضه عبـرة مـن شوفتـه للحبيـب
ويتخير من أمثالِـه علـى مـا طـراه = جايبه من ضميره على مثل سيل جذيب
قال من ذكرتـه البيـض حـل عـداه = يوم جاني سلام الـي نباهـم عجيـب
يا سلامي عدد وبل نـزل مـن سمـاه = عدد نبت الزهر في كل روض عشيَب
مرحَبَا بِه عدد من زار سوق الصفـاه = عد ما سار فيه من النضـا والسِبيـب
يا غـزال ملـح اللـون عـدم سَحَـاه = عبث ما هوب من راعي المهاوي قريب
مايـق فـي شبابـه واصـل منتهـاه = كن غاوي اوي دلاله سكر في حليـب
كن خد الحبيـب بـارق فـي طهـاه = والنهد مستقـل لـون بيـض الربيـب
ذهِب ذاك النما والشايـب اللـي غـذاه = وأذهب الحال مقطوع الرجا والنصيـب
لا تمحـن عوَيـد يـوم ربـي هـداه = شايبٍ تايبٍ من رحمـة ربـي قريـب
ساجد وأطلب الله من فضايـل عطـاه = زل عصر الشباب وحل عصر المشيب

سَقَى دارهُم من عقب نبت الخضارا = من الصيـف ودان يَقلـع شجرهـا
إلى وَدن الشقرا وغـرس الجبـارا = لـسـلان الجهـيـش حـدرهــا
تشوف الجوازي في نباتـه تبـارا = تقطف من الريضان زايف زهرها
إلى صرت أمير يا الوحر ويش تارا = بذباح نفس ما نشد عـن خطرهـا
إلى طب يلعب بَطل أهـل الممـارا = عَفَر خد وضاح العواتـق قمرهـا
ولا له جِنيس فـي جميـع العـذارا = كما دانةٍ جنِيت من أسفـل بحرهـا
أنا البارحه عينـي تهـل العبـارا = وعيا سَعَد يا ويلهـا مـن سهرهـا
ذبحني عفيف ما يعـرف المـدارا = ضربني على كبدي برمح سَمَرهَـا

يا حايرٍ في عالي الفرق مـا ذيـق = عذب عدَاَ عَن مشرِبه عسر مرقـاه
راحت عليه غصون قلبي محاريـق = أمس قويت الصبر واليوم ما أقـواه
من شان ناس حملوني مـلا أطيـق = وأشكي على اللي جَاب ذا النون بدعاه
خلوني أبرد عبرة الصـدر بزعيـق = تجلاَ وحَم حر على القلـب يَصـلاَه
يا مـل قلـب دار بيـن المعاليـق = دَور المزن إلى ارتعش وانتثر مـاه
ويا فيض دمعي فيض سيل المخانيق = إلـى وطـاء شعبـه مـزن تعـلاه
هدب النواظر تدفـق الدمـع تدفيـق = والقلـب كنـه يـوم يلتـج ببكِـاه"
أجمل من العفري وشقـح الغرانيـق = ومعصفـرات شييخـي كنهـا إيـاه
العين عين اللي لَخَـص بالدراريـق = قايد خشوف الصيـد علـت معَـلاه
أشعل نظيره فيـه مثـل الزواريـق = وإلى خزر به طالب الغي مَا أحيـاه
والوسط متـاخ العـذوق المعاليـق = سبحـان ربٍ بالتغازيـل سَــواه
إن طب يلعب فرق البيـض تفريـق = واللي بروُسِ البيض بالرجل ياطَـاه
يا لاَيمِي جِعلِـه ربيـب الخنانيـق = دابٍ مع الصفره لطَم سـاق يمنَـاه
يا لايمـي جِعِلـه يتيـه الطواريـق = يتيه تيه من بغى الـدرب وأخطـاه

يا طير ما تعِطي الجنحـان عاريـه = لي لازم ما قضيتـه عنـد خلانـي
آخِذ عليك أربع الشـدات عصريـه = وأرد عليك الجناح إلى انقضى شاني
وله على شوف جيل فرع مرخيـه = ولهٍ على شوفهـم والبعـد عدانـي
من دونهم خشيم عوصـا والمحليـه = والصيهد اللي ربابـه دق غزلانـي
في ديرة جعلهـا بالغيـث مسقيـه = في العرض , جرف عدامة كل ودانِ
من دافـق رافـق تركـاه نسريـه = مِزنه تهشم علـى مبهـل وفيحـان