| |
08-08-2012, 02:27 AM
| |||||||||||||
| |||||||||||||
وش يذبح المشتاق ياصاحبـي نيـران شـوقـي مقابـيـس شفهـا بصـدري تاكـل أقصـاه وادنـاه وليتنـي للشـوق واقفـيـت بـاريـس والشـوق مايرحـم خفـوق(ن) تــولاه وخليتنـي مابـيـن هــم وهواجـيـس و(زهور حزن)! وفوح (مسك المعانـاه)! ومن يوم بصر فـي طبوعـك تضاريـس بيـن الفـراق الـمـر واللامـبـالاه.. . أدمنـت أنـا ريـح الحبـر بالقراطيـس وادمنـت مـن زود الولـه ريـح معنـاه الوقـت لا قيـض يجـي بـه نسانيـس وانتـه ربيعـك مايجـي منـه رجــواه ياصاحبـي والليـل ضــوه فوانـيـس فانوسك اللـي بالحشـا ويـش طفـاه؟! وش يذبح المشتـاق غيـر الوساويـس هـو صاحبـه يـذكـره والا تنـاسـاه؟؟ والا الغـلا ماهـو مـجـرد أحاسـيـس واللـي خلـق حبـك بقلبـي وســواه إنـي أحبـك حـب فــوق المقايـيـس والله فلا أحـد(ن) حـب مثلـه وشـرواه يعني غـرام أهـل القنـص بالقرانيـس وهيـام قيـس بـن المـلـوح بلـيـلاه وعشق البـدو لمشاهـد البـر والعيـس ووجـد المعـنـى للحبـيـب ولقـيـاه قـدام حبـي لــك تـراهـم مفالـيـس واكبر دليـل إن شفـت عينـي بتقـراه شفني سهـرت وكـل ابوهـم مناعيـس مافيهـم اللـي جــر قـافـه وغـنـاه من حر شوق وفيـض مـوق وكوابيـس والا طرالـه طـيـف خـلـه وعـنـاه ياصاحبـي ليتـك مكـانـي وباقـيـس من شان تعرف ويـش معنـى المسـاواه تدري وش اضمى من عروق(ن) ميابيس؟ أبطـت لهـمـال المـواصـل تـحـراه وامر واقسـى مـن حيـاة المتاعيـس؟ اللي خـذوا مـن قاسـي العمـر قسـواه لا صرت تعشق واحد(ن) صوب باريـس الموت بعـده واسعـد المـوت لقيـاه!!!
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| تدرين وش يذبح الرجال ويذله؟ | سمو الاحساس | صهيل القصيد | 3 | 20-05-2011 11:21 PM |
| صوت البنيه يذبح الرجال | محمد | صهيل القصيد | 10 | 25-07-2009 08:01 PM |
| فيها زين واااو يذبح | الماسة وحساسة | الوقاية خير من الف علاج | 8 | 13-02-2008 05:38 AM |
| يقـولــون عندنـا برد..؟ شف البرد اللي يذبح !! | عبدالله ابن فيصل | لُغَة الصور .. والكاريكاتير الساخِر | 10 | 31-01-2008 03:30 AM |
| واحة المشتاق | نبض الحياة | صهيل القصيد | 6 | 25-06-2007 10:14 PM |
 |  |
العرض الشجري
