|
رد: بوح الاحساس مشكلتك إنك تجهل بقلب مغليك وتجهل بلحظات الغلا وش تسوي ياشين ليل البارحه يوم احاتيك حزين وانا الحزن ماهو بجوي لكن عزايه لا جفتني خطاويك بهرّت انا شعري وشبيت ضوي في سيرتك غرقان لين اذّن الديك وانا احسب اني بأول الليل توي تركتني وابعدت عني حراويك وخليتني مابين ضعفي وقوي من غبت وافواه الأماكن تناديك والنوم صار بغيبتك هو عدوي تبخل بمداتك على كثر ماعطيك وانا آتساقط لك رطب من علوّي نقشت لك حنا حروفي بأياديك وياكثر ما استمطرت لرضاك نوي الله يسامحني ويغفر تماديك يوم تعزف لحن الغياب المدوّي للوصل باب وللمفارق شبابيك وليت الجفا ياتي برفق وتروّي |
رد: بوح الاحساس يا قاتلي مادرى عنّي ولا ويني ! ياقاتلي ليت صبري ربع من صبرك على كثر م انت جافيني وناسيني على كثر ما أشوفك غير واعتبرك ولا تغيرت و سنيني ~ هي سنيني شاعرك ~ عاشقك ~ مجنونك على خبرك مااعرف شـ اسمي ولا ادري عن عناويني ! ضايع مع الحزن خفّاقي على اثرك مافيه درب ٍ يودّي .. ما يودّيني مدامك الارض قل لي ليه ابختصرك ! أحبك بكل م املك من شراييني ليتك محطه يعبر العمر وآآآعبرك انت اشتركت فـ / تفاصيلي و تكويني كني انا انت ,, من صغرك إلى كبرك تغيب و آآصير صبّ و يعترك فيني أشباح نسيانك .. و ملايكة ذكرك وتطيح من عيني الدنيا على ايديني لو أخسر الناس انته بس ما آآخسرك خذني على قدّ حبي لك و تخميني و لا تعذّر ,, لأني دآيم آآآعذرك وتعال شف وجهي المُنهك وشف عيني وخذني بآياديك من سحرك الا نحرك من كثر ماقلت بـ تجيني ولا تجيني و انا معك نصف معك ونصف ينتظرك علمتني مااضيّع شيّ في ايديني انا فدا امك وابوك وعفوك وشكرك العمر ماهوب بسنينك و بسنيني العمر لحظة محبه تعتبر عمرك |
رد: بوح الاحساس نشوة رضا رشفة وهم نكهة احزان (احساس مدري ويش اسميه جاني) من كثر احس اني مع احساسي انسان احس ان احساسي انسان ثاني اسمع بصمتي عزف موسيقة اوزان وارسم صداها في ضلوع المعاني وشلون الّونها ؟ وانا مالي الوان غير البياض وحلمي... |
رد: بوح الاحساس هدهد غيابك جـَرَح طـاري هـدبـك البارحه.. والناس مجـتـمعـيـن..! سـكـتّ..! ولا سمعـت اللي عـذلـنـي غـيـر بـعـيـونـه..!! يـلـومـونـي .. وانا احب الملام اللي عشان اثـنـيـن : عـيـونـك .. والصباح اللي أشوف ومـايـشـوفـونـه وبكره : صـباح الـنـور.. يـاوجه الـصـبـاح اللي يـجـي بالـخـيـر..!. طـويـت : الـبارحه* ، والـنايـمـيـن، وصـفـحـة عـتـابـك . عذرتك.. قـبـل مـاهـدهـد غـيـابـك مـن هـدبـك ،، يـطـيـر وسبـقك من السماح اخضر على"عـرش" الغـلا جابك..!! حـبـيـبـي ... ياهـلا والله بـحـبـيـبـي وافـي الـتـقـصـيـر عـدد : مـاعـدَوا اصـحـابـي وراك .. وغـاروا اصـحـابـك . يسومون "العـطـا" بــ اسـم "الـخطا" في كفة الـتـبـذيـر خـطـاي ..! ولا صـوابٍ مـا يـوصّـلـنـي عـلـى بـابـك.!! أنـا فيني تعـب ، فيني عـتـب ، فيني جروح اكْـثـْيـر ، ولا فـيـنـي أكـمّـل مابـقـى فـيـنـي .. مـن غـيـابـك.. ولا فيني ... |
رد: بوح الاحساس ياعصافير .. مدري. ! وين اروح اشتكيه صاحب مـن عرفتـه ماعرفـت المنـام ياعصافير احبـه . (حسبـي الله عليـه) لاتركنـي انـام .. ولاتركـنـي ونــام أااااه .. ياني تعبت من السهـر احتريـه كـل ماهتّـزّ كتفـي فـزّ جفنـي وقـام ياعصافيـر والله انـي امـووووت فيـه فوضـوي مرتّـب بعـثـره بانتـظـام اعتذر منه وارضا من الزعل قبل اجيـه ويحضننه عيونـي قبـل اقـول السـلام صدقيني بغيت البارح ازعـل عليـه.. ! بس كنه وحشني ..! وصار فيهـا كـلام ياعصافيـر حتـى دفتـري يشتهـيـه كن بينـه وبيـن الشعـر حالـة هيـام كل سطر يتمنى اكتـب اسمـه (عليـه) وكـل صفحـه تهنـدم للقلـم باحتـرام ياعصافيـر واللـي بالسمـا نرتجـيـه انهـا عيطمـوس مـن رجـال عظـام بنت شيخ تخاف الشمـس تشبـه يديـه لاشرق نور كفـه طـاح حيـل الظـلام يخجل الشعر فينـي منـه قبـل ابتديـه والحروف تّعّذر عن حروفـه صيـام ..! ياعصافيـر .. مثلـي لاسكـت اعذريـه دام منّـي قصيـدي لابـكـا. مـايـلام يكفـي انـي ابيـه ولاابيـه وابيـه .. وهو يبيني وبينـي وبينـه الليـل حـام ياعصافير مـدري ..! لاتقوليـن ليـه.؟ (السـلام عليكـم وعليـك السـلام ):: |
| الساعة الآن 06:03 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..