ذبحت قلب غايته بين اياديك ... قلب حزين زايد الشوق لاعه .

قلب عن العالم بأسمك يناديك ... يسألك ليه اليوم تكتب ضياعه .

قلب يبيع الناس لاجلك ويشريك ... يا غايته ارضاك عنده ابضاعه .

أمن اول درب الوفاء من مباديك ... واليوم بدلت الوفاء بالقطاعه .

ضيعت قلب في غرامه يواسيك ... لو لا الحيا حبه علي الناس ذاعه .

لا شك يا خاين الود بأوصيك ... كلمات حزن واحترف اوداعه .

لا عاد تطريني ولا عاد انا اطريك ... القلب ضاق اليوم عقب اتساعه .

في عالم النسيان ضاعت محاريك ... وقلبي علي فرقاك زاد اندفاعه .

اقولها واعيد يا زين ما ابيك ... من باع قلبي يا اريش العين باعه .