بوح الاحساس

لو يجتمع في داخل الصدر " قلبين "
ماغير " نبضك " في حشا الروح لايق
" وان كان روحك ضيعتها العناوين "
تعال تلقى في ضميري " الحقايق"
" أغليك " انا من بد ناس كثيرين
والقلب لك " ديرة " ان كنت ضايق

إذا مريت صوب الدار الاول ....... أشوف الدار تذريها الذواري

اخف السير في دربي واحول... و اطالع من يميني ومن يساري

و اعيد الشوف واذكر عام لول... و اشم الدار واتقفر لثاري

تقول الدار ماضيكم تحول... و لا يبقى لكم في الدار طاري

على اللوحات ممنوع التجول ...و جيش الحب معلن بالطواري

مثل ما قال راعي الوصف لول... كلام الليل يمحيه النهاري

الا ياليت ذاك الوقت طول... وخلا الماي في مجراه جاري

صروف الوقت والدنيا تهول... تشف لحد والباجين خاري

وتاخذ من حقوق الناس لول... وتعطي حد ولو هو ما يداري

و تبع الحب ما يبغي تسول... و لا تيبه فلوس ولا اجاري

أقول في نفسي وأنا أعايد الناس،،،متى بشوفك تكمل أفراح عيدي
أجامل وربي عليم ٍ بالإحساس،،،وشهو شعوري وأنت عني بعيدي
اللي خذاني لك على سهو هوجاس،،،حسيت نفسي وسط ربعي وحيدي

من أرخص الألعاب وأسعدها في السابق ..!

هل يعرفها جيل الآي باد ..؟!