| |
13-07-2012, 01:59 PM
| |||||||||||||
| |||||||||||||
صارت مثل الوردة الوحيدة يحس فيني ... قبل لا أحكي ! ... عن إللي بـ خاطري و فيني وكل ماجيت أبـ تكلم , عن " الأحزان " ؟ هو / يبكي ! غريبه ! كيف يفهمني ؟ ويقراني ؟ وأنا عيني - أغمّضها إذا شفته . . . و أحاول . . . إنّي ما أشكي عليه شلون أخبّي شي ؟؟ وأشوفه ( حافظ سنيني ) !! إذا بـ أضحك قبل لا أضحك ...... تسابق ضحكته ضحكي . لأنه عارف أحوالي قبل لا يسأل [ شـ فيني ] لزمت " الصمت " في لحظة سؤاله . و أتركه { يحكي .} ... قلت .. أبحكي .. ما رأيته .. وما سِمَعتَه للذينه .. يسمعُونِي , و يفهمُونِي , دَام خفَّاقِي كفَلها " قصةٍ " صَارت و عِبرَه و " نُور دَرب " العارفينه وإستَحَت ( كِل القِصَايِد والكُواكِب ) مِن خَجَلها شاعره . لا يُمكِن إنهَا تِعترف مِثل : السفينه لا بَغَت تغرق ؟ تِكابِر ! حتَّى تتــناسَى خلَلها , السهل فيها صَعَبهَا , وما تبي تِرسى في مينه , أبحَرَت رَغم العَواصِف . . . والصَّعَب فِيها سَهَلْها . . . مِن تِغزَّل ؟ ما عِجَبهَا ... لو مِسَكهَا في يمينه . ومِن عَرَفهَا ؟ ما فَهَمهَا . لو قراها في غزلْها ... تكتِب " اللي صار فِيها " و " الجُروح المستكينه " و القوافي / صَارت أجمَل ! لا بِدى فِيها زعلها /.. ولو يكذِّب ؟ ما تِصَدِّق لو يقول إنْهَا : ثمينه ولو وصَفهَا ؟ مِن خياله ؟ ما وصِفهَا في مثلها , تِنْصِدِم لا شافَت إنهَا - هَزَّت قِلوبٍ رزينه صارت الوردَه ..الوحيده.. و النَّحَل ناوي ( عسلها ) مِن سَألهَا عَن خَبَرها قالت [ أشوى صِرت زينه ] وإهيَه تدري في النهايه ؟ إنْهَا في قِمَــة مللها ! ما شِكت تكْسر خواطـر . . . وما بِكَت دَمع المهينه . . . ما رجت { رغـم المصايب }, و إنْعَدَم فِيها جهلها ويُوم خان الحُب ؟ قالَت : ِيلعَـن الحُب وسنينه : نفسها نفسٍ - عزيزه و " ما إنوَلَد " مِن هو يذلها ما بقى للِّيل داعـي .... . بعد ما راحت حزينه وما بقى للحب معنى . .... بعد ما حُبها خذلها مِن قِدَر قلبه و جَرَحهَا ؟؟ مِن ذِبَحهَا في إيدينه ؟؟ ما عَـرَف ( " قِيمَة وفاها " ) لِيته والله ما وصلها ! كِلْ شَي فِيهَا . ! يحبَّه ! . و ما تبـي إلا / حنينه كامله و الكامِل الله يـا كِثِر و الله , خِصلها ... الأصيله يوم صَارت في وسط عينه رهينه ؟؟ قام - يضحَك مِن غلاها عِند ~ كِل اللي عَذلها ~ ويَسرِد القصَّه الطويله ــــ و يقلُب الزينه بشينه ! والخطا ؟ سوَّاه مِنْها . ما رَحَم " طِيبَة أصِلْها " ولو أحَد عَنَّه سَألْهَـا ؟؟ قالت : الله بَس يعينه : مـا تبي تحكِي , و تِذِمَه , لو سَألها مِن سألها , كانت ( أكبَر ) مِن جحُودَه يُوم عاشَت له سِجينه . ما خَطَت مَرَّه !! في حَقه و - يا كبر والله عقلها وكان( أصغَر ) مِن صِغيرٍ عِندَه سِكينٍ سنينه ... و لما صارت في إيدينه ؟ مادرى إنِّه [ قِتلها ] عِزِّتي لِك يا وُفاها ,., مـا رَحَمهَا مِن مدينه ,., كِل مِن فِيهَا " جَرَحهَا " و إنطُفَت شَمعَة أملها ما عطاها الحَظ مَـرَّه .! عَاشَت و مَاتَت / حزينه والمشاكِل ؟ مـا تِجيهَا إلاَّ مِن { أقرَب أهلها } ,,, المخرج .. في البدايه .. قلتي : والله إنتـ فاارق وللـنهاية " درب موحش " , وإختـصرتي . كان ما دمتي [ حبيبه ] ؟ لا إنتـفارق يعني لو ما صرتي / حُبي ؟ .. إختـ صرتي ! . . .
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| نعم .. صارت معزبتك ،،، ولا صارت معزبتي ..}~ | اسايرها تعاندني | صهيل القصيد | 4 | 04-10-2011 07:49 AM |
| الوردة الحمراء | سمو الاحساس | صهيل القصيد | 10 | 23-01-2010 12:00 PM |
| بكاء الوردة | مازن دويكات | نشيد الروح | 26 | 28-02-2008 02:40 PM |
| ×× حصريا بالصورة النسخة الوحيدة لرسالة الرسول صلى الله عليه وسلم الى هرقل ×× | الكايد | روحانيات | 7 | 21-07-2007 03:35 PM |
| بكاء الوردة | مازن دويكات | ركنك الهادي | 0 | 14-06-2007 01:06 AM |
 |  |
العرض الشجري
