ياكثر شوق العين والقلـب والـروح
كل الثلاثة شوقهم يـا سـع الكـون
العين ترقب نظـرت منـك وتشـوح
يمك عسـاك أتحـن يـادر مكنـون
والقلب نبضاته سريعـة ومفضـوح
في غيبتك أصبح من البعد محـزون
والروح يحدوها الأمل فيـك وتبـوح
بحساسها الي داخل الجـوف مدفـون
روح وجسد ياكثـر مافيهـم جـروح
وترى الدواء عندك واكون ألك ممنون
يا مشغل فكـري وياسامـع النـوح
صوتي وصلك وينتظر تعزف لحـون
وعلى غصن قلبي سجع نايح الـدوح
وردد صداه احساس مارده احصـون
ولو تعتذر بظروف منتـه مسمـوح
ولاوالله اغفرلك بعد صـرت مفتـون
في كل شئ مرتبـط فيـك مملـوح
حتى عيوبك شلتهـا داخـل النـون
واطرب لصوت فيه نغمه ومبحـوح
وطيف ملازمني ترى ويـن ماكـون
وعطر بقى في كف يمناي لـه فـوح
ولاهتـم بالعـذال مهمـا يقـولـون
يلي رسمتك حلم وابني لـه صـروح
عمري فدا رمشك ولك صار مرهون
ارجي من الله ترجع وتنعش الـروح
ويفرح بك القلب وتهناء بـك عيـون
05-07-2012, 08:07 PM
ياكثر شوقي لك 
المواضيع المتشابهه 
العرض الشجري
