02-03-2012, 11:15 PM
|
| |
الهجوس
]الهجوس الشرد عيّت لا تهيّا
............... ..... كل شارد طاح بشداده رديفه
سيّرت بي من هناك إليا هنيّا
............... ..... واستدارت بالثقيله والخفيفه
وأن طلبت اللي على بالي وعيّا
............... ..... رحت ألفّ الحبل برقبة العسيفه
أبشروا بالعافيه يا أخوان هيّا
............... ..... وبشّروا هيّا عن البرق ورفيفه
كان ما هلّت على حيّ العليّا
............... ..... ما يسيل السيل مع وادي حنيفه
ماني من اللي يغنيّها كذيّا
............... ..... غير بدع القافيه ماله وظيفه
واقف ٍ فوق الثرا .. تحت الثريّا
............... ..... والهوى غلاب والديره مريفه
الغزل يا جعل قافه ما يحيّا
............... ..... كان ما بانت معانيه العفيفه
أن سمح وأن ما سمح .. سمح المحيّا
............... ..... الخواطر بيض والنيّه شريفه
صاحب ٍ ماجابه الله في يديّا
............... ..... لين سيرّني على ذوقه وكيفه
قال هيّا للغرام وقلت هيّا
............... ..... وأستدار الحول والحاله كسيفه
أتشمّس في عيونه وأتفيّا
............... ..... لو خطرها زاد في جرحي نزيفه
فجرّتني مثل تفجير المحيّا
............... ..... كل نظره من لواحظها قذيفه
يا حبيبي كيف ماعندك حميّا
............... ..... ما نخيت ألاّ مشاعرك الرهيفه
ألتفت لي لا تزيد الغيّ غيّا
............... ..... وأنت خابر صدمة العاشق عنيفه
وأن تقاسمنا الخطايا بالسويّا
............... ..... الله ألطف من لطيف ومن لطيفه
أبتدت في ذمتك يا أبا الثريّا
............... ..... وأنتهت بيني وبينك بالنصيفه
سداح العتيبي
|
|
رد: الهجوس 
العرض العادي
