ياسيف تبشر بالسعـد ماللحمـول الا الجمـال
حنا حزامك فالنهـار اللـي نهـاره سرمـدي
من ينتخي له بسهلي ياطا على صعب المنـال
حنا مطوعت الصعب سقـم العـدا والمعتـدي
ششنا وشوشت العرب باللي تقول من الجـزال
اللي رما بعمامته واللي حـدا لاْجلـك حـدي
أقدم على ماتشتهي وأصعد على روس الطوال
وإنا حزامـك وسعـدك مافـي قبايلنـا ردي
وابشر بعزٍ تلبسه على مـدى طـول الليـال
الصعب له باسٍ قوي والجود لـه كـفٍ نـدي
ياسيف لبينا النداء وإنا معك فـي كـل حـال
ابشر بفعـلٍ يسنـدك وابشـر ميقـافٍ مـدي
أرفع يمينك للعلا واضرب على الصعب المحال
واشره علينا كـان ماطلـت الثريـا والجـدي
نار الحميا تشتعـل فالـدم والـراس اشتعـال
يفداك رجال ذخر وأنا مـا ارددهـا وحـدي
حنا السهول إليا اعتلا حبل الرشاء فوق المحال
الصعب ناطا هامته فـي موقـفٍ مالـه لـدي
عليك نظم الشاردات اللي يتيـه بهـا الخيـال
وإنا علينا يالظهيـري كـل كايـد لـك فـدي
سعود محمد البرازي السهلي
27-01-2012, 04:13 PM
ياسيف تبشر بالسعد 
رد: ياسيف تبشر بالسعد 
المواضيع المتشابهه 
العرض العادي
