بـــخـــوت الـمـــريــــة لـمن لا يعرفها

ليته يناديني وانـا بـس اناديـه= واجاوبه ياحسين ولو كان مـره
عليه قلبـي يابسـات عراويـه= اقفا ابقلبي من ضلوعي يجـره
ذالي ليال قاعده فـي حراويـه = ليننهـا زادت علـى المضـره
قمت اتوجد وجد من مات غاليه = قبوه اقبالـه كـل يـوم يمـره
أو وجد من خاوه والليل ممسيه = ينخا ولا حد من هل الهجن مره
خلي طريح والضواري اتحاضيه = بالمقطعه وامقابله ضلـع حـره
على الذي ماشفت حي ايحاليـه = شيخ على القوم المعادين شـره

جيت المنازل خاليه ما بها اونـاس = من عام الأول ارضها ما وطي به
ولقيت مرح أهل المـروات دراس = علمه بهم يا بو مطر علمـي ابـه
مريتهـا يـوم المعاليـق يبـاس = نزلتها يـوم الضمايـر عشيبـه
وونس بصدري واهج الحر حماس = حسب من فارق هله لي يجي بـه
واقفيت كن ابسرت القلـب مـراس =اقنب كما يقنب من الجوع ذيبـه
واعول كما تعول على البو عرماس = من لامني جعل حوالـه عطيبـه
باللي يفكون الطلب عقب الادمـاس = بعي مصخرت العدو بالغصيبـه
اليا منهم ركبوا على سرج الافراس = تحيزموا من فوق قـب عريبـه
اليا اعتزوا ببعير عالـي السـاس = لوا على جمع المعـادي حطيبـه
ذكر الموده للعرب ما بهـا بـاس = كنهـا علـى المولـع مصيـبـه
حب الرفاقه شيب القلـب والـراس = باق المـوده لـه بديـل قريبـه
باقي العرب تلقا بديله مـع النـاس = اخوك لو درت البدل مـا لقيبـه

مل قلب ٍ فر وأفتـر مثـل المروحـه = رهـا فـرت جديـد قـوي ٍسيرهـا
ان ضحك لي صاحبي سر قلبي وافرحه = ان تغلى صاحبي زاد عينـي شرهـا
صاحبي ناوي يذبحني وانا مقوى اذبحه =ب في كبدي سنـا نـار زوّد حرهـا

جعل وبل الغيث يسقي ديار المفرعيـن = منزل اللي كن حديثـة حليـب معدّيـة
ضيقيتي في خاصري دايم ماهوب زين =قومي اللي سـم حالـي وبيـح سدّيـة
ان سجنته قام يتبـع دروب الدالهيـن =وان نشدته قـال انـا علتـي متعدّيـة
ان بغى خلي جنابي فلا غيره ضنيـن = وان بغى يقفي فيقفـي مـراح مودّيـة

حن قلبي حن (( ماك )) على سمر العجل = عشق السواق والـدرب ممسـوكٍ وراه
ما بشفي لا دريـول ولا ريـس عمـل =شفي اللي كـل ماشـاف بـراقٍ رعـاه
ونتي ونة خلوجٍ ولدهـا مابعـد جـدل = تشرف المرقـاب للـذود وتعـود وراه

ياجماعة وإن عزمتوا على أنكم راحلين = غمغموني عن مظاهيركـم لاشوفهـا
كن في قلبي لهب نار ربـعٍ نازليـن = اشعلوهـا بالخـلا والهبـوب تلوفهـا
ول عودٍ لاش رحمه ولا قلـبٍ يليـن = عسى ذودك في نحر قومٍ وانت تشوفها
عيدوا بي في الخلا والفريق معيديـن = كل عذرا نقشت بالخضـاب كفوفهـا
مايقرب دارهم كود صنـع الذاهبيـن =كود حمرا عزمها من صفـاة بلوفهـا
كن حنين الويل يشبه لخلفات القطيـن = لينوا له بالقدم مـع طمـان اجروفهـا

ياوجودي وجد من حط معروفه وضاع = بين بواراً ومن بيـن جحـاد الجميـل
اووجود اغريراً فاقداً حلـو الرضـاع = ماتت امه والمنايح حلال القـوم حيـل
او وجود اللي فقد خوه ابن عمً شجـاع = محزماً فالضيق وان جاه مختف الشليل

وجودي على بيت الشعر عقب بيت الطين =وجودي على شـوف المغاتيـر منثـره
وجودي على خوة هل الموتـر المقفيـن =وجودي على شوف السهل من ورا الحره
ليا حلوا البدوان وصاروا علـى بيتيـن = ومن كان لـه خـل مـع ذاك ماغـره