| |
29-07-2011, 03:33 AM
| ||||||||||||
| ||||||||||||
ولدالشمالي رحلتي للجنوب تقرير+صور+فيديو .تفضل  السلام عليكم احبتي اعضاء منتدانا الغالي كيفكم تعودت انا بالمنتديات الي كنت فيها اني اشارك الاعضاء كل شي يمر علي من مقناص او سفر اي شي اكتبه واشاركهم فيه المهم بيوم الخميس من الاسبوع الي راح والله ماعرف تاريخه عزمنا ولا النيه موجوده من اسبوع انا واربعه من الشباب نروح نتمشى بجنوب اللمملكه وبالاخص بالواديين التابعه لمحافظه عسير المهم مالكم بالطويله الي هم ( ابومشاري القائد - ابو محمد - ابونواف - ابوساري -وولد الشمالي ) المهم عانيت انا عشانهم طلبو مني العزبه واسالوا رورو بس الحمد لله قال ابو ساري انا بجيب العزبه وانا جبت الذبيحه ومشينا الساعه 10 صباحا المهم يوم جينا محطه ساسكو الي قبل كبري طريق الخرمه نوينا نعبي بنزين ولكن المحطه قالوا مغلقه للصلاه وبتفتح بعد ساعه قلنا تبونا ننتظر ساعه افلقوني وكملنا ولا عبينا بنزين الا من الخرمه تغدينا برنيه بمطعم حضرموت وكملنا ومع اذان العشاء وصلنا للوادين وكنا صاملين ما ناخذ اي شقه بما ان حنا عزوب واخترنا المخطط الي هذي صورته  عشان نتعشى ونسمر فيه ونبات فيه بعد وسوينا حمسه يحبها قلبك وهذي صورتها  المهم كان المخطط هذ1ك مليان كلابه وازعجتنا وماعرفنا ننام ومع الصباح تفاجانا باحد سكان الحي برشاشه يطرد ورى الكلاب ويرميها المهم سوينا الفطور الي هذي صورته  وافطرنا ولعبنا بلوت من صباح الله خير بسبب الشيخ ابو ساري  ومشينا ورحنا للحبله واخترنا لنا مكان ونزلنا عزبتنا وكان ابو ساري من ننزل وهو طامر بعيونا بلوت بلوت ووقفنا على مطل وهذي صوره منه   واخترنا مكان وجلسنا الا المشكله مافيه ظلال وسوينا ظلال بانفسنا وهذي صوره مكان غدانا  مامدانا نتغدى الا جانا مطر كثيف وبرد وشويات الا سيول وخير ابو ساري شوي ويطب وحنا نمشي مبطي ممن البرد >> صراحه استغربت وشلون جانا مطر وهو معنا المهم جينا على ونزلنا فرشتنا وضبطنا الشاهي وهذي صوره لمكانا  وهذي صور لسيول  مشينا مع غروب الشمس ونوينا ندور على شقه عآآد الفاهم فينا ابو محمد قال انتو مهبل تدورون شقق عزاب ان لقيتوا احلقوا شنبي ... واول شقه نلاقي شقه كبيره ورخيصه بعد وطلبوني الشباب ولا كنت ناوي احلق شنبه بس خليته بتنا بالشقه وسويت انا لهم عشوة رايقه هذي صورتها  وبالصباح صحينا الساعه 11 وافطرنا من البقاله >ذبحنا اللحم ورحنا للحبله يوم وصلنا الحبله دخلنا المنتزه وفرفرنا الين قلنا آمين واجبرتهم ننزل بالتلفريك ورفضوا بس قلبت روسهم وتغدينا تحت ولما جينا بنرجع صار مشكله بينا وبين شايب الله يستر عليه المهم رجعنا وجينا بمكان رآآيق ونزلنا فرشتنا هذي صورتنا  وشبينا النار طبعا برد وهذي صورتها  ومع غياب الشمس حسينا بالبرد ورجعنا للشقه باليوم الثالث ماطلعنا الا الساعه 12 وافطرنا متاخرين ومابغينا غدا كنا مشتاقين للكوره ورحنا نفرفر على بال مالقينا شباب لعبنا معهم ومر من عندنا سوداني واستاجرنا دبابات وفحطنا لين قلنا امين ورحنا بمكان ثاني لان مكان امس كان محجوز وشبينا النار وهذي صورتها  واشتهينا دجاج شوي وطبعا حكرناها وهذي صورته  وجلسنا بمكانا وجانا شباب من ابها مانعرفهم وتقهوو معنا وسمرنا الا الساعه 11 ورجعنا وبتنا بالشقه طبعا وصباح اليوم الرابع صحينا الساعه 1 وكل يوم نتاخر شوي ورحنا نفرفر وكان على وجيهنا المللل واخترنا مكان على المطل وفرشنا فرشتنا وهذي صورته  وتغدينا الباقي من لحمنا وهذي صورة غدانا> طبعا تقولون ليه ماكلو راس ذبيحتهم الا آخر يوم لان حنا كنا متوقعين احد من معارفنا يلحقنا ولما نوينا نمشي طبخناه  وصملنا بربع ساعه ان حنا نمشي للديره وبحمد لله مشينا وبتنا ببيشه وبالصباح الساعه 1 وصلنا لا اهلنا وبس هذي صورر من تصويري وش رايكم؟     وهذي مقاطع فيديو من رحلتنا المقطع الاول: المقطع الثاني: المقطع الثالث: المقطع الرابع: اخترت مقطع صوت مدري وش يبي بس هذ1 الي لقيته ودمجته مع المقطع ملاحظه بما ان الي معي كلهم اكبر مني فلبيت رغبتهم انهم مايبون صورهم تطلع وطمستها ودمجت كذ1 صوره مع بعضها لان المنتدى مايسمح باكثر من عشرين صوره وان شاء الله موضوعي ينال اعجابكم 
آخر تعديل عشق الهواوي يوم
29-07-2011 في 03:39 AM.  |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ولدالشمالي برنامج قرآن لا اغلب الاجهزه تفضل حمل | عشق الهواوي | الجوال .. و الإتصالات | 2 | 28-07-2011 02:29 AM |
| رحلتي الى فيفا | puishe-07 | منتدى السفر والسياحه | 6 | 27-02-2011 06:28 PM |
| رحلتي | ابو رنا | منتدى السفر والسياحه | 15 | 27-02-2010 11:02 PM |
| مانشستر يونايتد يصل الرياض ( تقرير - صور - فيديو ) | تركي عفيش | الرياضة والشباب | 10 | 21-01-2008 10:43 PM |
| كل الرياضه مع (( سامي الجابر )) صوت + فيديو + تقرير [ موعد الإعادة ] | تركي عفيش | الرياضة والشباب | 6 | 06-04-2007 02:49 PM |
 |  |
العرض الشجري
