|
رد: حريمنا والفلوس ..!!! ., الحريم مغلوب على امرهن .. صحيح مبذرآت لكن ما باليد حيله . الرجال يفصل في السنه ثوب واحد والحرمه كل مناسبه ثوب عاد ياكثر مناسباتهن لزوم يتعاونون على المصالح المشتركه بينهم تسلم ابو عبدالمجيد |
رد: حريمنا والفلوس ..!!! متى ماوجد الحب ذابت جميع هذه السفاسف أتوقع يعني |
رد: حريمنا والفلوس ..!!! ابوعبدالمجيد تضرب بالمليان ومايوقع غير بالصميم بصراحة من كثر مآقرأت عن هالمواضيع الي شانه حمله ضد النساء الموظفات حسيتها ثورة عليهم الله يقويهم (زنقة زنقة) مظمونها / مهر + سيارة + بيت+ اثاث + مصاريف زواج+ مصاريف بيت +فواتير + مديونية = الرصيد بالسالب او لايوجد رصيد كافي صدقني المرأة الموظفة لو في قلبها رحمة ماشافت هالمصاريف وسكتت لكن عذرها مالها الا رجالها هههه الكثير من الشباب اذا طلبت الزوجة شغالة جلس يلمح ويقول ماني جايب شغالة عشان تقول الزوجة لازم تجيبها وراتبها علي هي ومصاريف البزارين. ( وهالاغراض لو تحسبها مع راتب الشغالة ماوصلت 1000 ريال) يعني وش سوت على بالها كريمة ريحتك وسوت انجاز. والحمدلله تفتح شبابنا الآن وصار يطلب غير موظفة وذلك لمعرفتة بعدم الفائدة من وظيفتها ! مثل ماقال ابوهلا ابخل ماخلق ربي تشح على نفسها عشان أمها. لو نلاحظ الفرق بين الموظفة العاطلة لوجدنا الموظفة لايستفاد منها بتربية ولا باهتمام بنفسها ولا بمنزلها ولا باطفالها ولابزوجها الفجر قايمة تتمكيج وتلبس وتتكشخ شوي الا بواري النقل طوط طوط والوراعين الله يكون بعونهم وعونك واغسل يدك من الفطور راجعة من الدوام بوجه عبوس الساعة 1 او 2 ظهرآ غدا مافيه غدا وتقول اذا صحيت العصر انشالله صلحت غدا الوراعين والرجال ذابحهم الجوع وهي ولا همها العصر احلى وقت للخروج تجدها توها صاحية تقول انتظر انا مصلحة ساندوتش غدا والله يعينك تنتظر لين المغرب بعد المغرب توصيك تمر المكتبة وتجيب مستلزمات الدوام يوميآ فترة بعد المغرب حتى العشاء بالمطبخ بعد العشاء تقول على اذنك بحضر الدرس ولا بصحح ولا بسوي عمل للمدرسة عند الشكوى لها تقول جب شغالة هذا هو الحل عندها << بس عليكم بالطاجاكستانيات ولو تهاوشت انت وياها قالت خلاص جيب لي سواق هذا الي ناقص العاطلة<< على قد حالها يالبى قلبها هههههه الفجر مصحيتك ومزهبه الفطور وترتب عيالها عشان يروحون المدرسة وتودعك بابتسامة بعدين تنظف بيتها وتعطره وتهتم بامورها وتسحبها نومة عشان ترتاح واذا جت الساعة 11 قامت وصلحت الغداء واحلى استقبال وانت راجع من الدوام وجمعة على السفره يحبها قلبك ونوم لحد العصر وتصحى تقهوى وسوالف وتمشية ولعب وبعد المغرب ترجع للبيت تحصلها تراجع للاولاد وتهتم فيهم وتزهب العشاء واحلى سهرة بدون تحاضي ووجع راس وعلى احلى سهره ^^^^ حتى لو تصحيها انت ولا البزران باخر الليل تصحى مو تقول اووووووووووف عندي دوام لاتزعجوني نرجع للتماسيح وبعض نظرياتهم ياخي الحين لاجيت اخطب اول مايسألون هو موظف ولا لا وخوينا يفاجئهم يقول طيب هي موظفة اذا قالو ايه قال خلوها عندكم ويقول بعد احيان ابوها يقول شارينك وبالاخير يطلب فوق الخمسين الف خير انشالله داخل معرض سيارات اطلع مع الباب وقل غيرها مليون لاتعطيهم وجه من البداية وتجامل والله ان يقولون تعال. يعني خل نقول 60 او 80 الف مهر << على وش مدري وسيارة تقريبآ نفس السعر وشقة تقريبآ نفس السعر ومصاريف زواج نفس السعر يعني 60 * 4= 240 الف الحد الادني ويصل الى 300 الف بذمتكم مهوب المسيار احسن هههههههههههههه وبصراحة اذا هي مو موظفة اقول تستاهل واكثر بس موظفة خسارة في زقمها ،، ، سلام:chris: |
رد: حريمنا والفلوس ..!!! اقتباس:
تبغى المرأة تدفع لك المهر خخخخخخخخخخ صدق ماعاد به رجولة يوم عن يوم احس الرجولة على وشك الانقراض حنا فاهمينكم وعاجنينكم حالياً المرأة هي اللي تتكفل بمصاريف البيت والسيارات اللي انتم تركبونها من راتب زوجاتكم الله يخليهم لأهلهم وعيالهم. والفواتير اللي تتكلمون عنها برضو المراة اللي تدفعها بلا هيـــــــــــــ ــــااااااااااط . لله دركم يانساء |
رد: حريمنا والفلوس ..!!! اقتباس:
تمونين حطي الحره فيني ومعذوره اذا ما دافعتي عن بنات حواء من يدافع عنهن . ما قلته هو رأيي وقد اكون مخطيء فقط سؤال في اغلب الدول يتعاون الرجل والزوجة على التأثيث وفي الهند الزوجة اللي تدفع المهر وتأثث البيت (افكر اجرب الزواج من كيرلا )هههههه اختي الكريمة : كلامي اللي قلته واقعي ولكن اصابعك مو سوى في حريمنا الكريمة وفيهم مصاصة العبسة لاتقولين مافيه . احيانا يكون راتب الزوجة اكثر من راتب الزوج والزوج مايبيها تصرف عليه والا اسمحي لي رجولته فيها خلل الا اذا كان محتاج ومزنوق وقتها كل مانريده ان يكفيها راتبها لمتطلباتها الشخصية ويتفرغ الزوج للصرف على كامل البيت وهذا مقابل انه سمح لها تعمل وتترك عيالها عند الشغالة وترفض توفر متطلباتها انت الرزوج والا انا ؟!!! لست مع ترك الزوجة للعمل حتى ولو كانت ام نقيطه لان الدنيا غدارة وبكره يجي للزوج شيء والا يطلقها تبقى الوظيفة شيك لايمكن التفريط فيه . ولو ان الزوجة تجمع راتبها لليوم الاسود معذورة لكنها تصرف على اهلها واخوانها العاطلين وحتى الموظفين وتترك ولدها العاطل عندك ابوك !!!!!!!!!!!!!!! !! نجي في العزايم : الليله عازمتنا ام نجود طيب وانا ويش دخلي وقبل ترد عليك تتمايل بدلع وتغنج يا ويلي تبي اروح لها ومافي يدي شيء ؟ ابغى فلوس بمر على سعد الدين اخذ صينية شوكولا وصينية فطاير !! طيب اجل عازمتك على ويش ؟ معليش صديقتي ولمحت لي !! طيب انا بقول لك علنا ماني ملمح هي دايما تجيك يديها فاضية !! صح بس انا ماتعودت . طيب من رادك روحي لسعد الدين؟ وتضحك يابعد قلبي ابي قرنقش مانتب زوجي . يابنت الإيه جيت ذالحين زوجك وانا امس اجل زوج من يوم تهاوشيني وتقولين اهلي الغلطانين اللي زوجونيك ووورطت ببزارينك !! يعني لو ورقة الطلاق علمها معك عطيتيني بالثلاث واليوم جايه تتلحوسين وراتبك وينه ؟ ارجوك تقولها بعصبية كل شيء ولا راتبي لاتسألني عنه مره اخرى ترى تطيح من عيني !! اه ومتى صرت مالي عينك هذا وهي عيون غمص وصغيره وعجزت املاها وشلون لو انها عيون سميرة توفيق ههههههههههه -دمتم بخير - نخليكم مع حوار زوجين يتم بشكل شبه يومي |
| الساعة الآن 10:30 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..