|
حريمنا والفلوس ..!!! احبتي الغالين أخواني وأخواتي .. في الغالب أن لكل واحد منا زوجة أو أماً أو أختاً أو خالة أو قريبه تعمل موظفة في سلك التدريس أو غيرة .. المهم ياحبابي الراتب .. المصيبه ان ( ها الرويتب ) ما يبقى منه إلا الفتات آخر الشهر ...!! وإذا دققنا وين يروح لقيناه يصرف على آلاف العاملين في الدول المصدرة لمستلزمات ( حريمنا وبزارينهم ) . قلم روج بـ 100 ريال ,, وفستان بـ 500 ريال وشنطه على لون الحذاء بـ 600 ريال,, و غير الحفايل والطلايع والنزايل وغير ذلك .. أقول : لنسائنا الموظفات وغير الموظفات ترى الطفره انتهت وقضت والرجال عقلو .. وما عاد يفصلون في السنه إلا ثوبين ... حتى بشت العرس يتسلفونه .. لذا اصبحت مصروفات نسائنا ثاني أكبر مصدر لخروج العمله للخارج ..! متى تتغير سلوكيات نسائنا في أمور الصرف لا اقصد صرف اللغة ولكن صرف الدراهم.. ؟ ومتى تتوقف النساء عن شراء الملابس والهدايا الباهضة في كل مناسبه ؟ ومتى ومتى ؟؟ حتى لا يفهم كلامي هذا على أنه تعميم لسلوكيات الصرف النسائي لدينا استثني نسبه منهن الاتي يساهمن في الصرف على بيوتهن وبيوت أهاليهن. الله يهدي جميع نسائنا ونساء المسلمين من كل شر وشكلي بروح فيها ياعبدالله العصيمي ويا محمد السهلي للجميع تقديري وحترامي أبوعبدالمجيد |
رد: حريمنا والفلوس ..!!! ابو عبد المجيد : الموت مع الجماعة رحمه وانا اخوك خلنا تجمع على هالحريــّم وعسانا نسلم ماعندهن الا ّ الهواش ومسك الشوش واحمد ربك انت وانا نكتب من خلف الشاشة والا طيــّروا غبرتنا كيد النساء عظيم وكيد الشيطان ضعيف!! ومع ذلك سأدلي بدلوي وانت السبب ربي يعيننا مع ان المعادلة هالايام بين الرجل والمرأة صارت صعبة !! ارجع لموضوعك وأبصم بالعشرة لو صرفت الموظفة من راتبها على نفسها وكفــّاها راتبها عن جيب الزوج وراتبه الشهري لصرنا تجــّار . الموظفة السعودية وخصوصا المعلمات بخيلات بخيلات بخيلات الوحده اذا استلمت راتبها على طول يالبنك بحسابها او عطته امها احفظيه يايمه !! ولأن الأم طيبة بشكل عام تقول لا والله يا بنيتي ما يصير راتبك لك ولزوجك . ترد عليها بلهجة المصارع أندريه العملاق وهو يشق الطريق بين الجماهير الى حلبة المصارعة وكأنه جمل هائج اسمعيني يا يمه انا ما تزوجته الا علشان يصرف علي وعلى عياله ماهوب أصرف عليه في الطقاق اللي يطقه. ابو عبد المجيد : صدقني فيه موظفات تتصل على زوجها وهو برّى المدينة بينه وبينها مئات الكيلو مترات ولا تستحي تطلب منه (حمودي خلصت حفايظه او حليبه )!!! ولأنه خابزها وعارف عرق ابو حضرم فيها يسكت ويتصل على احد اقاربه او البقالة اذا كان يعرف راعيها وصــّل للبيت الفلاني هالاغراض !! صدقني ماعاد يستحون حريمنا الموظفات الاّ القلــّة كل شيء ولا تصرف من جيبها قرش حتى لو تتفرش الارض وتتلحف السماء . ابو عبد المجيد : متى سألت زوج أحد الموظفات يااخي حظك زوجتك موظفة تسلم من الصرف عليها صدقني يجر ونة الاّ ونــّات وبحرقة مرددا (يقوله اللي مايدري ) ياخوي ليتنا سالمين من هالوظيفة مالي منها الا التعب فلوسها لأمها او اهلها اما مصاريفها من راتبي وهذا شر البلية . ابو عبد المجيد : نعم انا زوجها ومسئول عن الصرف عليها بس لا تفقع راسي كل ماطرى لها قالت (الزواج شراكة ) !! وين شراكة وانتي شريكة بدون رأس مال . الحل : نتحد ولا نعطي زوجاتنا الموظفات اي مصروف يخصها ولمدة شهرين وصدقني يقفلون العمالة محلاتهم ويرحلون لبلادهم وتبقى فلوسنا عند امهات او اهل زوجاتنا وعلى الاقل نحافظ على جيوبنا . الزوجات عندهم مرض لوجستنفسي هههههههه حاولي يصير زوجك على الحديدة علشان مايتزوج عليك ترى اذا جمع كم قرش بياخذ الثانية يا خبله خليه على البلاطه . اّه لو اناّ سالمين من نظريتهن الخاطئة والقاصرة كان صرنا مثلهن لنا حسابات وخزنات امانة في البنوك بدال ماتكون حساباتنا عالزيرو ومندوبي فيزا يطاردوننا . متى تجد إمرأة كريمة ؟ فقط غير الموظفات اما الموظفه ابخل من جحا . دمتم بخير واربطوا الاحزمه |
رد: حريمنا والفلوس ..!!! الله يعين الحريم قسم بالله انهم ضعوف ألحين هي موظفة !! طيب راتبها كيفها لو تحرقة انتو ايش حارق رزكم هههه تصرف على نفسها وعلى عيالها وبيتها واذا مو على الرجال بعد < لاتنكرون ;) انا اذا تزوجت << برا ماراح اعطية ولا ريال رجال على الفاضي.. ممكن من باب المساعدة لكن سالفة اصرف عليه معصي. في الوقت الحاضر المرأة هي اللي تتكفل بمصاريف البيت والسؤال اللي يطرح نفسة دراهمكم انتو يا الشباب وين تروح !! شششكرا ابو عبدالمجيد احس طلعت حرتي بموضوعك :110: |
رد: حريمنا والفلوس ..!!! ابو عبدالمجيد موضوع ساخن جدا لي رجعة |
رد: حريمنا والفلوس ..!!! ابوعبدالمجيد انت يمكن تلاحظ فئه معينه لكن الي أعرفه أغلب الموظفات عندهم عماير وبيوت ومحلات مع ان راتبها نصف راتبنا الله يرزقهم وما شاء الله عليهم وحنا برواتبنا باليالله نطلع قيمة ارض والا بيت والقروض والاقساط فوق راسنا اما الفئه القليله الي انت ملاحظها اكيد كانت محرومه وعندها كبت من اشياء حابتها في الصغر طلعت كل الي بخاطرها بالراتب وعلى فكره حنا لا استلمنا الراتب كل واحد في جهه يا الكويت يا دبي مسوين بطره وحنا من جمبها او نصرفها على شيء ما تسوى |
رد: حريمنا والفلوس ..!!! اقتباس:
اجل صاروا بنات الاسرة المالكة محرومات منذ الصغر وعندهم كبت خخخخ اعتقد ان الرجال العزاب مايصرفون على امهاتهم (الغالبية) ,,,,, وراتبة يطير بنص الشهر يعطيك الف عافية اخ ابو عبدالمجيد |
رد: حريمنا والفلوس ..!!! ^^^^ حنا ان ما عجبها شيء نرجع للمحل ونتهاوش معه الا نرجعه وناخذ الفلوس هههههـ صحيح بناتنا عندهم كبت وما شبعو من الملابس والاكسسوارات والماركات العالميه لان الاب يصرف على عياله وبناته وهي عاجبها شيء لكن مصروفها عند الاب 500 ريال بالشهر وما شاء الله بتخلصها بروحه وحده للسوق وفرق ان جاس راتب بـ4500 وتطيرينه بكذا مجمع وبتحسين بالاكتفاء والشبع بعدين وفي حريم يفكرون صح يدخرون نص المبلغ والنص الثاني يتسوقون فيه وعلى قد حاجتهم وسالفة الرجال الأعزب الي ما يصرف على امه ويطير راتبه فهذا مبذر (إن المبذرين كانو اخوان الشياطين ) |
رد: حريمنا والفلوس ..!!! ابو عبد المجيد : اقتباس:
يابعدي يامحمد خلنا خلف الشاشه نكتب والله المستعان .. اقتباس:
الحياة الزوجية في وقتنا الحاضر اختلفت الموازين عن ذي قبل ..! صار بعض الرجال ينظر للزوجة الموظفة أن تساعده في مصاريف البيت .. ممكن يكون هناك رفض من الزوجة بداعي انت الزوج ..!هناك اخي ثقافة الحياة الزوجيه التبادل في الأدوار , في الصرف في كل الامور المتعلقه في البيت ليس الزوج هو من يصرف .. لا اقول هي تصرف لمجرد الصرف لكن من باب التعاون في ذلك .. اقتباس:
كل شيء جائز في ذلك اخي محمد ممكن تجد هناك نسبه لا تحب تصرف على بيت زوجها وهناك نسبه قد تصرف وتساعد زوجها في عمليه الصرف .. اقتباس:
يعني لازم الزوجه تكون متفهمه بعض الشيء اقتباس:
اقتباس:
نعم الزواج شراكه فلابد من الشراكه في كل شيء في المصرف وغيره إذا كانت تمتلك ولديها ثقافة الحياة الزوجيه .. اقتباس:
اقتباس:
موجوده اخي محمد واعرفها كذلك وموظفه اقتباس:
الله يسعدك اخي الكريم محمد السهلي على طيب تعقيبك الرائع بخصوص الحزام رابطينه ومتوكلين على الله .. دمت بالف خير اشكرك أبوعبدالمجيد |
رد: حريمنا والفلوس ..!!! اقتباس:
ارجو تكون هذه وجهة فقط الا الحقيقة غالبا ما تكون خلف الستار انا موظفة و الحمد لله من 10 سنوات وما حوشت شئ منها و كل الراتب اصرفه علي و على عيالي و مصروف البيت و جميع قريباتي الموظفات على شاكلتي و اما اللى اسمهم رجاجيل الطيب منهم يساهم ببعض الشئ من مصروفات البيت الظرورية جدا جدا و بعد الحاح شديد و اذا ما كانت شاريه له السيارة صحيح ان له حق من راتبها مقابل تركها لرعاية بيته و رعايته لكن لا يستغلها و يترك المسئولية لها لوحدها اعذرني اخوى بس و الله قهرتني بردك و طلعت الحره فيك اعذرني |
رد: حريمنا والفلوس ..!!! اقتباس:
لا يا اختي الرجال ماله حق ياخذ ريال واحد من راتب حرمته وانا اعتبره رخمه ان خلا حرمته تصرف عليه وعلى عياله وبيته راتب الرجال يكفي مصروف البيت والعيال ومصروف ام العيال بعد |
رد: حريمنا والفلوس ..!!! غــبيــه الي تظن ان الفستآآن والحذاء يعطيهآآ جمآآل هي الي تضيف للبس جمآآل ورقه .. قالوهآآ كثير .. لو شرت ملابسس مقعوله وتتصدق بالبآآقي خير .. لهآآ .. من جد الحريم عقلهم صغير .. ورجآآل بعد ترى مآلقي اللوم على الحريم بس لو هي شآآفت الرجل شلون يطلع الفلوس في مكآآنه صح مكآآن تسوي علووم م هي سسنعه .. يعني الرجآآل بالعآآلم والحرمه بعآآلم .. تصدقون اني استغرب انه بينهم شئ اسمه زوآج .. الله يعين الجميع .. |
رد: حريمنا والفلوس ..!!! اقتباس:
sweet girl >> الله يسعدك يارب وإن شاء الله تتزوجين هم بعد تصرفين على بيتك وعيالك .. <<< مجرد مزح عزيزتي سويت قيرل .. صدقيني انا ماحارق رزي شيء .. لكن التعاون مطلوب .. انا لست ضد النساء ورواتبهن ولست مع الرجال في ذلك .. مشكلتنا يابعدي يا sweet girl إن هناك فئة من الأزواج لا يستطيعون التصرف بذلك الراتب .. يعني يصير عنده مشاكل وسؤال وجواب وانت ليش ونتي ليش وكهذا ؟؟؟ .. أنا لا اقول اعطي راتبك لزوجك .. بل لابد ان يكون هناك ثقافة في الصرف .. هناك بنات وشباب يجدون ذلك الصرف وهناك غير ذلك . الحياة الزوجة تحتاج اكثر من ذلك وليس ذلك الراتب فقط .. والسؤال اللي يطرح نفسة دراهمكم انتو يا الشباب وين تروح !! سؤال ممتاز .. وسوف اعطيك الإجابة .. صدقيني راتبي يذهب كمصاريف للبيت وللزوجه وأبنائنا سوف افصلك كيف تذهب . 1 - فاتوره كهرباء 2- فاتوره تلفون ثابت ونت 3- فاتورة مبايلي 4- فاتوره مبيال الزوجه 5- فاتوره مياه 6- اجار نقل الباص للبنات 7.. مصاريف الترفيه من رحلات وتمشيات ومطاعم وغيرها 8- كل هذا كوم ومصاريف مدارس البنات كوم ثاني يعني كل 3 ايام اسبوع المعلمه لا زم تطلب شيء من الطالبه والحسابه بتحسب على قوله إخوانا المصريين . sweet girl اشكرك على طيب مداخلتك دمتي بخير أبوعبدالمجيد |
رد: حريمنا والفلوس ..!!! اقتباس:
سمو الأحساس .. اسعدك الله انتظر دمت بالف خير أبوعبدالمجيد |
رد: حريمنا والفلوس ..!!! اقتباس:
اهلا باخي عمر العصيمي .. انا معك اخي هناك ممن وفقها الله وشترت بيت وغيرها البعض من الرجال لا ينظر لراتب الزوجة من هذا المنطلق اخي عمر الزوجة وفرت فلوسها وشرت فله أو شرت ارض وبنتها كذلك البعض اجرت محلات تجاريه .. لكن هناك من لا وفرت ولا سوت اي شيء ..! انارأيت ذلك وشفت ذلك هناك مصاريف على لا شيء مصاريف ملابس ,, ميك اب ,, جوالات ,, جهاز لاب توب ووووو من هذا كله يابنت الناس وفري للزمن وفري لك . فيه بعض الأزواج يتحملون وفيه من لايتحمل تلك .. نعم الزوج هو الشخص الذي يتحمل مصاريف بيته واسرته .. لكن الا يكون هناك اخي عمر العصيمي نوع من التعاون في تلك المصاريف .؟! ممكن تكون الزوجه في بدايه حياتها لا تملك ذلك المال وبعد ان توظفت اصبحت تملك ذلك المال وصارت تنفقه يمين ويسار. كل شيء جائز .. لكن ليس بهذا الشكل الحياة الزوجيه شراكه وتعاون بين طرفين .. وياليتنا نفهم معنى شراكه .. اشكرك اخي عمر على طيب مداخلتك وردك دمت بخير أبوعبدالمجيد |
رد: حريمنا والفلوس ..!!! ههههههههههههههه هههه بصراحة حاسه يصلح عنوان لشهادة الماجستير لي عودة بأذن الله بس بالاول بشوف التماسيح المساكين وش يعانون منه بعدين اشكي لكم معاناتهم:d |
رد: حريمنا والفلوس ..!!! ., الحريم مغلوب على امرهن .. صحيح مبذرآت لكن ما باليد حيله . الرجال يفصل في السنه ثوب واحد والحرمه كل مناسبه ثوب عاد ياكثر مناسباتهن لزوم يتعاونون على المصالح المشتركه بينهم تسلم ابو عبدالمجيد |
رد: حريمنا والفلوس ..!!! متى ماوجد الحب ذابت جميع هذه السفاسف أتوقع يعني |
رد: حريمنا والفلوس ..!!! ابوعبدالمجيد تضرب بالمليان ومايوقع غير بالصميم بصراحة من كثر مآقرأت عن هالمواضيع الي شانه حمله ضد النساء الموظفات حسيتها ثورة عليهم الله يقويهم (زنقة زنقة) مظمونها / مهر + سيارة + بيت+ اثاث + مصاريف زواج+ مصاريف بيت +فواتير + مديونية = الرصيد بالسالب او لايوجد رصيد كافي صدقني المرأة الموظفة لو في قلبها رحمة ماشافت هالمصاريف وسكتت لكن عذرها مالها الا رجالها هههه الكثير من الشباب اذا طلبت الزوجة شغالة جلس يلمح ويقول ماني جايب شغالة عشان تقول الزوجة لازم تجيبها وراتبها علي هي ومصاريف البزارين. ( وهالاغراض لو تحسبها مع راتب الشغالة ماوصلت 1000 ريال) يعني وش سوت على بالها كريمة ريحتك وسوت انجاز. والحمدلله تفتح شبابنا الآن وصار يطلب غير موظفة وذلك لمعرفتة بعدم الفائدة من وظيفتها ! مثل ماقال ابوهلا ابخل ماخلق ربي تشح على نفسها عشان أمها. لو نلاحظ الفرق بين الموظفة العاطلة لوجدنا الموظفة لايستفاد منها بتربية ولا باهتمام بنفسها ولا بمنزلها ولا باطفالها ولابزوجها الفجر قايمة تتمكيج وتلبس وتتكشخ شوي الا بواري النقل طوط طوط والوراعين الله يكون بعونهم وعونك واغسل يدك من الفطور راجعة من الدوام بوجه عبوس الساعة 1 او 2 ظهرآ غدا مافيه غدا وتقول اذا صحيت العصر انشالله صلحت غدا الوراعين والرجال ذابحهم الجوع وهي ولا همها العصر احلى وقت للخروج تجدها توها صاحية تقول انتظر انا مصلحة ساندوتش غدا والله يعينك تنتظر لين المغرب بعد المغرب توصيك تمر المكتبة وتجيب مستلزمات الدوام يوميآ فترة بعد المغرب حتى العشاء بالمطبخ بعد العشاء تقول على اذنك بحضر الدرس ولا بصحح ولا بسوي عمل للمدرسة عند الشكوى لها تقول جب شغالة هذا هو الحل عندها << بس عليكم بالطاجاكستانيات ولو تهاوشت انت وياها قالت خلاص جيب لي سواق هذا الي ناقص العاطلة<< على قد حالها يالبى قلبها هههههه الفجر مصحيتك ومزهبه الفطور وترتب عيالها عشان يروحون المدرسة وتودعك بابتسامة بعدين تنظف بيتها وتعطره وتهتم بامورها وتسحبها نومة عشان ترتاح واذا جت الساعة 11 قامت وصلحت الغداء واحلى استقبال وانت راجع من الدوام وجمعة على السفره يحبها قلبك ونوم لحد العصر وتصحى تقهوى وسوالف وتمشية ولعب وبعد المغرب ترجع للبيت تحصلها تراجع للاولاد وتهتم فيهم وتزهب العشاء واحلى سهرة بدون تحاضي ووجع راس وعلى احلى سهره ^^^^ حتى لو تصحيها انت ولا البزران باخر الليل تصحى مو تقول اووووووووووف عندي دوام لاتزعجوني نرجع للتماسيح وبعض نظرياتهم ياخي الحين لاجيت اخطب اول مايسألون هو موظف ولا لا وخوينا يفاجئهم يقول طيب هي موظفة اذا قالو ايه قال خلوها عندكم ويقول بعد احيان ابوها يقول شارينك وبالاخير يطلب فوق الخمسين الف خير انشالله داخل معرض سيارات اطلع مع الباب وقل غيرها مليون لاتعطيهم وجه من البداية وتجامل والله ان يقولون تعال. يعني خل نقول 60 او 80 الف مهر << على وش مدري وسيارة تقريبآ نفس السعر وشقة تقريبآ نفس السعر ومصاريف زواج نفس السعر يعني 60 * 4= 240 الف الحد الادني ويصل الى 300 الف بذمتكم مهوب المسيار احسن هههههههههههههه وبصراحة اذا هي مو موظفة اقول تستاهل واكثر بس موظفة خسارة في زقمها ،، ، سلام:chris: |
رد: حريمنا والفلوس ..!!! اقتباس:
تبغى المرأة تدفع لك المهر خخخخخخخخخخ صدق ماعاد به رجولة يوم عن يوم احس الرجولة على وشك الانقراض حنا فاهمينكم وعاجنينكم حالياً المرأة هي اللي تتكفل بمصاريف البيت والسيارات اللي انتم تركبونها من راتب زوجاتكم الله يخليهم لأهلهم وعيالهم. والفواتير اللي تتكلمون عنها برضو المراة اللي تدفعها بلا هيـــــــــــــ ــــااااااااااط . لله دركم يانساء |
رد: حريمنا والفلوس ..!!! اقتباس:
تمونين حطي الحره فيني ومعذوره اذا ما دافعتي عن بنات حواء من يدافع عنهن . ما قلته هو رأيي وقد اكون مخطيء فقط سؤال في اغلب الدول يتعاون الرجل والزوجة على التأثيث وفي الهند الزوجة اللي تدفع المهر وتأثث البيت (افكر اجرب الزواج من كيرلا )هههههه اختي الكريمة : كلامي اللي قلته واقعي ولكن اصابعك مو سوى في حريمنا الكريمة وفيهم مصاصة العبسة لاتقولين مافيه . احيانا يكون راتب الزوجة اكثر من راتب الزوج والزوج مايبيها تصرف عليه والا اسمحي لي رجولته فيها خلل الا اذا كان محتاج ومزنوق وقتها كل مانريده ان يكفيها راتبها لمتطلباتها الشخصية ويتفرغ الزوج للصرف على كامل البيت وهذا مقابل انه سمح لها تعمل وتترك عيالها عند الشغالة وترفض توفر متطلباتها انت الرزوج والا انا ؟!!! لست مع ترك الزوجة للعمل حتى ولو كانت ام نقيطه لان الدنيا غدارة وبكره يجي للزوج شيء والا يطلقها تبقى الوظيفة شيك لايمكن التفريط فيه . ولو ان الزوجة تجمع راتبها لليوم الاسود معذورة لكنها تصرف على اهلها واخوانها العاطلين وحتى الموظفين وتترك ولدها العاطل عندك ابوك !!!!!!!!!!!!!!! !! نجي في العزايم : الليله عازمتنا ام نجود طيب وانا ويش دخلي وقبل ترد عليك تتمايل بدلع وتغنج يا ويلي تبي اروح لها ومافي يدي شيء ؟ ابغى فلوس بمر على سعد الدين اخذ صينية شوكولا وصينية فطاير !! طيب اجل عازمتك على ويش ؟ معليش صديقتي ولمحت لي !! طيب انا بقول لك علنا ماني ملمح هي دايما تجيك يديها فاضية !! صح بس انا ماتعودت . طيب من رادك روحي لسعد الدين؟ وتضحك يابعد قلبي ابي قرنقش مانتب زوجي . يابنت الإيه جيت ذالحين زوجك وانا امس اجل زوج من يوم تهاوشيني وتقولين اهلي الغلطانين اللي زوجونيك ووورطت ببزارينك !! يعني لو ورقة الطلاق علمها معك عطيتيني بالثلاث واليوم جايه تتلحوسين وراتبك وينه ؟ ارجوك تقولها بعصبية كل شيء ولا راتبي لاتسألني عنه مره اخرى ترى تطيح من عيني !! اه ومتى صرت مالي عينك هذا وهي عيون غمص وصغيره وعجزت املاها وشلون لو انها عيون سميرة توفيق ههههههههههه -دمتم بخير - نخليكم مع حوار زوجين يتم بشكل شبه يومي |
رد: حريمنا والفلوس ..!!! ـــأنـــأ من وجـــهـة نظــري: مـــأدام الـرجـــاجيل مـــأيبون انــهم يصــرفون علــى زوجته ــأو علـى إعيـــأله س-لـــيش يتزوج؟؟؟!! مـــأدام ان الزواج مسوليه وهومومهتم ليش تزوجت طيب وانت عارف انــولــأزم تصرف على زوجتك حتــى لو انهامــوظفــه تبي اجل زوجتك تصرف عليك وعلى عيالك |
رد: حريمنا والفلوس ..!!! اقتباس:
اهلآ يافتاة عزالله انك جبتيها وفكرة حلوة ان المرأة تدفع المهر ونفكر انشالله بزواج من الهند يمدحون (بومباي) أجل على بالكم تدفعون والله من قل الكلافة كلها لامهاتكم وملابسكم ولارجاجيلكم مافكرتو فيهم وبصراحة انا مستعد اسلم الرجولة للزوجة بس اذا هي صرفت علي هههههههههههخخخ يعني حرمة ومعها فلوس وماتستفيد منها بالله وش فايدتها اذا ماصرفت راتبها على بيتها مثلها مثل زوجها ولاتنطق بالبيت من دون وظيفة احسن ولا شاطرة بس تجيب لأمها شغالة وتشتري مقاضي بيت اهلها وتصرف على اخوانها وابوها وخالاتها وجداتها والعائلة كلها وماتقصر عنهم بشي وزوجها وعيالها يطلعون صفر على الشمال من كرم الحاتمية ( شريتك ياطيري وطرت لغيري) تحس ان اهلها فقراء ههههههههههخخ لكن بصراحة مالوم الي يقولون الموظفة لاتخلي لها درب خذ صرافتها |
رد: حريمنا والفلوس ..!!! مالي في الموضوع لاناقة ولاجمل فقط تسجيل اعجاب بالطرح ~ |
رد: حريمنا والفلوس ..!!! غــبيــه الي تظن ان الفستآآن والحذاء يعطيهآآ جمآآل هي الي تضيف للبس جمآآل ورقه .. قالوهآآ كثير .. لو شرت ملابسس مقعوله وتتصدق بالبآآقي خير .. لهآآ .. من جد الحريم عقلهم صغير .. ورجآآل بعد ترى مآلقي اللوم على الحريم بس لو هي شآآفت الرجل شلون يطلع الفلوس في مكآآنه صح مكآآن تسوي علووم م هي سسنعه .. يعني الرجآآل بالعآآلم والحرمه بعآآلم .. تصدقون اني استغرب انه بينهم شئ اسمه زوآج .. الله يعين الجميع .. اتيتي بالصحيح عزيزتي فزوره .. ليتنا نقف على هذه النقطة وناخذ برهة من الزمن للتفكير ... ليست الملابس هي التي تعطي جمالاً ..!! فجمال المرأة هو قلبها وعقلها . هناك من تبالغ في جمال المظهر وتنسى االأساس قد تصرف تلك الفتاه على ملابسها ونفسها الشيء الكثير عزيزتي فزوره وقد تباهي بذلك ليتها احتفظت بتلك المبالغ للزمن لا اقول تصرف على زوجها . بل تحسن التصرف في مالها .. اشكرك على طيب تعقيبك أبوعبدالمجيد |
رد: حريمنا والفلوس ..!!! اقتباس:
المحيط الهادي .. ممكن كذلك يصلح رساله دكتوراه التماسيح هم من الحيوانات التي ليس لها عقل .. لكن نحن لسنا بذلك عزيزتي المحيط الهادي ولست من الذين يعانون بشيء اشكرك ابوعبدالمجيد |
رد: حريمنا والفلوس ..!!! اقتباس:
ليس كل الحريم مغلوبات على امرهن ممكن تجد واحدة الى ثلاث نساء من عشره مغلوب على امرها والبقيه غير ذلك .. بعض من الموظفات تبالغ في التبذير والبعض الآخر تبالغ في تبذير فلوس زوجها هناك فيئه منهن تصرف على بيتها واهلها وغير ذلك هناك من يقول ان الزوج طالب منها تصرف ..؟! اعتقد ليس هذا .. هي من نفسها فعلت اشكرك اخي على طيب تعقيبك أبوعبدالمجيد |
رد: حريمنا والفلوس ..!!! اقتباس:
انا معك في هذا اخي مروق البال .. يقول فضيلة الدكتور الشيخ عائض القرني في أحد كتبه ، الحب ماء الحياة و غذاء الروح و قوت النفس . و يقولْ مضيفا تعكف الناقة على حوارها بالحب و تبني الحمره عشها بالحب ، و بالحب تشرق الوجوه ، و تبتسم الشفـــاه و تتألق العيون ، بالحبْ يكون الوصال و الحنان و العطف فهو القاضي في محكمة الحياة ، يحكم للأحباب و لو جار ، و يفصل في القضايا لمصلحة المحبين و لو ظلم . نعم إذا وجد الحب ياعزيزي مروق البال اشكرك على جميل ردك أبوعبدالمجيد |
رد: حريمنا والفلوس ..!!! لااله الاانت سبحانك اني كنت من الظالمين |
| الساعة الآن 05:12 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..