حريمنا والفلوس ..!!!

#6 (**permalink**) 26-04-2011, 01:43 AM


	المشاركة الأصلية كتبت بواسطة عمر العصيمي


	اما الفئه القليله الي انت ملاحظها اكيد كانت محرومه وعندها كبت من اشياء حابتها في الصغر طلعت كل الي بخاطرها بالراتب

لا مو شرط تكون محرومة منذ الصغر هذي طبيعة المرأة تحب تشتري وماتخلي شي بخاطرها
اجل صاروا بنات الاسرة المالكة محرومات منذ الصغر وعندهم كبت خخخخ
اعتقد ان الرجال العزاب مايصرفون على امهاتهم (الغالبية) ,,,,,
وراتبة يطير بنص الشهر
يعطيك الف عافية اخ ابو عبدالمجيد

#7 (**permalink**) 26-04-2011, 04:29 AM

^^^^

حنا
ان ما عجبها شيء نرجع للمحل ونتهاوش معه الا نرجعه وناخذ الفلوس هههههـ

صحيح بناتنا عندهم كبت وما شبعو من الملابس والاكسسوارات والماركات العالميه لان الاب يصرف
على عياله وبناته وهي عاجبها شيء لكن مصروفها عند الاب 500 ريال بالشهر وما شاء الله بتخلصها
بروحه وحده للسوق وفرق ان جاس راتب بـ4500 وتطيرينه بكذا مجمع وبتحسين بالاكتفاء والشبع بعدين

وفي حريم يفكرون صح يدخرون نص المبلغ والنص الثاني يتسوقون فيه وعلى قد حاجتهم

وسالفة الرجال الأعزب الي ما يصرف على امه ويطير راتبه فهذا مبذر
(إن المبذرين كانو اخوان الشياطين )

#8 (**permalink**) 26-04-2011, 11:57 AM

ابو عبد المجيد :


	الموت مع الجماعة رحمه وانا اخوك خلنا تجمع على هالحريــّم وعسانا نسلم ماعندهن الا ّ الهواش ومسك الشوش واحمد ربك انت وانا نكتب من خلف الشاشة والا طيــّروا غبرتنا كيد النساء عظيم وكيد الشيطان ضعيف!!

يابعدي يامحمد خلنا خلف الشاشه نكتب والله المستعان ..


	ومع ذلك سأدلي بدلوي وانت السبب ربي يعيننا مع ان المعادلة هالايام بين الرجل والمرأة صارت صعبة !! ارجع لموضوعك وأبصم بالعشرة لو صرفت الموظفة من راتبها على نفسها وكفــّاها راتبها عن جيب الزوج وراتبه الشهري لصرنا تجــّار .

الحياة الزوجية في وقتنا الحاضر اختلفت الموازين عن ذي قبل ..! صار بعض الرجال ينظر للزوجة الموظفة أن تساعده في مصاريف البيت ..
ممكن يكون هناك رفض من الزوجة بداعي انت الزوج ..!هناك اخي ثقافة الحياة الزوجيه التبادل في الأدوار , في الصرف في كل الامور المتعلقه في البيت ليس الزوج هو من يصرف ..
لا اقول هي تصرف لمجرد الصرف لكن من باب التعاون في ذلك ..


	الموظفة السعودية وخصوصا المعلمات بخيلات بخيلات بخيلات الوحده اذا استلمت راتبها على طول يالبنك بحسابها او عطته امها احفظيه يايمه !! ولأن الأم طيبة بشكل عام تقول لا والله يا بنيتي ما يصير راتبك لك ولزوجك .

كل شيء جائز في ذلك اخي محمد ممكن تجد هناك نسبه لا تحب تصرف على بيت زوجها وهناك نسبه قد تصرف وتساعد زوجها في عمليه الصرف ..


	ترد عليها بلهجة المصارع أندريه العملاق وهو يشق الطريق بين الجماهير الى حلبة المصارعة وكأنه جمل هائج اسمعيني يا يمه انا ما تزوجته الا علشان يصرف علي وعلى عياله ماهوب أصرف عليه في الطقاق اللي يطقه. ابو عبد المجيد : صدقني فيه موظفات تتصل على زوجها وهو برّى المدينة بينه وبينها مئات الكيلو مترات ولا تستحي تطلب منه (حمودي خلصت حفايظه او حليبه )!!!

كما قلت كل شيء جائز لكن لا يصل الا هذا الحد ..
يعني لازم الزوجه تكون متفهمه بعض الشيء


	ابو عبد المجيد : متى سألت زوج أحد الموظفات يااخي حظك زوجتك موظفة تسلم من الصرف عليها صدقني يجر ونة الاّ ونــّات وبحرقة مرددا (يقوله اللي مايدري ) ياخوي ليتنا سالمين من هالوظيفة مالي منها الا التعب فلوسها لأمها او اهلها اما مصاريفها من راتبي وهذا شر البلية .

ممكن يكون هذا لكن .. انا اعمل في مستشفى وهناك موظفات متعاونات مع الزواجهن في عمليه الصرف على نفسها ومشترياتها وكذلك راتب الخادمه عليها


	ابو عبد المجيد : نعم انا زوجها ومسئول عن الصرف عليها بس لا تفقع راسي كل ماطرى لها قالت (الزواج شراكة ) !! وين شراكة وانتي شريكة بدون رأس مال .

نعم الزواج شراكه فلابد من الشراكه في كل شيء في المصرف وغيره إذا كانت تمتلك ولديها ثقافة الحياة الزوجيه ..


	الزوجات عندهم مرض لوجستنفسي هههههههه حاولي يصير زوجك على الحديدة علشان مايتزوج عليك ترى اذا جمع كم قرش بياخذ الثانية يا خبله خليه على البلاطه . اّه لو اناّ سالمين من نظريتهن الخاطئة والقاصرة كان صرنا مثلهن لنا حسابات وخزنات امانة في البنوك بدال ماتكون حساباتنا عالزيرو ومندوبي فيزا يطاردوننا .

الله عليك اخي محمد مرض لوجستنفسي عطني فرصة اسأل الطبيب عن هذا المرض ..


	متى تجد إمرأة كريمة ؟

موجوده اخي محمد واعرفها كذلك وموظفه


	دمتم بخير واربطوا الاحزمه

الله يسعدك اخي الكريم محمد السهلي على طيب تعقيبك الرائع

بخصوص الحزام رابطينه ومتوكلين على الله ..

دمت بالف خير

اشكرك

أبوعبدالمجيد

#9 (**permalink**) 28-04-2011, 12:52 AM


	المشاركة الأصلية كتبت بواسطة محمد السهلي


	ابو عبد المجيد : الموت مع الجماعة رحمه وانا اخوك خلنا تجمع على هالحريــّم وعسانا نسلم ماعندهن الا ّ الهواش ومسك الشوش واحمد ربك انت وانا نكتب من خلف الشاشة والا طيــّروا غبرتنا كيد النساء عظيم وكيد الشيطان ضعيف!! ومع ذلك سأدلي بدلوي وانت السبب ربي يعيننا مع ان المعادلة هالايام بين الرجل والمرأة صارت صعبة !! ارجع لموضوعك وأبصم بالعشرة لو صرفت الموظفة من راتبها على نفسها وكفــّاها راتبها عن جيب الزوج وراتبه الشهري لصرنا تجــّار . الموظفة السعودية وخصوصا المعلمات بخيلات بخيلات بخيلات الوحده اذا استلمت راتبها على طول يالبنك بحسابها او عطته امها احفظيه يايمه !! ولأن الأم طيبة بشكل عام تقول لا والله يا بنيتي ما يصير راتبك لك ولزوجك . ترد عليها بلهجة المصارع أندريه العملاق وهو يشق الطريق بين الجماهير الى حلبة المصارعة وكأنه جمل هائج اسمعيني يا يمه انا ما تزوجته الا علشان يصرف علي وعلى عياله ماهوب أصرف عليه في الطقاق اللي يطقه. ابو عبد المجيد : صدقني فيه موظفات تتصل على زوجها وهو برّى المدينة بينه وبينها مئات الكيلو مترات ولا تستحي تطلب منه (حمودي خلصت حفايظه او حليبه )!!! ولأنه خابزها وعارف عرق ابو حضرم فيها يسكت ويتصل على احد اقاربه او البقالة اذا كان يعرف راعيها وصــّل للبيت الفلاني هالاغراض !! صدقني ماعاد يستحون حريمنا الموظفات الاّ القلــّة كل شيء ولا تصرف من جيبها قرش حتى لو تتفرش الارض وتتلحف السماء . ابو عبد المجيد : متى سألت زوج أحد الموظفات يااخي حظك زوجتك موظفة تسلم من الصرف عليها صدقني يجر ونة الاّ ونــّات وبحرقة مرددا (يقوله اللي مايدري ) ياخوي ليتنا سالمين من هالوظيفة مالي منها الا التعب فلوسها لأمها او اهلها اما مصاريفها من راتبي وهذا شر البلية . ابو عبد المجيد : نعم انا زوجها ومسئول عن الصرف عليها بس لا تفقع راسي كل ماطرى لها قالت (الزواج شراكة ) !! وين شراكة وانتي شريكة بدون رأس مال . الحل : نتحد ولا نعطي زوجاتنا الموظفات اي مصروف يخصها ولمدة شهرين وصدقني يقفلون العمالة محلاتهم ويرحلون لبلادهم وتبقى فلوسنا عند امهات او اهل زوجاتنا وعلى الاقل نحافظ على جيوبنا . الزوجات عندهم مرض لوجستنفسي هههههههه حاولي يصير زوجك على الحديدة علشان مايتزوج عليك ترى اذا جمع كم قرش بياخذ الثانية يا خبله خليه على البلاطه . اّه لو اناّ سالمين من نظريتهن الخاطئة والقاصرة كان صرنا مثلهن لنا حسابات وخزنات امانة في البنوك بدال ماتكون حساباتنا عالزيرو ومندوبي فيزا يطاردوننا . متى تجد إمرأة كريمة ؟ فقط غير الموظفات اما الموظفه ابخل من جحا . دمتم بخير واربطوا الاحزمه

ارجو تكون هذه وجهة فقط الا الحقيقة غالبا ما تكون خلف الستار

انا موظفة و الحمد لله من 10 سنوات وما حوشت شئ منها و كل الراتب اصرفه علي و على عيالي و مصروف البيت

و جميع قريباتي الموظفات على شاكلتي و اما اللى اسمهم رجاجيل الطيب منهم يساهم ببعض الشئ من مصروفات البيت الظرورية جدا جدا و بعد الحاح شديد و اذا ما كانت شاريه له السيارة

صحيح ان له حق من راتبها مقابل تركها لرعاية بيته و رعايته لكن لا يستغلها و يترك المسئولية لها لوحدها

اعذرني اخوى بس و الله قهرتني بردك و طلعت الحره فيك اعذرني

#10 (**permalink**) 29-04-2011, 02:41 AM


	المشاركة الأصلية كتبت بواسطة السهلية


	صحيح ان له حق من راتبها مقابل تركها لرعاية بيته و رعايته لكن لا يستغلها و يترك المسئولية لها لوحدها

لا يا اختي الرجال ماله حق ياخذ ريال واحد من راتب حرمته

وانا اعتبره رخمه ان خلا حرمته تصرف عليه وعلى عياله وبيته

راتب الرجال يكفي مصروف البيت والعيال ومصروف ام العيال بعد

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اشكاال حريمنا اذا جاتهم دعوه زفااف	سلطان الشوق	مساحة للضحك والفرفشة	10	29-06-2009 06:56 AM
الله يرحمنا هذا يصير بالرياض	محمد	احتواء ما لا يحتوى	11	23-06-2009 01:48 PM

حريمنا والفلوس ..!!!

حوار ومنطق